Ebedeo 3:15 - El Nuevo Testamento en matsés

¹⁵ Tantia. Nuquin Papan Chiampid nad iqueque. Mibi padpiden chuinu. Nëbimbobi Nuquin Papan Chiaid tantiashumbi tantienquio yanampicpadec tantiesa yanenda. Nuquin tsusedpabo shubu nibëdacno capucuennequin Nuquin Papan chiacpadombuen nainquio yampicpaden tantiesa yanenda.

Ebedeo 3:15 ပူးပေါင်းရင်းမြစ်များ

Ebedeo 10:29

Aden Moisesën chiampid niacquid cuidampid icnuc Nuquin Papan Aton Mado matsesën tantienquio yansho ¿cumapenen cuidenquioda icpatsiash? Aidon Nuquin Papan Mado Esus tintincacbimbuen chieshënec. Esus uënësaid caic: Matses yec abembi uënësaid nepanëdash, quepec. Adembidi aton intac nua chiuidec abided cuidadec uënësaid Esus tantiasho bëdambuen isquin bëdambuec tabadmendambi, quequin Nuquin Papan Chiaid chuca chieshënec. Adembidi Nuquin Papan Mayan Bëda matses bëdambuen iste bunquid icsambuen chuishunuaic.

Ebedeo 10:38

Aid chote tantiec Ambi chiacpadec bëdambuec tabadquin abi tantiasho Nuquin Papan abëd tabadtequido icmendac. Utsin chieshtoshon ubi tantienquio icsho bëdambuen istiapimbo iquendabi, quec Nuquin Papa, quequin chuiquin dada uapampic.

Ebedeo 4:7

Aden Ambi matses tantiaquin aidon nate uëshë caquin Nuquin Papan nëbimbobi aid uëshë nec, cauapec. Isadaidbon ëndenquimbo Nuquin Papan Chiaid niacampid icnubi iuecshun Nuquin Papan Dabid naden chuiquin Ambi Chiaid dada uamepampic. Nëbimbobi Nuquin Papan Chiaid tantiashumbi tantienquio yanampicpadec tantiesa yanenda, quequin chuipampic.