Ebedeo 12:24 - El Nuevo Testamento en matsés

²⁴ Adecbidi Esus yacno choacbimbuecquido mibitedi nec. Aidi Nuquin Papan Ambi Chiaid chuca namiaid icquin Nuquin Papa matses bëdambuen ismequid nec. Esus abided cuidadec uënësaid intaquën matsesën icsambuen naid ucacbimbuen bëshunmequin Nuquin Papa nuquitedi bëdambuen ismec. Padnuen Abed intac chiquidiquec uënësaidën Nuquin Papa matses bëdambuen ismetiapimbo icpampic. Esus abided cuidadec uënësaidëmbien Nuquin Papa matses bëdambuen ismendac.

Ebedeo 12:24 ပူးပေါင်းရင်းမြစ်များ

Mateo 23:35

Adosho issun Nuquin Papan mibitedi cuidendac. Nuquin Papan chiacpadec bëdambuec tabadsho tsusedpan chieshënquin intac mëyanmequin tauambuen Abed cuessunnepampic. Adembidi bëdambuec tabadsho tsusedpa utsibon utsi utsien cuessun secapampic. Adoshombic ënquimbi Bedequias caidën mado Sacadias cuëmëdquid cuessunnepampic. Aidi Nuquin Papa tabadte shubu dapa në icnuc udictsëc nëish iua pichicate icnuc nënantanshunquio intac mëyanmequin Sacadias cuessunnepampic. Aidtedi cuessun secampido tantiaquin aid cuessunnequido cuidacbimbuen Nuquin Papan mibitedi cuidquiendac.

Mateo 26:28

Aid actequid acshobien Esusën: Nëid cun intacbimbuecquid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun Esus tantiaquid icsho Nuquin Papan aid matses icsaid tantienquio yec bëshunquin cuidenquio iquendac, quequin tantiata, quepondash Esus.

Madcos 14:24

Aid actequid acshobien: Nëid cun intacbimbuecquid nec. Aid acquin: Ubi cuidmenquio icnuen Nuquin Papan abided cuidmiac aton intac siquebudpambuec uënëspanëdash. Adec uënësaid tantiaquid icsho Nuquin Papan ubi cuidenquio iquec, quequin nëid acquin ubi tantiata.

Ducas 11:51

Tsusedpan abia Abed cuëmëdquid cuessunniampid icnubi tsiuecquio Sacadias cuessunnepampic. Aidi Nuquin Papa tabadte shubu dapa yacnocquid Nuquin Papa ismequin nëish iua pichicate dayunshunquiobi aidon cuessunnepampic. Aden ënden nampidbëta nëbi mimbi icsambuen naid tantiaquin mibitedi cuidendac.

Ducas 22:20

Adoshombic adembidi dëshoten uba chinaid ënë cushtoshon menec: Nëid cun intacbimbuecquid neque. Aid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun aid tantiaquid icsho Nuquin Papan ubi cuidenquio iquec, quequin tantiata, quepanëdash.

Cadasia 3:20

Aden chuinuen Nuquin Papanquio: Abadauan chuitan, quequin utsi nidmenquio icquin Nuquin Papanquiobi Abadauan bëisquin chuipampic. Adquid yec Nuquin Papa abentsëcquiobi iquec.

Timoteo 1 2:5

Aden Nuquin Papan Chiaidquio tantiashun nuqui naden tantiec. Nuquin Papa matses uaquid abentsëcquiobi iquec. Matsessun Nuquin Papa matses bëdambuen ismequid aton Mado Esuquidistu abentsëcquiobi iquec.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Ebedeo 11:28

Adembidi Nuquin Papa tantiaquidquio icquin Moisesën: Ma cun matsesën mado bëyucquid uënësmenquio icnu, queshun penun obeca caniactsëc cuessunnepampic. Adembidi aidën intac bedshun aton shubu shëcuë cuëman abiuc daëdi abucbëta intaquën ëcseccabampampic. Nuquin Papan abëd icquid uënësmianquid caid budmiaidën: Ma Equipito yacnocquidën mado bëyucquido uënësmequimbi ma cun mado bëyucquid uënësmenquio icnu, quequin isadaidbotedishun napampic.

Ebedeo 11:4

Ëndenquimbo Abedën Nuquin Papa tantiaquin: Mibi bunacpadombuen cun nëish iua cuessunneshun pichicanu, quequin bëdambuen chuishun pichicasho issun Nuquin Papan bëdambuen isaidquio Abed icpampic. Aton buchi Cainien ambi chiacpadombuen nainquiocquin tiedën icquid pichicasho issun Nuquin Papan icsambuen isaid icpampic. Abed uënësampid icnubi Abedën Nuquin Papa tantiaquioquin nampid chiannetequidquio abi iquec.

Ebedeo 13:20

Bëdambuec tabadmianquid icquin Nuquin Papan aton Mado Esus matsesacsho matsesën uënës uaid icsho uincuenmiac nëish iua obeca abi dayun uacbimbuen abi tantiaquidtedi dayun uaquid yampanëdash. Abi tantiaquido caic: Aido bëdambuen isendambi, quequin chiaid ucudtiapimbo ictequid nec, quequin aton intac ismequin ënenquio icquin abi tantiaquido Nuquin Papa bëdambuen ismendac.

Ebedeo 7:22

Adquid nëbi icnubi Adombëtan aton tsiuecquidon Nuquin Papan: Naden nata, quequin Moises chiaid tantiaquin nauidpanëdash. Nëbien Nuquin Papan utsi chuca uain chiaid tantiaquin abi tantiasho Esusën Nuquin Papa matses bëdambuen ismendac. Ëndenquimbo Nuquin Papan Chiampid bëdambocquid icnubi chiaid chuca utsi bëdamboshëcquid iquec.

Ebedeo 8:13

Nuquin Papan: Umbi ënden: Naden nata, quequin chiaid shëni nec, queshun ambi: Naden naindambi, quequin chiaid chuca icnuc ënden chiaid nëbi nibëdquio yanendac, quequin chuipampic.

Ebedeo 8:6

Padnuen nuqui Nuquin Papa bëdambuen ismequid tapa icquin Esuquidistun bëdambuenshë naic. Utsibic Nuquin Papa matses bëdambuen ismenuen nëish iua cuessunneshun pichicaquidon chuiquid tapa yec matses icquin bëdiactsëc bëdambuen naic. Nuquin Papan: Aden matsesën tantiasho bëdambuen isendambi, quequin chiaid chuca bëdamboshë icsho aid tantiamequid Esus nec.

Ebedeo 8:8

Naden nata, caqui umbi chiacpadombuen nauidquid matses icsambuen naisa yantiapimbo icsho issun Nuquin Papan naden chuipampic: Iuecshun umbi: Naden naindambi, quequin chiaid chuca isadaidbobëta Udan tsiuecquido chiendambi.

Ebedeo 9:15

Adquid yec Nuquin Papan Chiaid chuca chuiquin tantiamequidquio Esuquidistu nec. Ënden Nuquin Papan: Naden nata, quequin chiaid niacquin matsesën icsambuen nampidbëtabi nëbi matsesën icsambuen naidtedi bedshunash abided cuidadec uënëspanëdash: Ma ubi tantiaquido Cun Pa uënëstiapimbocquid nashunec tabadnu, quiash.

Ebedeo 9:19

Aid nëish iua uënës uabi icnubi Nuquin Papan: Naden nata, quequin chiaid chuibanshun nëish iua Moisesën baca bënëmpibëta cabada bënë cuessunneshun intac bedshun acte cacushtanquin buenac buenacpampic. Adshumbic cute bushcuctsëcquid isopo cuidi mëdquëntanquin cabada bu piu dëtaneshun intac puntanquin Nuquin Papan: Naden nata, quequin cuënoten dada uaid daseccatanquin aton matses isadaidbotsen daseccabampampic.

Ebedeo 9:21

Adoshombic Nuquin Papa tabadte shubumpibëtabi aidën tabëcaid ambi nabantequidtedi intaquën daseccabampampic.

Petedo 1 1:2

Ëndenquimbo Nuquin Papa: Umbi tantiactedi ubi tantiaquid icmendambi, quepampic. Nëbi ambi tantiampicpadombuen aton Mayanën tantiamiac: Aidën chiacpadombuen nate bunebi, quec mibi bëdambuec tabadte bunendac. Icsambuen naquid icsho cuidmenquio icnuec abided cuidadec intac chididiquec uënësondaid Esuquidistun Nuquin Papa bëdambuen ismequin bëdambuec tabadquid ma mibitedi icmepanuna.