Ebedeo 11:19 - El Nuevo Testamento en matsés

¹⁹ Aden Nuquin Papa tantiaquid icquin: Nuquin Papa nadatiambocquid yec uënësaido uincuenmequidquio nec, quequin tantiaquin aton mado seshunnetsempampic. Adosho issun Nuquin Papan: Padi, caid yec aton mado uincuenmiacbimbuecquid icpampic. Aden nampid tantiaquin nuquin matses tantiametequidquio nec.

Ebedeo 11:19 ပူးပေါင်းရင်းမြစ်များ

Mateo 12:36

Ambi cuidte uëshëmbi Nuquin Papan: ¿Ada bëdambuen tantiaquin chiec onquedennio? quequin matses abitedi chuimendac.

Mateo 9:28

Shubu utsin puduednuc abëdi puduedash tabadshobien Esusën: Ubi bëdanmetsiash, ¿quequinda tantie? bëshuaid daëd caquien: Ai, adebi, quepondash.

Doma 5:14

Nuquin Papan chuibuedquiobi niacquin Adanëmba icsambuen nasho cuidac uënëstequid yanec taëpampic. Adan uënësambic aidën nacpadombuen icsambuen naic matses abitedishun icsambuen nasho adecbidi uënëstequiduidquio Nuquin Papan icmepampic. Naden nata, quequin Moises dada uamequin Nuquin Papan chiabi icnubi aidën chiaid niactiapimbo yec utsi naquin icsambuen nashobi adopampic. Adambimbuecquid Nuquin Papan Chomiaid nepanëdash.

Epeso 3:20

Nuquin Papa bëdamboshë iquec. Adquid yec nadatiambocquid icquin nuqui chianniaid tantiaquid icquin nuqui: Aden ubi nashunendac, quequin tantiacmaidi nuqui nashunquid nec.

Ebedeo 9:24

Nidaidënshun Nuquin Papa abuc tabadtebimbuecnuc matsesën nacnenaidën tabadte shubun Esuquidistu aton intac buanec puduedenquio icpanëdash. Aton Papa abuc tabadacnombo puduedshun abi tantiaquido icsho nuqui tantiaquin: Papa, ubi tantiaquid neque. Bëdambuen ista, quequin Nuquin Papa abi chiannec.

Ebedeo 9:9

Aden chiaid issun nëbi naden nuqui bëdambuen tantiec. Matsesën icsambuen nasho ma Nuquin Papan cuidenquio icnu, quequin baded badedquien nëish iua pichicapadennec. Adembidi Nuquin Papa bëdambuen ismenuen nëish iua cuessunneshun pichicaquidën matsesën meniaid menepadennec. Adobuedi: Umbi icsambuen naid tantienquio yec Nuquin Papa umbi naid bëshunac, quetiapimbo icpampic.