Ebedeo 4:16 - El Nuevo Testamento en matsés

¹⁶ Adquid icnuc tantianquidquio yec Nuquin Papa abitedishun Icbombo yec aton tsadte dapan tsadacno choec puduedshun chiacbimbuen: Ubi cuidenquio icquin bëdambuen ista, quequin Nuquin Papa chiannenuna. Adembidi natiamiantequid icnuc Abi chiannesho tantiashun Nuquin Papan nuquitedi chieshtomenquio icquin nashunquin dayacquio icmendac.

Ebedeo 4:16 ပူးပေါင်းရင်းမြစ်များ

Epeso 2:18

Esuquidistunuidtsëqui nac: Nëid isadaidbo nec. Nëid isadaidpembo nec, quenquio icquin aton Mayambëd abentsëc yacbimbuecnuc tabadmiaido yec Nuquin Papa yacno puduedtequido nuqui nendac.

Epeso 3:12

Esuquidistunuidtsëqui abi tantiasho Nuquin Papa nuquitedi bëdambuen ismec, quequin tantiec dacuëdenquio yec Nuquin Papa dayunquio tsadacbimbuec nuquitedi iquec.

Ebedeo 13:6

Aden chiaid abimbo caic, quequin tantiec: Cun Icbombo ubi nashunquid nec, quiash dacuëdenquio iquebi. Adec dacuëdenquio icsho matsesën ubi icsa uatiapimbo iquec, quequin chiampid nuqui tantiendac.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Ebedeo 9:5

Aid sandote dapa bëchudante nacnenaidën Nuquin Papabëd icquido uicchunën podobimbuecnuc daëd nacnenshun bëchudante catabëcquin podo dësenanmiaid nënantanquio nuqui bëdambuen isquin cuidmenquioctequid Nuquin Papa iquec, quequin tantiamete caid nec. Nëbi aden nacnenaid chiaidtedi chienquio iquembi.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.