Ebedeo 3:19 - El Nuevo Testamento en matsés

¹⁹ Aden tantiesabo icquin ambi chiacpadombuen nainquiocsho issun ambi chiacno Nuquin Papan tabadmenquio icpampic.

Ebedeo 3:19 ပူးပေါင်းရင်းမြစ်များ

Madcos 16:16

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Uanën dada uaid 3:18

Nuquin Papan Aton Mado tantiaquido cuidenquio icquimbi Aton Mado abentsëcquid tantiesa icsho cuidendac.

Uanën dada uaid 3:36

Adoaid Aton Mado tantiaquido icsho Nuquin Papan abi yacno tabadmendac. Padnuen aton mado tantiesabo icsho Nuquin Papan abi yacno tabadmenquio icquin mëyadtequid yacno nidmequin cuidquiendac, quequin Uanën chuipanëdash.

Doma 11:23

Padi, aid tantiatiapimbo iquebi, quebuedombi cute bëdambocquid pobiacbimbuen isadaidbon Esus tantiabensho abëdi tabadmenuen nadatiambocquid icquin Nuquin Papan bëdambuen isuaindac.

Tesadonica 2 2:12

Aden Ambi Chiaidquio tantiatiapimbo icquin aid niacniaquec icsambuen nateuidi bunsho Nuquin Papan cuidquiendac.

Ebedeo 3:12

Tantia, cun utsibo. Bëdambuen tantiec tabadta. Uënëstiapimbocquid yec Nuquin Papa abi iqueque. Nëbi aidën chiacpadombuen nanuna, quebuedi: Tantiesa yanshun icsambuen naic cuëshëdchitomane, queshun ënenquio icquin Esus tantiaquiota.

Uan 1 5:10

Nuquin Papan Madombo Esus nec, quequin tantiaquin: Nuquin Papa abimbo chuibanquid nec, quequin nuqui tantiec. Padnuen Nuquin Papa tantiesan: Cun madombo nec, quequin abimbo chiaid chiesa yec muaquidquio Nuquin Papa nec, quequin muaquin chuiquid nec.

Udas 1:5

Tantia. Nuquin Papan cuidampid mimbi tantianëdaidi mibitedi padpiden chuiuanu. Equipito yacnoshon isadaidbotedi buanmepampic. Adoac iuectanquin ambi buanmiaidombi Ambi Chiaid niacniacsho issun Nuquin Papan abi tantiesabotedi uënësmepampic.