Ebedeo 13:21 - El Nuevo Testamento en matsés

²¹ Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Ebedeo 13:21 ပူးပေါင်းရင်းမြစ်များ

Mateo 12:50

Cun Pa abuc tabadquidën chiacpadombuen nabanec tabadquid icsho dada cun utsibo caquimbi chido cun chu catanquimbi utsi cun ta caimbi, quepondash Esus.

Mateo 21:31

¿Mitsicquidën aton papan chiacpadombuen naoshe? En chui. Tantianu, caquien Esus chieshënquido: Abia chiac chieshuidbuedën, quesho tantiashumbien Esusën: Adquidpenquien mibitedi nec. Mibitedi tantiatiapimbo yec tabadnubi mimbi: Icsambo iquec, caido Nuquin Papa yacno puduedendac. Chieshuidacbimbuecquid aido nec. Aton matses piucquid bedshundednedo yec piucquid bedec chudadquid chidobo yec quec icbuedi Nuquin Papa tantiabenash aidbëd tabadtequido yanendac. Mibitedien padenquio iquendac.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Mateo 7:21

Utsitsen Esusën naden chuipanëdash: Ubi caic: Icbo, Icbo, Cun Icbo mibi nec. Mibi tantiaquid nebique. Mibi yacno ubi puduedme, Icbo ¿quequidtedida Nuquin Papan namiacno puduedpatsiash? Padenquio. Cun Pa abucquidën chiacpadombuen naquidoen aid yacno puduedendac.

Uanën dada uaid 17:23

Aidobëd ubi tantiananquiacpadec mibëd tantiananquiebi. Adec mibëd tantiananquiacpadec aido ubi tantiaquido utsibobëd tantiananquiendac. Adsho issun: Abembi adec tantianantiapimbo iquec. Nuquin Papan chomenëdaid Esusën namiaquien nec. Aton Papan Esus tantiacpadombuembidi Esus tantiaquido tantiec, quequin ubi tantiesabon tantiendac, Papa.

Uanën dada uaid 7:17

Nuquin Papan chiacpadombuen nate bunquidën bëdambuen tantiatsiash. Umbi Nuquin Papan Chiaid chuisho tantiash: Nuquin Papan Chiaidquio chiec nec, quequin tantiatsiash. Umbi ambembi chuisho tantiash: Nuquin Papan Chiaidpenquio chiec nec, quequin abimbo tantiatsiash.

Doma 11:36

Nuquin Papan abitedi uapampic. Aidtedi atona nec. Ambi uaid abitedi iquec. Ambi uaidtedi ambi dayun uaidquio nec. Adquid icsho: Nuquin Papa bëdamboshë iquec, canuna ënenquio icquin. Amen.

Doma 16:27

Nëbi Esuquidistunuidtsëqui tantiamiacpadombuen chuiquin: Nuquin Papa abentsëcquiobi iquec. Aidpadquid utsi nibëdec. Abitedimbo tantiaquid yec bëdamboshëcquid nec, canuna ënenquio icquin. Amen.

Codinto 2 9:8

Utsibo atona menete bunquioquin ambi tantiacted menesho issun Nuquin Papan atona uesadmenquio icquin uditsëc icmeshunendac: Ma utsi utsien nashunquin menebannu, queshun.

Cadasia 1:5

Aid tantiaquin: Nuquin Papa bëdamboshë iquec, canuna ënenquio icquin. Amen.

Epeso 2:10

Nuquin Papan uaido nuqui nec. Adoshon Aidënquiobi nuquitedi Esus tantiaquido icmiac. Aden chucauaido yec bëdambuec tabadquin utsibo tantiaquin nashunquid nuquitedi nec. Nuquin Papa ëndenquimbo: Ma utsibo nashunnu. Esuquidistu tantiaquido icmendambi, quepampic.

Epeso 2:18

Esuquidistunuidtsëqui nac: Nëid isadaidbo nec. Nëid isadaidpembo nec, quenquio icquin aton Mayambëd abentsëc yacbimbuecnuc tabadmiaido yec Nuquin Papa yacno puduedtequido nuqui nendac.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Pidipos 2:11

Ma abitedishunquio: Esuquidistu Nuquin Icbombo nec, quequin tantiaquin: Nuquin Papatsen bëdamboshë iquec, ma canu, quequin adopanëdash.

Pidipos 2:13

Nuquin Papan: Ma bëdambuec tabadnu, quequin ambi tantiacpaden bëdambuec tabadte bunmequin mibitedi bëdambuen namendac.

Pidipos 4:13

¿Ubenquiodabi adquidtedi icnuc uidënquio icti? Padenquio. Esuquidistun namiaquini adquidtedi icnuc chieshtoenquio yec uidënquio iquec.

Pidipos 4:18

Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Codosas 3:20

Aton bacuëbo icquin papabëtan titan chiacpadombuen nabanta. Aden nabanec tabadsho isash Nuquin Icbo: Bëdambo iquec, quendac.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Tesadonica 1 3:13

Adembidi mibi bëdambuen tantiamequioquin chieshtoenquio icmeta. Adsho mibi tantiaquido mimbi bëdamboshëcquid icmequin icsaisa icmiaidobëd nidaidën padpidec choshon cun Icbo Esusën: Tesadonica yacnocquido icsambo iqueque. Cuidnu, catiapimbo ictsiash, Papa, quequin mibitedi tantiaquin Nuquin Papa chiannembi.

Tesadonica 1 4:3

Nuquin Papa bunacpadquiec bëdambuec tabadquido nadquiec tabadquid nendac. Chido utsi chudenquio icquin aton chidouidtsëqui chudquid nendac. Adembidi chidon dada utsi chudmenquio icquin aton bënëuidtsëqui chudmequid nendac.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Tesadonica 2 2:17

Adquid icsho naden chiannembi: Aido chieshtomenquio icquin Esus tantiamequin bëdambuec tabadquid icme. Adembidi bëdambuec chuinanquid icmequin nashunnanquid icmeta, Papa, quequin Nuquin Papa chiannembi mibitedi tantiaquin.

Timoteo 1 1:17

Aden tantiaquin: Nuquin Papauidtsëqui abitedi namequid yec abitedishun Icbombo nec. Uënëstiapimbo icquid nec. Isadesambo nec. Adquid abentsëcquiobi icnuc abipadquid utsi nibëdec. Adquid icsho abitedishunquio: Mibi bëdamboshë iquec, Papa, quequin ënenquio icquin chiac bëdambo ictsiash. Amen.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Timoteo 1 6:16

Aid abentsëqui uënëstiapimbo icquid nec. Bëchamauanquiec isadsho: Isnu, quequimbi anuenadtiapimbo iquec. Aidi matsesën istiapimbo icquid nec. Adquid icsho: Mibiuidtsëqui abitedishun Icbombo yec nadatiambocquid mibi bëdamboshëcquid nec, Papa, amen, quequin Nuquin Papa chiannenuna ënenquio icquin.

Timoteo 2 3:17

Nuquin Papan: Ma umbi namiaidon umbi chiaidquio isban isbanquin Esus tantiaquin matses nashunec ma bëdambuen naic tabadnu, quequin Ambi Chiaidquio dada uamepampic.

Timoteo 2 4:18

Padpiden chieshëmënquidon: Chieshtomenu, casho Nuquin Icbon nac chieshtoenquio ictsiabi. Nuquin Icbombidi abi yacno ambi namiacno abuc abëdi ubi tabadmendac, queshun: Nuquin Icbo bëdamboshë iquec, caimbi ënenquio icquin. Amen.

Ebedeo 10:36

Utsin mëyanquin natiamiaqui Nuquin Papan Chiaid chieshtoenquio icquin tantiadedneta. Adec tabadquin abi bunacpadombuen nabanacsho ambi chiampicpadombuen Nuquin Papan abi yacno mibitedi tabadmendac.

Ebedeo 12:23

Adec tabadnuc abi yacno choash Esus tantiaquidotedi Nuquin Papan: Cun bacuë bëyucquido nec, quequin tantiaquiacbimbuen tantiaidombo yec abi yacno iccuededquido isec anoentsëqui choacbimbuecquido mibi nec. Aido Nuquin Papa yacnoshon abi cuëmëdquid dada uac. Adembidi Nuquin Papa abitedishun naid tantiaquid icquin: Nëid bëdambuen naquid nec. Nëid icsambuen naquid nec, caquid yacno choacbimbuecquido mibi nec. Adecbidi abi tantiaquid bëdambocquido ënden uënësaido Nuquin Papan bëdambuec tabadquidouidquio icmiaido yacno choacbimbuecquido mibi nec.

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Petedo 1 4:2

Aden mimbi tantiacpadombuen nainquio icquin Nuquin Papan tantiacpaden nate bunquidquio mibitedi iquendac.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Uan 1 2:17

Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.

Uan 1 3:22

Aden: Umbi chiacpadombuen ubi nashun, quequin chianniac nuqui nashunendac. Ambi chiacpadombuen naquin abi bëdambo icmiac Nuquin Papan nuqui chianniacpaden nuqui nashunendac.

Esusën Uan ismiaid 4:6

Ambobidi actepenquio chian dapa madbimbuecquid acte actectsëcquio isadquid icposh. Nuquin Papa tsadaid anoentsëc daëd abi dacuenadec aben icquidbimbuecquid 4ted icposh. Dadano ëshë ictsëcquiec icquido neposh. Abitedimbo adquiduidquio icposh. Cachoc icnubi tacbiduc adquiobidi ëshë icposh.

Esusën Uan ismiaid 5:13

Adnubien Nuquin Papan uaido abitedimbo cuëdëndoposh. Abi yacnocquidotedi yec nidaidën icquidotedi yec uënësaid uincuenmiaidotedi yec acten icquidotedi yec quec cumapenec cuëdëncuededposh naden chiec: Abitedishun Icbombo yec aton tsadte dapan Nuquin Papabëd tsadquid Obecabimbuecquid bëdamboshë iquec. Aidi abided cuidadec uënësaid bëdamboshë iquec, canuna ënenquio icquin. Aiduidtsëqui Nuquin Icbombo nec. Utsi adquid nibëdec. Aidën nac nuqui bëdamboshë iquec. Aidpadquid nadatiambocquid utsi nibëdec, canuna ënenquio icquin, quec abitedimbo cuëdëncuededposh.

Esusën Uan ismiaid 5:9

Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.