Ebedeo 12:9 - El Nuevo Testamento en matsés

⁹ Aton bacuëbo icsho nuquin pabëtan nuquin tan nuqui icsambuen nasho ënmenuen nuqui natiamepadennec. Adoaqui: Nuqui tishmequid nuquin tabëta nuquin pa nuqui bëdambuen ispadennec. Adombuembidi Nuquin Papa tantiaquid icquin aidën chiacpadombuen nanuna abi yacno ënëdenquio yec tabadnuen.

Ebedeo 12:9 ပူးပေါင်းရင်းမြစ်များ

Ducas 18:2

Shubu dadpen icquid yacno cuidte chuiquid icposh. Aidi Nuquin Papa dacuëdënesa yec matses tantiesa neposh.

Ducas 18:4

Aden chuidedniaqui abi chieshënquin icsambuen naquid cuidte chienquiocbuedëmbi chido ënëdenquio yec nidted nidtedquin adombuenuidi chuisho tantiashun: Nuquin Papa dacuëdënesa yec matses tantiesa nebi,

Uanën dada uaid 3:6

Chidon tishaiduidtsëqui yec matsesën dadauidtsëqui nendac. Nuquin Papan Mayanën chuca uaquin tantiamiaidien Nuquin Papabëd tabadtequid nendac.

Hechos 2:30

Dabidën Nuquin Papan oncamiaidquio icquin dada uaquin: Naden Nuquin Papan chiondashi. Mibi uënësan min tsiuecquid chuiquid tapabidi iquendac, quequin Nuquin Papan Chiaid abimbo iquec, quequin tantiaquiopampic Dabidën.

Doma 1:3

Aden Nuquin Papan chiampicpadequi chidon tishaid yec isadaidbon chuiquid tapa Dabid yampidën tsiuecquid Esus nepanëdash.

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Santiaco 4:10

Icsambocquid nebi, Icbo. Mimbi chiacpadec tabadte bunebi, quiash bëdambuec tabadquid icsho utsibo ismequin: Nëid bëdambocquid nec, caindac.

Santiaco 4:7

Aden chiampid icnuc Nuquin Papan chiacpadombuen nata. Mayan Icsa Satanasën tantiamiacpadombuen nainda. Mimbi aden nainquiocsho isash aidi cuenendac.

Petedo 1 5:6

Aden atonauidtsëqui tantienquio icquin nabanquid icsho issun nadatiambo icquid yec abitedishun Icbombo icquin Ambi tantiacpadën utsibo ismequin: Ubi tantiaquidquio mibi neque. Ubëdi tabadec cho, caindac Nuquin Papan.

Esusën Uan ismiaid 22:6

Adshumbic Nuquin Papabëd icquidën naden chuiuaposhi: Muesambo icquin umbi abimbo chiaid tantiatequidquio nec. Nuquin Papan Nuquin Icbombo icquin aton Mayanën tantiamiac: Iuecash nadquid iquendac, quequin ambi oncamiaido Nuquin Papan chuimepampic. Adembidi Nuquin Papa nashunquido abimbo chuiquin dadpen ismebanombi. Nëbi nadquid iquendac. Iuecash utsi nadquid iquendac, quequin tantiamenuen mibi ismebanombi, queposh Nuquin Papabëd icquid.