Ebedeo 5:13 - El Nuevo Testamento en matsés

¹³ Shuma chishquid bacuëmpi: Bëdambuen nata, quequin chiaid tantiesa nec. Adquidbimbuecquid mibi nec.

Ebedeo 5:13 ပူးပေါင်းရင်းမြစ်များ

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Madcos 10:15

Abimbo chiembique. Tantia. Nëid bacuën amë badedquio tantiacpadombuen Nuquin Papan Chiaid tantiesa yec Nuquin Papan namiacno puduedtiapimbo iquendac, quepanëdash Esus.

Doma 2:20

Chuisho tantiabi icquido nëbi tantiabentsëcquidobëta Nuquin Papan Chiaid chuibanquid nebi. Abitedimbo tantiaquid icquin Nuquin Papan: Naden nata, quequin Moises chiampid bëdambuen tantiaquin abimbo chuibanquidquio nebi, mibi quepec.

Codinto 1 13:11

Bacuë yec bacuëmpi onquiacpadec onquepadennebi. Adembidi bacuëmpin tantiabenabi yacpaden tantiapadennembi. Adembidi bacuëmpin: Nëid bëdambocquid nec. Nëid icsambocquid nec, quequin tantienquio yacbimbuen tantiapadennembi. Aden tantiaquid ictennedëmbi canishun bacuëmpin tantiaidtedi ënondambi.

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Codinto 1 3:1

Cun utsibo, mibitedi: Esus tantiaquidombo nec, queshun mibi dadpen chuibantsenombi. Esus bëdambuen tantiabenabictsëcquido yec bacuëmpibimbuecquido nec, queshun daëdpactsëc tantiamequin mibitedi Esuquidistu chuibanombi.

Codinto 2 3:9

Umbi: Naden nata, quequin chiaid niacquid cuidtequid nendac, quequin dada uaid Nuquin Papan meniac imbudshun Moisesën aton matses ënëdenquiocnoc Nuquin Papabëd tabadmetiapimbo icpampic. Adquid icnubien matsesën icsambuen naid bedshunash icsambuen naisa yequi abided cuidadec uënësaid tantiaquido icsaisabimbuecnuc Nuquin Papan bëdambuen isaido nec, quequin chiaid bëdamboshë iquec.

Epeso 4:14

Adec tabadquido yec bacuëmpin utsi utsien tantiacpaden tantiaquidpenquio nuqui nendac. Cunquequidën ëquë ëquëen tsidunacbimbuen muaquidon utsi utsien chuibansho tantiash badedquio: Abimbo caic, quec mua uadec. Aido icsambuen tantiaquido icquin chuisho tantienquio iquendac.

Timoteo 2 3:16

Nuquin Papan Chiaid aton Mayanën tantiamiacpadombuen matsesën dada uapampic. Aidën chiaid abitedimbo bëdamboshëcquid nec. Aid isec onquequin: Nuquin Papan chiacpaden naic bëdambuec tabadnuna. Esus tantiaquido icquin icsambuen nainquien ictiad, quequin abi chuibanquidën chuibanec. Adembidi: Esus tantiaquido adec tabadesa neque. Padi. Bëdambuequien tabadtiad, quequin chuibanec.

Petedo 1 2:2

Adenquio yec tishac chucactsëc bacuëmpi shuma chishte bunquiacbimbuec Nuquin Papan Chiaid iste bunquiota. Bëdiactsëc tantiabuedi canidoacbimbuen aid isban isbanquin aidën chiacpadombuen natiadquio yanec Esus tantiaquidquio yanec aidbëd tabadtequid ictsiabi, queshun Nuquin Papan Chiaid isbanquiota.

Uan 2 1:11

Utsibombien: Mibi chosho isash bëdambo iquebi, quequin chuiquid aidën icsambuen nacpadombuembidi icsambuen naindac.