Ebedeo 12:14 - El Nuevo Testamento en matsés

¹⁴ Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Ebedeo 12:14 ပူးပေါင်းရင်းမြစ်များ

Madcos 9:50

Sa bëdambocquid bëdambo iquec. Sa bëdambo icbuedi icsacsho ¿Mitsipaden bëdambo icmeuapec? Sa bëdambocquid casecac daëdacsho petiadquio yacbimbuec utsibobëd bëdambuec tabadta, quepanëdash Esus.

Ducas 1:75

Aden ambi namiaid yec abi tantiaquid uënësabi yec bëdambuec tabadquid iquendac. Aden chiec onquiashien aton mado chiec Sacadias nadec onqueuapanëdash:

Doma 12:18

Chieshëmënec icsambuec tabadte bunsho issun aid chuiquin: Bëdambuequien tabadtiad, quequin chuita.

Doma 14:19

Adquid icnuc aidën chiacpadec chieshëmënenquio yec bëdambuec tabadnuna. Esus tantiec chieshtoenquio yec bëdambuec tabadnuna, quec chuinannuna.

Doma 6:22

Nëbi mimbi icsambuen naid ënshun Nuquin Papa tantiaquin aidën chiacpaden nabanec mibitedi tabadec. Adec tabadquin bëdambuen nabanec mibi bëdambouidi iquec. Aden nabanec tabadsho Nuquin Papan ënenquiocquin abëdi tabadmendac.

Codinto 1 1:10

Tantia, cun utsibo, Nuquin Icbo Esuquidistun namiaid icquin mibitedi chuinu. Mibëtan Esus tantiaquidobëd chieshënnanec cuëshcuëshëdec tabadenda. Adenquio yec Esus tantiaquid utsibobëd tsidadash tabadec: Naden nanuna, quec abentsëcshun tantiacbimbuen tantiec bëdambuec tabadta.

Codinto 1 13:12

Nëbi isnanten bëisadquin isac isadentsëcquio yacbimbuen Nuquin Papa nuquitedi bëdiactsëc tantiatsec. Iuecshun Nuquin Papambo nuquitedi bëistuidendac. Aid tantiaquin isenquiocquimbi nëbi Ambi Chiaid tantiembi. Aden tantiabuedi uëshë utsimbi ambi ubi tantiamebocpadombuembidi Nuquin Papa bëistuidquin tantiendambi.

Codinto 2 6:17

Nadembidi chuiquin Nuquin Icbon dada uamepampic: Ubi tantiesabobëd tabadenquio yec cuenta. Umbi: Mishtemaid nec, caid mishenda. Adec icsambuen nainquio yec tabad. Adquid: Ubëd iquec cho, caindambi.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Cadasia 3:21

¿Min tsiuecquid tantiaquido bëdambuen isendambi, quequin Abadauan chiampid niacquinda Nuquin Papan Moises chuipampic? Padenquio. Ambi: Naden nata, quequin chiampidën ënëdenquio yec tabadtequid icnuc Nuquin Papan chiacpadombuen naic tabadenquio ictsempampic.

Epeso 5:5

Nadquido icsambo iquec. Nëidic ambi chudtemaidi chudquido. Utsibic ambi natemaid utsi naquin mëmunesabo. Utsibic ambi tantiaiduidi dadpen bunquin bedquido. Aden naquido: Ambibi nacnenash: Ubi uaquidien nec, quiacbimbuen Nuquin Papa tantiesabo nec. Aidotedi Nuquin Papan Esuquidistubëtan namiacno tabadtiapimbo iquendac.

Pidipos 3:12

Tantia, cun utsibo, mibitedi chuinu. Nuquin Papan Chiaid niaquesambo nebi ¿quectabi ique? Abitedimbo tantiabenombi, ¿quectabi ique? Padenquio. Aden tantienquio yec abipadquid bëdamboshë icmenuen abided cuidadquid icquin Esuquidistun tantiamiondashi, quequin aid tantiec bëdamboshë icte bunquiebi.

Tesadonica 1 3:13

Adembidi mibi bëdambuen tantiamequioquin chieshtoenquio icmeta. Adsho mibi tantiaquido mimbi bëdamboshëcquid icmequin icsaisa icmiaidobëd nidaidën padpidec choshon cun Icbo Esusën: Tesadonica yacnocquido icsambo iqueque. Cuidnu, catiapimbo ictsiash, Papa, quequin mibitedi tantiaquin Nuquin Papa chiannembi.

Tesadonica 1 4:7

Ma icsambuen naic tabadnu ¿queshunda Nuquin Papan Esus tantiaquido nuquitedi icmediac? Padenquio. Ma bëdambuen nabanec tabadnu, queshumbien Esus tantiaquido nuqui icmiaque. Bëdambuec tabadnuna.

Tesadonica 1 5:15

Utsin icsambuen chuishunquin chieshënac cuidnante bunsho: Padi. Esus tantiaquid adesa neque. Bëdambuec tabadnuna, cata. Mibëtan Esus tantiaquidobëd bëdambuec isnanquin utsibotsen bëdambuen ista.

Timoteo 1 6:11

Mibi Nuquin Papa tantiaquidquio neque. Cuenacbimbuen icsambuen nateuidi bunenquio yec bëdambuec tabadte bunquiota, mado. Mëyadtequid icnubi Nuquin Papan Chiaid niaquenquio yec chieshtoenquio icquin Esus tantiata. Matsestsen tantiec chieshëmënenquio yec bëdambuec tabadta.

Timoteo 2 2:22

Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.

Ebedeo 12:10

Aden nuquin pabëtan nuquin tan nëid nidaidën tabadquin nuqui caniabicsho ambi tantiacpaden: Naden namiac cun bacuëbon bëdambuen natsiash, quequin nuqui icsambuen naid ënmenuen natiamepadennec. Padnuen Nuquin Papan: Ubipadquid bëdamboshëcquid icmenu, quequin nuqui icsambuen naquin ënmequin natiamendac.

Ebedeo 9:28

Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Petedo 1 3:11

Icsambuec tabadbuedi bëdambuec tabadnuna. Utsibo chieshënnansho issun: Padi, chieshënnanenquio yec bëdambuec tabadnuna, caindac.

Petedo 1 3:13

Bëdambuen nabanec tabadquid icsho ¿tsuntsin mibitedi icsambo icmequin cuespatsiash?

Petedo 2 3:11

Nuquin Papan aden nac abitedimbo nibëdanendac, quiash mibitedi Ambi Chiaid niaquenquio yec Esus tantiaquiec bëdambuec tabadta.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.