Ebedeo 6:11 - El Nuevo Testamento en matsés

¹¹ Adecbidi utsibobëd tantiananec tabadquin chieshtoenquio icquin Esus tantiec mibitedi bëdambuec tabadac bëdambo ictsiash. Adec tabadash: Esus tantiaquid yec Nuquin Papa yacno tabadtequid nebi, quequin mimbi cainquin tantiacpadec aid yacno mibi tabadendac.

Ebedeo 6:11 ပူးပေါင်းရင်းမြစ်များ

Mateo 24:13

Adquido icnubi chieshtoenquio icquin ubi tantiaquido icsho Nuquin Papa yacno tabadmendambi.

Ducas 1:1

Matses dadpenshun: Nëmbo nasho ubitedishun isondaid dada uaquin tannu, quequin dada uapanëdash.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Doma 15:13

Nuquin Papa tantiaquido icsho mibitedi tantiaquin naden chiannembi: Aido bëdambuec tabadmequin cuishoncameta. Adembidi min Mayan Bëda nadatiambocquidën tantiamiacpadombuen cainec tabadmeta, quequin Nuquin Papa chiannembi.

Codinto 1 13:13

Nëidtedi ënëdtemaid iquec: Abimbo caic, quequin Nuquin Papa tantiaid ënëdtemaidquio nendac. Adecbidi Nuquin Papa yacnouësh abipadquid bëdambocquidquio iquendabi, quequin cainquin tantiaid ënëdtemaidquio nendac. Adecbidi utsibobëd tantiananaid ënëdtemaidquio neuaindac. Adec aidtedi ënëdtemaid icnubi utsibobëd tantiananec tabadtembuen natequidquio nendac.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Cadasia 5:5

Padnuen nuquitedi Nuquin Papan Mayanën tantiamiac naden nuqui tantiec: Esuquidistu uidtsëqui tantiasho Nuquin Papan icsaisabimbuecnuc nuqui bëdambuen isec, quequin nuqui tantiec.

Cadasia 6:9

Umbi aden chuisho tantiashun chieshtoenquiocquin bëdambuen naic tabadta. Adec tabadsho issun ambi tantiacpadën Nuquin Papan nuqui bëdambo icmequin menendac.

Pidipos 3:15

Nuquin Papan chiacpadombuen natiadquio iquebi, quequin umbi chuibocpadombuen mimbi tantiatsiac. Utsien aidën chiaid abitedi nainquio icquin: Abentse abentsen naimbi, quesho Nuquin Papan ambi tantiacpadombuen mibitedi bëdambuen tantiametsiash.

Codosas 1:23

Chieshtoenquio icquin cainquin Esuquidistu tantiaquid icsho abi yacno mibi iuedendac, quequin chuibansho mimbi tantiondac. Adenuidi Chiaid Bëda ënenquio icquin tantiata. Adombuembidi shubu dadpen icquid Doma yacno chuiquid tapan namiacnoshon chuibennesho nidaid utsi utsiec yacno tabadquidon tantiapanëdash. Umbitsen adembidi aid chuibennepondambi.

Codosas 1:5

Esuquidistu Nuquin Papa yacno iuedanquid nec, quequin Nuquin Papan Chiaid Bëda chuibanac aid tantiaquido mibitedi yanac. Adquid yanshun: Abi yacno abuc Nuquin Papabëd tabadtequid nebi, quequin chieshtoenquio icquin cainquidombo mibitedi nec.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Tesadonica 1 1:5

Chiaid Bëda Esusën naidquio mibitedi chuibanondambi. Chuiquinuidtsëqui chuibanenquio icquin Nuquin Papan Mayan Bëdan nadatiambocquin namiac umbi nabansho issun: Abimbo caic, queshun mimbi Esus tantiabenondac. Aden Esus tantiamenuec mibitedibëd ubitedi bëdambuec tabadsho issun: Aido abimbo chuibanquido nec, queshun umbi chuisho mimbi tantiondac.

Tesadonica 1 4:10

Cun utsibo, min nidaid cuëshë Masedonia caidën tabadquin Esus tantiaquido utsibotedi mimbi tantiec. Adec mibi yacpadquiequi tantiananquiec tabadtenneta.

Tesadonica 2 3:13

Cun utsibo, Nuquin Papan chiacpadombuen naquin chieshtoenquio icquin bëdambuenuidi nata.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Ebedeo 3:14

Tauambuen nuqui Esus tantiabenondacpadombuen chieshtoenquio icquin tantiec uënësabi yacpadembi ënenquio icquin tantiaquido yec Esusbëd tabadtequido nuqui nendac.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Petedo 2 1:10

Tantia. Cun utsibo, mibitedi chuinu. Nuquin Papan: Cun matses canu, quequin Esus tantiamiaido mibitedi nec. Aden tantiamiaido icquin cute tapun nidaid ëquëducquio nidacbimbuen aid ënenquio icquin tantiaquid yec Esus tantiesa mibi yanuainquio iquendac.

Petedo 2 3:14

Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta.

Uan 1 3:14

Cuidadtequido icbuedëmbi Esuquidistu tantiaquid yec tantiananquin naden nuqui tantiendac: Adec tantiananquid yec Nuquin Papabëd tabadtequid nebi, quequin nuqui tantiendac. Utsibobëd tantiananesa yec uënësacbimbuec tabadquidoen Nuquin Papan cuidtequido nendac.

Uan 1 3:19

Adec utsibo nashunquid icquin: Nuquin Papan abimbo chuiquidën namiaid nebique. Ubi cuidenquio iquendac, quequin tantiaquin dacuëdenquio icquin Nuquin Papa nuqui chiannendac.

Esusën Uan ismiaid 2:26

Mayan Icsa Satanasën: Icsamenu, caqui chieshtoenquio icquin ubi ënenquio icquin tantiaquin umbi chiacpadombuen naquidombo icsho ubëta chuiquid tapa icmendambi. Adoac ubëtan matses utsibo abitedimbo namendac.