Ebedeo 13:7 - El Nuevo Testamento en matsés

⁷ Adembidi Nuquin Papan Chiaid mibi tantiamenu, quequin mibi chuibanquidon chiaid bëshunenda. Aido Esus tantiaquiec bëdambuec tabadpanëdash. Aidon tantianëdacpadombuen tantiec bëdambuec tabaduata.

Ebedeo 13:7 ပူးပေါင်းရင်းမြစ်များ

Mateo 24:45

Adshumbic abi cainte Esusën naden chuiuapondash. ¿Icbon chiac Mitsi padquid iuan abipadquid utsibo bëdambuen namepec? Adquid chuinu. Tantia. Pete tambanquin musucshun umbi namiaid utsitedi bëdambuen menebanta, quequin ambi namiaid utsi abentsëc chianec icbo nidec.

Ducas 12:42

Adoaquien Esusën: Icbon chiac ¿mitsipadquidën ambi namiaido bëdambuen namepec? Adquid chuinu. Tantia. Pete tambanshun musucshun umbi namiaid utsitedi bëdambuen menebanta, quequin ambi namiaid abentsëc chianec icbo nidposh.

Ducas 5:1

Adashic chian Quenesaded cashumbic Cadidea caid cuëman tabadquin Esusën Nuquin Papan Chiaid chuibansho tantianuec chochoash matses tsucus tsucustsëcquio yec tabadpanëdash.

Ducas 8:11

Aden chiashic: Umbi utsi chiacbimbuen chuibambued nad iqueque. Tantia. Chuinu. Tied icbon pete ëshë secaidbimbuecquid Nuquin Papan Chiaid nec.

Hechos 13:46

Adoaquien dacuëdenquio yec Pabadobëd Bednabe: Mibitedi cun matses icsho Nuquin Papan Chiaid mibitediba chuibannu, quebuedëmbi tantiate bunenquio icsho issun mibitedi chuibanenquio iquembi. Tantiesabo yec Nuquin Papabëd ënëdenquio yec tabadte bunesabidi icnuc isadaidpembo yacno nidshun Esus chuibanembi.

Hechos 14:23

Adembidi Esus tantiaquido yacno yacnombuen Pabadobëtan Bednaben: Bëdambuec tabadquin ismequin Esus tantiaquido chuibanquid icta, capanëdash. Adotanec ambi chuibuedobëd Nuquin Papauidtsëqui tantiaquin buna mëmunec tabadpanëdash. Adtanquimbic mamishbanquin: Nëido mibi tantiaquido neque. Bëdambuen dayun uata, Papa, quequin Pabadobëtan Bednaben chuipanëdash.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Doma 10:17

Aden Esuquidistun naid chuibansho tantiashun: Abimbo caic, quequin Esuquidistu tantiabenec.

Codinto 1 10:13

Esus tantiaquidquiobida neque. Isnu, queshun mëmuntiapimbo icnuc utsibo natiamiampicpaden mibitedi tanquin natiamiambo iquec. Abi tantiaquid icsho Nuquin Papan mëmuntiapimbo icnuc tanmequin mëyadmetiapimbo iquec, quequin nuqui tantiec. Adec natiamiantequid icnuc chieshtonoshe, queshun Nuquin Papan mibitedi tantiaquin chieshtomenquiocquin dayacquio icmendac.

Codinto 1 11:1

Esuquidistun tantiamiacpaden nabanec tabadquid nebi. Adecbidi mibitedi umbi nabanaid tantiaquin nabanec tabadta.

Codinto 1 4:16

Adquid icquin umbi nabambocpadombuen naic bëdambuec tabadta, quequin mibitedi chiec nebi.

Pidipos 3:17

Tantia, cun utsibo, ubi yacpadquiec bëdambuec tabadta. Umbi chuibambocpadombuen utsibon nasho issun adombuembidi bëdambuen nata.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Tesadonica 2 3:7

Ubëd tabadec Pabado dayacquio iccondash, quequin tantiec chieshenquio yec tabadac bëdambo ictsiash, quequin mimbi abimbo tantiec. Mibëd tabadec chieshenquio yec chonoadtedniondabi.

Tesadonica 2 3:9

Esus tantiaquidon abi chuibanquid menenquio icquid ¿quectabi ique? Padenquio. Esusën naid chuibanquid ambi chuibanaidon meniaquien bëdambo ictsiash. Chieshenquio icquin umbi nacnensho issun ma adembidi mibitedishuntsen: Nanu, quiashini chonoadtenniondac.

Timoteo 1 3:5

¿Aden aton chidobëta aton bacuëbo bëdambuen namenquio icquinda Esus tantiaquid iccuededquido bëdambuen namepatsiash? Padenquio ictsiash.

Ebedeo 13:17

Mibi Esus chuibanquidon chiacpaden nabanta. Nuquin Papan: Chieshtoenquio icquin ubi tantiaquido bëdambuen isquin dayun uata, caid nec. Aidi: Esus tantiaquido naden namiombi, quequin Nuquin Papa chuiquid nec. Ubi chuibanquid nec, queshun ambi chiacpadombuen mibitedishun nabansho isash aid cuishonquec. Aden ambi chiacpadombuen nainquiocsho isash uënësquio ictsiash. Adnuc mibitedi bëdambo ictiapimbo ictsiac.

Ebedeo 13:24

Mibëd icquid Esus tantiaquidobëta mibi chuibanquidtedi chuiquin: Mibi tantiec tsadebi, quiosh, quequin chuita. Adembidi umbitsen mibi tantiembi, quiosh, quequin chuita, queuapec Esus tantiaquido nëuëshquio Itadia yacno tabadquido.

Ebedeo 6:12

Aden umbi chiacpaden nabanquido yec chieshuidequi tabadenda. Adec tabadenquio icquin Nuquin Papan Chiaid tantiata. Nuquin Papan: Ubëd mibi tabadendac, quequin chiampid tantiash utsibo: Abimbo caic, queshun abi tantiasho Nuquin Papan ambi chiampicpadombuen abëdi tabadmendac. Aidon nabanquin tantiacpadombuen chieshtoenquio icquin Nuquin Papa tantiata.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.

Esusën Uan ismiaid 1:9

Esusbëd iccondaidquio Uan nebi. Mibëtan Esus tantiaquid yec min utsi nebi. Esus tantiaquid icsho Nuquin Papan namiaido yec aidbëd tabadtequido nuqui nec. Esus tantiasho mibi natiamequin chieshënacpadembidi Esus tantiesabon chieshëmpondashi. Adoaqui Esusën namiacpadec chieshtoenquio icquin abi Esus chuibenniondambi. Adsho issun Esus chieshënquidon quënën tsadunacbimbuen cuenmenquio icnuen acte dapa mad caid nidaid nacnëdquid tapa Padmos caidën tsadunondac abi tsadec nebi.

Esusën Uan ismiaid 20:4

Adshumbic utsitsen ismeuaposhi. Aden ismiac chuiquidën tsadte dapan icbo icbuec: Cuidte chuiquid icta, caid tabadsho ispombi. Adembidi Esus tantiasho chieshënquin mapi butiac uënësaidon mayan tabadsho ispombi. Aidotedi chieshtoenquio icquin Esus tantiaquin Nuquin Papan Chiaid chuibanquido neposh. Aidobidi bëdi dapabimbuecquid acte ëquëducuësh chobuedbëta abibimbuecnuc nacnenaid tantiatiapimbo icquido neposh. Adecbidi: Aidën iua nebi, quec aid cuëmëdquid dada uadec bësiadenquio icquido neposh. Adecbidi mësiadenquio icquido neposh. Adquido icsho icsamboshë icquidon cuessun secaido neposh. Adquido icsho Nuquin Papan uincuemiac Esuquidistubëtambi seta midtedi matanmequin matses nameposh.

Esusën Uan ismiaid 6:9

Adnubien Obecabimbuecquidën dada uaid bëbitaccaid utsitsen bedshun chicposh chicabi icquid daëdquiobi icnuc. Aid chicnubi nëish iua pichicate dapa dayun abi chieshënquidon tëtequin cuessun secanëdaido Obecabimbuecquid tantiaquido tabadsho ispombi. Aido chieshtoenquio icquin Nuquin Papan Chiaidbëta Obecabimbuecquidën naid chuibanec bëdambuec tabadsho issun cuessun secanëdaido neposh.