Ebedeo 5:8 - El Nuevo Testamento en matsés

⁸ Nuquin Papan Madombo icshobi mëyanquin natiamiaqui Nuquin Papan chiacpadombuen ënenquio icquin nate tantiabempanëdash.

Ebedeo 5:8 ပူးပေါင်းရင်းမြစ်များ

Mateo 3:15

En na. Bëdambo iquec. Ubi mentoquin mimbi Nuquin Papan chiacpadombuen bëdambuen natsiaque. Ubi acten mento, quesho tantiashun Esus mentopanëdash Uanën.

Uanën dada uaid 10:18

Matsesën ambembi ubi uënës uatiapimbo ictsiash. Umbi tantiacpadquiequi matsesën uënës uadendabi. Adecbidi nadatiambocquid yec ubibi uincuenuaindabi. Adec Cun Pan chuibocpadec iquendabi, quepondash Esus.

Uanën dada uaid 15:10

Abi tantiaquioquin ambi chiacpadombuen nashobini Cun Pan tantiaquiec. Adembidi ubi tantiaquin umbi chiacpaden nasho umbitsen mibi tantiaquiembi.

Uanën dada uaid 4:34

Adsho tantiash Esus: Ubi cuishoncamete petebimbuecquid utsi iquec. Ubi chomiondaid Nuquin Papan chiacpadombuen naic bëdambo iquebi. Ambi chiaidtedi chonoadquin nainnuec nebi, quepondash.

Uanën dada uaid 6:38

¿Umbi tantiacpadombuen nanuectabi abucuësh chodionda? Padenquio. Ubi chomequid Cun Pan chiacpadombuen nanuec mabi aid yacnouësh chondac.

Pidipos 2:8

Matses iuabimbuecquid yampanëdash. Adash aton Papan chiacpadombuen nabanequi uënëspanëdash. Cueste napotiaidën dectanquin uënës uapanëdash.

Ebedeo 1:2

Nëbien abipadquidquio tsiuec choshon Nuquin Papan chiacpadombuen aton Madonquio chuibampanëdash. Aidëmbi aton Papabëtan abuc icquidtedbëta nidaidën icquidtedi uapampic. Adshumbic Nuquin Papan ambi uaidtedishun Icbombo icmepampic.

Ebedeo 1:5

Abëd icquido ambi uaido isec Nuquin Papa: Cun Mado mibi nec. Nëbi Min Papa nendabi ¿quepecta icpanëdash? Padenquio. Aden abëd icquido chiesa yec: Nëid uëshëmbi mibi chuiquid tapa icmeshun mibi Cun Mado caindambi, quequin Nuquin Papan chuipampic.

Ebedeo 1:8

Aden chuishumbic abipadquid aton Madombo icsho Nuquin Papan naden chiec: Ënëdenquio yec Chuiquid Abentsëcquiobi mibi iquendac. Adecbidi bëdambuen tabadmequid yec umbi chiacpadombuen namequid mibi iquendac.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.