Ebedeo 11:10 - El Nuevo Testamento en matsés

¹⁰ Nadembidi Abadauanën tantiapampic: Abi yacnoshon Nuquin Papan ambi tantiacpadombuen chimeshadtiapimbo icnuc shubu uaquin dadpen nacnenaidën tabadebi, quequin tantiaquin cainquid nepampic.

Ebedeo 11:10 ပူးပေါင်းရင်းမြစ်များ

Uanën dada uaid 14:2

Cun Pan shubu yacno quënë dadpenquioshëcquid tsucustiapimbo iquendac. Adquidpenquio icsho mibi aden chienquio ictsiambi. Adquid tantiaquin: Ubi tantiaquido ubëdi tabadmendambi, quequin chiombi.

Codinto 2 5:1

Nuquitedi shububimbuecquido nec. Adquid yec nuquin dada shënibudash uënësash nuquin dada nibëdnuc abi yacno Nuquin Papabëd tabadec dada chuca uaid nuqui iquendac. Dada chuca uaid matsesën nacnenacmaid nec, quequin nuquitedi tantiec.

Pidipos 3:20

Padnuen nuquitedi Nuquin Papabëd abuc tabadtequido nendac. Abi yacno buannuec abucuësh abi yacno tabadmianquid Nuquin Icbo Esuquidistu chosho isnuen cainec nuqui tabadec.

Ebedeo 11:16

Adenquio yec: Nuquin Papa yacno bëdamboshë yacno tabadte bunquiebi, quesho tantiashun: Cun matses nec. Aidon Papa nebi, quequin chuishun abi yacno abëd tabadte Nuquin Papan icmiaid shubu dadpen icquid abi iquec.

Ebedeo 12:22

Padnuen mibitedi dacuëdenquio yec Macuësh Sion cashumbic Edusaden Bëdambocquid abuc icquidën Nuquin Papa uënëstiapimbocquid tabadacno choacbimbuecquido mibi nec. Ambo Nuquin Papabëd icquido tambantiapimbo yec dadpenquioshë nadec onquec: Nuquin Papa bëdamboshë iquec, quec cuëdëncuededec tabadec.

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Ebedeo 13:14

Adquid icnuc nëid nidaidën ënëdenquio yec nuqui tabadte nibëdec. Adquid nibëdnuc nibënacbimbuen Nuquin Papabëd tabadtequid cainquido nuqui nendac.

Ebedeo 3:4

Shubu abitedi abi shubu uaquidën naid nec. Adombuembidi Nuquin Papan abitedimbo uapampic.

Esusën Uan ismiaid 21:2

Adnubien bëdamboshë isadquid shubu dadpen icquid Edusaden chuca caid Nuquin Papa yacnoësh abucuësh budsho ispombi. Aidi chidon: Ma ubi bednu, quequid dada bedmequin cuishoncamiacbimbuec bëdamboshë isadposh.