Ebedeo 2:17 - El Nuevo Testamento en matsés

¹⁷ Matsespadquid yanash matses cuidmenquio icte bunquid yec Nuquin Papan chiacpaden naquid yec matses nashunquid nec. Adquid iquec Nuquin Papa matses bëdambuen ismenuen nëish iua cuessunneshun pichicaquidon chuiquid tapabimbuecquid yec bëdamboshëcquid nec. Adquid icquin matsesën icsambuen naidtedi bëshunmequin Nuquin Papa bëdambuen ismenuec Esus abided cuidadec uënëspanëdash.

Ebedeo 2:17 ပူးပေါင်းရင်းမြစ်များ

Doma 15:17

Aden Esuquidistun namiacpadombuen naic bëdambocquid nebi, quequin Nuquin Papan chiacpadombuen naimbi.

Doma 5:10

Abi chieshënquido icsho issun nuqui cuidte bunenquio icquin Nuquin Papan aton Madoded cuidmepanëdash. Aden aton Madoded cuidmiash nëish bëdanshun abi tantiaquido bëdambo icmeshun abi yacno tabadmendac. Nëbi Nuquin Papan uincuenmenëdaid icquin Esusën nuquitedi cuidmenquio iquendac.

Epeso 2:16

Aden bëdambuen isnanmiaido yec isadaidbobëd isadaidpembo chieshënnantiapimbo iquec. Esuquidistu cueste napotiaidën dectanac uënëspanëdash, quequin tantiasho Nuquin Papan bëdambuen isendac. Adoac matses abentsëc yanacbimbuec bëdambuec tabadendac.

Codosas 1:21

Ënden Nuquin Papan: Cun matses nec, cacmaido mibitedi icpondac. Adembidi icsambuen tantiaquin nabanquido yec Nuquin Papa chieshënquido mibitedi icpondac.

Ebedeo 10:21

Nuquin Papa yacnombo icquin nuqui bëdambuen ismequid tapambo Esus nec.

Ebedeo 2:11

Aden matses bëdambo icmequid Esuquidistun Papa ambi bëdambo icmiaidon Papabidi nendac. Adec Nuquin Papan Madombo icquin Esusën dacuëdenquio icquin: Cun Pabëd ictequid cun utsibobëd nec, caindac.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Ebedeo 2:16

Nuquin Papabëd icquido nashunquin mënchicnu, quenquio yec Abadauanën tsiuecquido matses mënchicnu, quiash matsesash Esuquidistu abided cuidadec uënëspanëdash.

Ebedeo 3:1

Cun utsibo, Nuquin Papan: Cun matses nec, queshun ambi tantiacpadombuen Esus tantiamiaido mibitedi nec. Adoaido icquin Esuquidistu tantiaquionona. Nuquin Papan: Ubi chuibenneta, caid Esus nec. Adecbidi matses Nuquin Papa bëdambuen ismenuen nëish iua cuessunneshun pichicaquidon chuiquid tapabimbuecquid Esus nec, queshun aidquio tantiaquionona.

Ebedeo 3:2

Moisesën Nuquin Papan chiacpadombuen Nuquin Papa tabadte shubumpi uashun nuquin matsestedi namepampic. Adombuembidi Nuquin Papan chiacpadombuen chieshtoenquio icquin Esusën nabampanëdash.

Ebedeo 3:5

Adquid icquin Nuquin Papan namiac aton iuambo Moises Ambi cun matses caido nashunquidquio icpampic. Adembidi Nuquin Papan ambi chuite tantiamequin oncamiac nuquin matses Nuquin Papan nate chuibampampic.

Ebedeo 4:14

Esus Nuquin Papan Madombo yec nëish iua cuessunneshun pichicaquidon chuiquid tapambobimbuecquin Nuquin Papa matses bëdambuen ismequid nec. Adquid yec abuc nidshun Nuquin Papa chiec: Ubi tantiaquido matses bëdambuen ista, quequin chiannec. Aden chiannequid nec, queshun chieshtoenquio icquin Esus tantiaquionona.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.

Ebedeo 5:1

Nuquin Papambi: Nadoquid icta, cac aton matses bëdambuen ismenuen nëish iua cuessunneshun pichicaquidon chuiquid tapa nuquin matses isadaidbo utsi utsiec icpampic. Adquid Nuquin Papan icmiac: Cun matses icsambuen naquido icshobi ma Nuquin Papan bëdambuen isnu, queshun nëish iua cuessunnequin pichicadednepampic. Adembidi: Mibi bëdambo iquec, Papa, quequin aton matsesën meniaid Nuquin Papa menedednequid nepampic.

Ebedeo 5:10

Adquid yanacsho issun: Ubi matses bëdambuen ismenuen nëish iua cuessunneshun pichicaquidon chuiquid tapa Medquisedecpadquid icta, quequin Nuquin Papan Esus chuipanëdash.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.

Ebedeo 5:5

Adembidi Nuquin Papan nëish iua cuessunneshun pichicaquidon chuiquid tapa icmiacbimbuen: Ubi bëdambuen ismequid tapa icta, caid Esuquidistu nepondash. Abibi: Adquid icnu, quenquio Esuquidistu icpanëdash. Aton Papambien: Mibi Cun Madombo nec. Nëbi Min Papa nebi, quequin Esuquidistu chuipanëdash.

Ebedeo 6:20

Adec Esuquidistu ënden Nuquin Papa yacno bëyucanec nidshun abi tantiaquido abi yacno tabadmenuen Nuquin Papa ënenquio icquin bëdambuen ismequid yec nëish iua cuessunneshun pichicaquidon chuiquid tapabimbuecquid yampanëdash. Adquid yec Medquisedecpadquid nibëdantiapimbocquid nepanëdash.

Ebedeo 7:26

Aden nuqui bëdambuen ismequid chuiquid tapa uënësenquio ictequid Esus adquid yanan nuqui bëdamboshë iquec. Aidi bëdamboshëcquid icquin icsambuen naisambo nec. Matses icsambuen naquido nibëdacno Nuquin Papa yacnoshon abitedishun: Cun Icbombo yec mibi bëdamboshëcquid nec, capec.

Ebedeo 7:28

Moisesën chiampicpadombuen Nuquin Papa bëdambuen ismenuen nëish iua cuessunneshun pichicaquidon chuiquid tapa matses icsambuen naquidobi icmepampic. Ëndenquimbo Nuquin Papan: Naden ubi bëdambuen ismequid tapa icmeta, quequin Moises chuipampic. Adoshombic iuecshun Nuquin Papan: Muesambo icquid icquin abimbo caimbi. Cun Mado ënenquio icquin matses ubi bëdambuen ismequid icmendambi. Adoac Abi tantiaquidon icsambuen naid bëshunmequid icsho Nuquin Papan ambi tantiacpadombuen icsambuen naisambo icmepanëdash ënëdtiapimbo icnuc.

Ebedeo 8:1

Tantia. Mibi naden chiombique. Adec Esuquidistu abi tantiaquido abi bëdambuen ismequid tapa yanash Nuquin Papa aton tsadte dapan tsadacnombo pudueduash abitedishun Icbombo yec Aidën dayun abiucquio tsadec.

Ebedeo 8:3

Matses icshobi nëish iua cuessunneshun pichicaquidon chuiquid tapa icta, caid icquin: Cun matsesbëtambi icsambuen naquid nebi, queshun nëish iua cuessunneshun pichicadennepampic. Adembidi Nuquin Papa tantiaquin: Menenu, quequin aton matsesën bëbëaid bedshun Nuquin Papa menedednepampic. Adembidi Esuquidistun nuqui bëdambuen ismequid tapa icquin Nuquin Papa menetequid icpec.

Ebedeo 9:11

Padnuen Esuquidistu choec matsesash Nuquin Papa nuqui bëdambuen ismequid tapa yampanëdash. Aidëmbi matses bëdambuen nashumpanëdash. Nidaidënshun Nuquin Papa tabadte shubu nec, quequin matsesën nidaidënshun nacnenaidën puduedquidpenquo nec. Matsesën shubu uacmaid abuc abi tabadte shubu uaidën Nuquin Papa icsaisambo yec tabadacnombo puduedshun Nuquin Papa matses bëdambuen ismequin nabanec.