Ebedeo 13:20 - El Nuevo Testamento en matsés

²⁰ Bëdambuec tabadmianquid icquin Nuquin Papan aton Mado Esus matsesacsho matsesën uënës uaid icsho uincuenmiac nëish iua obeca abi dayun uacbimbuen abi tantiaquidtedi dayun uaquid yampanëdash. Abi tantiaquido caic: Aido bëdambuen isendambi, quequin chiaid ucudtiapimbo ictequid nec, quequin aton intac ismequin ënenquio icquin abi tantiaquido Nuquin Papa bëdambuen ismendac.

Ebedeo 13:20 ပူးပေါင်းရင်းမြစ်များ

Mateo 26:28

Aid actequid acshobien Esusën: Nëid cun intacbimbuecquid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun Esus tantiaquid icsho Nuquin Papan aid matses icsaid tantienquio yec bëshunquin cuidenquio iquendac, quequin tantiata, quepondash Esus.

Madcos 14:24

Aid actequid acshobien: Nëid cun intacbimbuecquid nec. Aid acquin: Ubi cuidmenquio icnuen Nuquin Papan abided cuidmiac aton intac siquebudpambuec uënëspanëdash. Adec uënësaid tantiaquid icsho Nuquin Papan ubi cuidenquio iquec, quequin nëid acquin ubi tantiata.

Ducas 22:20

Adoshombic adembidi dëshoten uba chinaid ënë cushtoshon menec: Nëid cun intacbimbuecquid neque. Aid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun aid tantiaquid icsho Nuquin Papan ubi cuidenquio iquec, quequin tantiata, quepanëdash.

Uanën dada uaid 10:11

Adashic Esus padpidec onqueuapondash: Obeca icbobimbuecquid nebi. Obeca icbo aton iua cudasacbimbuec ubi tantiaquido cudasnuec ubided cuidadec uënësendabi.

Uanën dada uaid 10:14

Adashic abi onquec: Obeca icbobimbuecquid nebi. Cun obecan abi tantiaquin namequid icsho aidon ubi tantiec.

Hechos 13:30

Adoacsho Nuquin Papan Esus uincuenmepanëdash.

Hechos 17:31

Matses abitedishun naid chuibanquin cuidte uëshë chonoc matsesën icsambuen naidbëta bëdambuen naid chuibanquin Nuquin Papan Chomiaidën cuidbanendac. Aden matsesën naid chuibanquid nec, queshun ismenu, quequin ambi chiampicpaden naquin Nuquin Papan isadaidbon uënës uacsho Aid uincuenmepanëdash, quepanëdash Pabado.

Hechos 2:24

Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Hechos 2:32

Aden Dabidën chiampicpadembi Nuquin Papan Esus uincuenmepanëdash. Aid uincuenmiacsho isondaido icquin ubitedishun mibitedi chuibanec nebi.

Hechos 3:15

Aden mibitedishun Esus uënës uamepondac. Aiduidtsëqui Nuquin Papabëd matses tabadmequid icsho uënës uamiacshobien Nuquin Papan uincuenmepaccondash. Aden uincuenmiacsho ubitedishun ispondambi.

Hechos 4:10

Tantia, isadaidbotedi, nëid dada caputiapimbocquid Esuquidistu Nasaded yacno iccondaidën nadatiambocquin bëdanmiaid nec. Aidi mibitedishun cueste napotiaidën dectanquin uënës uamiacsho Nuquin Papan uincuenmiaidën bëdanmiac nëid caputiapimbocbuedi nëbi nidtoash capusho mimbi isec.

Hechos 5:30

Esus mibitedishun cueste napotiaidën dectanquin uënës uamiondaid nuquin tsusedpabon Papa campid Nuquin Papambien uincuenmepaccondash.

Doma 1:4

Aidi abipadquid yec icsambuen naisa yec uënës uacsho Nuquin Papan uincuenmeshun ambi namiacpadombuen aton Mayanën aton Mado Esuquidistu nadatiambocquid icmepanëdash.

Doma 10:7

Nadembidi chienda. ¿Tsutsi nidaid shëcuë ëquëducquio icquid yacno uincuenmenuec budpatsiash? quequin aid chuiquin Esuquidistu uënësash uincuente chiec nec.

Doma 15:33

Aden mibitedi tantiaquin nuqui bëdambo icmequid ma Nuquin Papa mibitedbëd icpanuna. Amen.

Doma 16:20

Mibitedi bëdambuec tabadmequid icquin mibi dëniacmequin Nuquin Papan matses icsambuen namequidquio Mayan Icsa Satanas cuenmendac. Ma Nuquin Icbo Esusën: Mibitedi tantiaquiembi, quequin mibitedi ismendac.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Codinto 1 14:33

Nuquin Papa bëdambuec tabadmianquid nec. Adquid yec tantiadenquio yec onquecuededsho bëdambuen istiapimbo icquid nec. Nuquin Papan tantiamiaido yec Esus tantiec icuededquido bëdambuec tabadquido nec.

Codinto 1 15:15

Adquidtedi icnuc Nuquin Papan Chiaid chuibanquidtedi muaquidquio icuatsiandac. Uënësash uincuentequid nibëdnuc ubitedishun: Nuquin Papan Esuquidistu uincuenmepanëdash, quequin chiaid abipenquio ictsiandac. Uënësash uincuente nibëdnuc Nuquin Papan Esuquidistu uincuenmiaid nibëdtsiandac.

Codinto 1 6:14

Nadatiambocquid icquin Nuquin Papan Nuquin Icbo Esuquidistu uënësacsho uincuenmepanëdash. Adombuembidi nuquitedi uënësacsho uincuenmendac.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Codinto 2 4:14

Nadembidi tantiaquin chuibennequid nebi. Nuquin Papan Esuquidistu uënësacsho uincuenmenëdacpaden abëdi tabadmenuen mibitedibëtabi ubitedi uincuenmeshun abi yacno tabadmendac, quequin tantiaquin chiec nebi.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Epeso 1:20

Esuquidistu uënësacsho uincuenmeshun abi yacno abuc indoshon min dayun abiucquio mimbi tsadumpanëdac.

Pidipos 4:9

Aden umbi: Naden naic tabadta, quequin chuibanondaid tantiaquin nabanta. Adembidi umbi nabansho mimbi isondaid tantiaquin nabanta. Aden nabanec tabadsho isash mibitedi bëdambuec tabadmequid Nuquin Papa mibëd iquendac.

Codosas 2:12

Adembidi uënësacsho Esuquidistubëta chococacbimbuen mibitedi acten mentopanëdash. Adembidi nadatiambocquid icquin Nuquin Papan Esuquidistu uincuenmepanëdash, quequin tantiasho aidbëta uincuenmiacbimbuen acten mentotanquin mibitedi cadopanëdash.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Tesadonica 2 3:16

Mibitedi tantiaquin Nuquin Papa naden chiannembi: Bëdambo icmianquidquio icquin Cun Icbonquio ma aido bëdambuec tabadquid icmepanuna, Papa. Aidobëd ma Esus tëshnanenquio icpanuna, Papa, quequin tantiaquin Nuquin Papa chiannembi.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Ebedeo 10:29

Aden Moisesën chiampid niacquid cuidampid icnuc Nuquin Papan Aton Mado matsesën tantienquio yansho ¿cumapenen cuidenquioda icpatsiash? Aidon Nuquin Papan Mado Esus tintincacbimbuen chieshënec. Esus uënësaid caic: Matses yec abembi uënësaid nepanëdash, quepec. Adembidi aton intac nua chiuidec abided cuidadec uënësaid Esus tantiasho bëdambuen isquin bëdambuec tabadmendambi, quequin Nuquin Papan Chiaid chuca chieshënec. Adembidi Nuquin Papan Mayan Bëda matses bëdambuen iste bunquid icsambuen chuishunuaic.

Ebedeo 9:20

Adshumbic: Nëid nëish iuan intaquën: Nuquin Papan chuibued abimbo iquec, quequin mibitedi tantiamequin chuitequidquio nec, quequin Moisesën chuipampic.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Petedo 1 2:25

Ënden mibitedi obeca nëish iua bënnudacbimbuec tabadpondac. Adquid icbuedi nëbi mibitedi icbon aton iua istuidshun dayun uacbimbuen abi tantiasho Esuquidistun bëdambuen isquin dayun uaindac.

Petedo 1 5:4

Aden Esus tantiaquido chuibanquidën bëdambuen nabannubien aton Chuiquid Tapambo yec Nuquin Icbon nidaidën padpidec chouashun utsibo ismequin: Mimbi bëdambuen nabanoc, queshun chunidtiapimbo ictequid shocosh mauete bëdamboshëcquid mibitedi menendac.