Ebedeo 5:14 - El Nuevo Testamento en matsés

¹⁴ Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.

Ebedeo 5:14 ပူးပေါင်းရင်းမြစ်များ

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Doma 14:1

Mibëd iccuededquid Esus tantiabentsëcquido bëdambuen ista. Aidobëd icsambuec chushcananec tabadenda.

Codinto 1 2:6

Padnuembi Esus tantiaquidquio icsho: Ma udictsëc tantiabennu, quequin bëdambuen tantiaquioquin chuibanendac. Esus tantiesabon: Umbi tantiaid dadpen tantiamenu, quequin chuibanacpadombuen chienquio iquembi. Adembidi chuiquid tapabon chiacpadombuen chienquio iquembi. Aidon chiaid nibëdanendac.

Epeso 1:18

Nadembidi mibitedi tantiaquin Nuquin Papa chiannembi. Mimbi bëdambuen tantiamiac: Ma mibëd tabadte bunquin cainquidombo ma icpanuna. Adash: Nuquin Papa tantiaquido utsibobëd bëdamboshë yacno tabadendabi, quequin ma tantiapanuna, quequin chiannembi.

Epeso 4:13

Adoaid icquin nashunac abentsëc yacbimbuec Esus tantiaquido yanendac. Adquid iquec Nuquin Papan Mado tantiaquiec Esuquidistupadquid yanec nuquitedi bëdambuec tabadquid yanendac.

Pidipos 3:15

Nuquin Papan chiacpadombuen natiadquio iquebi, quequin umbi chuibocpadombuen mimbi tantiatsiac. Utsien aidën chiaid abitedi nainquio icquin: Abentse abentsen naimbi, quesho Nuquin Papan ambi tantiacpadombuen mibitedi bëdambuen tantiametsiash.

Tesadonica 1 5:21

Adoenquio icquin: ¿Nuquin Papan Chiaidquiobida chuibaneque? Tantiabono, cata. Aden tantiashun Nuquin Papan Chiaidquio isbanta. Aden isbanshun abimbo chiaid icsho issun: Ai, Nuquin Papan Chiaidquiobi chiec niosh, quequin aidën chuisho bëdambuen tantiata.

Timoteo 1 4:7

Cun tsusedpabon ambembi chiampidbëta nëbi matsesën adembidi ambembi chiaid tantienda. Nuquin Papan Chiaidquio niaquenquio yec bëdambuec tabadte bunquiota.

Ebedeo 6:1

Aden ënden Esuquidistu chuibanac aid tantiabensho chuibanondaiduidtsëqui tantiec tabadenquio icnuna. Esus bëdambuen tantiaquidquio icnuen ambi chiaid utsi isban isbanec tantiaquidquio yannuna. Mibi chuibanac mimbi tantiondaid nad iquec: Esus tantiabenshun icsambuen naid ënta, quequin chuiquinc icsambuen naid ënenquiocsho Nuquin Papan cuidte chuiquinc Nuquin Papambo tantiate chuiquinc capanëdash.

Santiaco 3:2

Nuquitedi icsa uatanquido nendac. ¿Tsutsi bëdambuecuidi onquequid icpatsiash? Utsi icsambuen chuishunesa icsambuen naisa ictsiash. Adquid abibi datantiadquin icsambuen chiec onquenquiocquid iquendac.