Ebedeo 11:25 - El Nuevo Testamento en matsés

²⁵ Adquid icquin naden tantiapampic: Cun matses isadaidbo Nuquin Papan Cun matses caido nec. Aidobëta padaonën mëyanaid icte bunebi, quepampic. Nuquin Papa tantiesabobëd mamënquin icsambuen nate bunenquio iquebi, quepampic.

Ebedeo 11:25 ပူးပေါင်းရင်းမြစ်များ

Mateo 13:21

Adsho: Nuquin Papa tantiaquid nec, queshun utsibon chieshënac pete ëshë dëyuquec tapunuidtsashi uënësacbimbuen badedi chieshtoshon Nuquin Papan Chiaid tantienquio yanendac. Adembidi chieshtomiantequid utsi utsiec icnuc Nuquin Papa tantienquio yanuaindac.

Ducas 16:25

Adoaquien Abadauanën: Tantia. Chuinu, mado. Ënden nidaidën tabadquin mitsana dadpen bedbanec mibi tabadnubi Dasado cumapenec bunquiec tsadposh. Adbuedi nëbi aidi ubëd bëdambuec tabadnubi anchumbo yec mëyadec mibi tënquebudec.

Hechos 7:34

Min matses cun matses isadaidbo Equipito yacnocquidon mëyanquiac uëshquec shubiquiosho tantiashun aido iuabouidtsëqui icsho iuapenquio icmenuen: Aido Equipito yacnoshon buanta, mibi canuec chobi. Nëbi Equipito yacno mibi nidmeuaimbi, quepampic Nuquin Icbo Moises chiec.

Doma 5:3

Nadectsen nuquitedi cuishonquec: Abi tantiaquido icsho utsibon chieshënquin natiamiaqui bëdiactsëc tantiactsëcbuedi chieshtoenquio yec tantiaquidquio yanebi, quectsen nuquitedi cuishonquendac.

Codinto 2 5:17

Adquid icnuc Esuquidistubëd abentsëc yacbimbuec tabadquid yanash matses utsibimbuec chucambo yanec. Ënden Esus tantiesabon tantiacpaden ambibi tantiaquin icsambuen nabuedi Esuquidistun tantiamiac aid tantiaquid yanash bëdambuec tabadcuenec.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Timoteo 2 1:8

Adquid nebi, queshun dacuëdenquio icquin Nuquin Icbo Esuquidistun naid chuibanta. Adembidi dacuëdenquio icquin: Quënën tsadunaidi Pabado tantiaquiembi, cata. Utsibon chieshënquin natiamiaqui Nuquin Papan namiacpadec chieshtoenquio icquin Chiaid Bëda Esusën naid chuibanta.

Ebedeo 10:32

Tantia. Cun utsibo. Mibitedi chuinu. Esuquidistu tantiaquido mibitedi yanacsho chieshënquin natiamiaqui chieshtoenquio icquin Esus tantiec mibi bëdambuec tabadondaid bëshunenquio icquin tantiata.

Ebedeo 11:37

Adembidi utsi utsien cuënoten sesequin cuessun secapampic. Adembidi utsi utsien tembi daëdquiocnoc sëmpampic. Adembidi utsi utsien chështen seshunnepampic. Utsi utsiec aton shubu nibëdquid yec nëish iua obeca bitsi nacnenaiduidi dasiuidash capucuennepampic. Utsi utsiec atona nibëdquid yec mëyadnubi utsi utsien mëyanaqui Nuquin Papa tantiaquidquio yec aido uënëspampic.

Ebedeo 4:9

Aden chiampid tantiashun abitedi uash 7 icquidën tsadtoampidtsen tantiaquin: Nuquin Papa tantiaquido natienquio yec tabadte iquec, quequin nuquitedi cainendac.

Santiaco 1:20

Badedquio nëishquidën Nuquin Papan chiacpadombuen bëdambuen nainquio icquid nec.

Santiaco 5:5

Aido bunec nëid nidaidën tabadnubi mibitedi piucquid dadpen menequin bëdaidquio bedbanec tabadec. Adecbidi nua piash nëish iua nua tsënënacsho cuessunnete yanacbimbuec abi cuidtequid uëshë yanendac.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.

Esusën Uan ismiaid 18:7

Babidonia yacnocquido mëyadec natianuc cumapenen cuidquiendambi. Ambi naiduidi naquin atona dadpenquio bedash aidtedi dayunuaic nadec onquec: Ubiuidtsëqui chuiquid tapa yec bëdambo iquebi, quepec cuidte tantienquio iquequi. Adquid iquec otacquio tantiec: Cun iuabo matses dadpen icnuc bëdambo iquebi. Niantepenquio nebi. Adquid iquec mëyadenquio iquebi, quepec chido chuiquid tapa onquiacbimbuec.