Ebedeo 10:39 - El Nuevo Testamento en matsés

³⁹ Padnuen nuquitedi chieshtoenquio icquin Esus tantiaquido nec. Utsiboen aid tantiaquid icbuedi chieshtoquid icsho Nuquin Papan cuidtequido yanec. Adoshombic Esus tantiaquido chieshtoenquio icsho Nuquin Papan nuquitedi bëdambuen isquin abi yacnombo tabadmendac.

Ebedeo 10:39 ပူးပေါင်းရင်းမြစ်များ

Madcos 16:16

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Ducas 11:26

Adsho isash padpidec niduashun abipadquid utsi udictsëc icsamboshëcquid 7ted icquidobëd choash abitedi dapuduedcuededan aid dada buëdanquiec icsamboshë yanuaposh, quepanëdash Esus.

Uanën dada uaid 17:12

Mimbi nadatiambocquin namiac ubëd icquidobëd icquin mimbi chiaidquio bëdambuen chuibanquin chieshtomiambo iccombi. Aden bëdambuen dayun uaquin aido Mayan Icsa Satanas iuamiambo iccombi. Udas abentsëquien ubi tantiesa yanosh. Mimbi chiaid tsusedpan dada uaquin chiampicpadombuen ubi chieshënquido bedmenuec Mayan Icsa Satanasën iua Udas yanosh.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 5:24

Tantia. Mibi chuinu. Umbi chiaid tantiaquidën ubi chomiondaid cun Pa tantiaquid icsho cuidenquio icquin ubëdi tabadmendambi. Cuidtequid icbuedi ubi tantiabenash ubëdi tabadtequid yanendac, quepondash Esus.

Uanën dada uaid 6:40

Cun Pa bunacpaden ubi tantiaquido uënësacsho uincuenmete uëshën uincuenmeshun Cun Pabëd ubi tabadacnombo ënëdenquiocnoc tabadmendambi, quepondash Esus ambi pemebuedo chiec.

Tesadonica 1 5:9

¿Cuidnuenda Nuquin Papan nuquitedi Esus tantiamediac? Padenquio. Abëdi tabadmenuembien Nuquin Icbo Esuquidistu nuqui tantiamiac.

Tesadonica 2 2:3

Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac.

Timoteo 1 6:9

Padnuen piucquid dadpen bedshun dayun uate bunquin badedi chieshtoquin Esus tantienquio yantsiash. Adshun Mayan Icsa Satanasën tantiamiacpaden abi bunaiduidquio bednuen mëmunenquio icquin icsambuen nabantsiash. Aden Nuquin Papan Chiaid niacniacquin icsambuen naic quenenash adenuidi naic uënësash mëyadtequid yacno nidendac.

Ebedeo 10:26

Nuqui icsambuen naid bedshunash abided cuidadec Esuquidistu uënëspanëdash, quequin abimbo chiaid chuibanac aid tantiabuedi: Adequi icsaic tabadnu, quequid: Nuquin Papa ubi bëdambuen ismetequid utsi iquec, quetiapimbo iquec.

Ebedeo 10:38

Aid chote tantiec Ambi chiacpadec bëdambuec tabadquin abi tantiasho Nuquin Papan abëd tabadtequido icmendac. Utsin chieshtoshon ubi tantienquio icsho bëdambuen istiapimbo iquendabi, quec Nuquin Papa, quequin chuiquin dada uapampic.

Ebedeo 11:1

Nuquin Papan: Naden naindambi, quequin chiampid tantiaquin matsesën: Ai, adombuen naindac, quequin cainendac. Adembidi tantiaquidën: Umbi isacmaid abi iquec, quequin tantiendac.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Petedo 2 3:7

Aden ambi uampid abubëd nidaid nëbi icquid ambi tantiacpadën Nuquin Papan naindac. Ambi icsambo icquido abitedi cuidte uëshën nëdëncaquin nibëdanmenumbi nëbi dayunuaic. Adembidi matses abitedi Ambi Chiaid niac niacquido nëdëncaquin nibëdanmendac.

Uan 1 5:16

Mibëtan Esus tantiaquidën icsambuen naic uënësenquio icsho issun Nuquin Papa chuita: Mibëd tabadtequid icmeuaquin bëdambuen isuata, Papa, quequin chiac Nuquin Papan bëdambuen isuaindac. Padnuen utsi icsambuen naic uënësso issun: Mibëd tabadme, quequin Nuquin Papa chienda.

Uan 1 5:5

Esuquidistu Nuquin Papan Madombo nec, quequin tantiaquidënquio Esus tantiesabon: Icsambuen namenu, caqui icsambuen nainquiocquin dëniactednendac.

Esusën Uan ismiaid 17:11

Bëdi dapabimbuecquidën mapi 7ted icquid ënden ictennedi nëbi nibëdec. Uënësnëdaidi choashic umbi ismebued acte ëquëducuësh chobuedquiobidi padpidec chuiquid tapa icsamboshëcquidquio 8 icquid aid nendac. Adquid icquin umbi chuibued chuiquid tapabo 7tedshun namiacbimbuen aton matses icsambuenshë tabadmendac. Adosho issun iuecshun cuidquin nibëdanmequiendac.

Esusën Uan ismiaid 17:8

Mimbi isbued bëdi dapabimbuecquid ënden ictennedi nëbi nibëdequi iuecash aidquiobidi abi tabadaid nidaid shëcuë ëquëducuësh padpidec choendac. Adacsho iuecshun cuidquin nibëdanmequiendac. Aden nibëdanmiabi icnubi ëndenquimbo nidaid uabi Nuquin Papan tantiampicpaden abëd tabadmetequido aton cuëmëdquid dadauate dapan dada uaid icnubi utsibo aton cuëmëdquid aid dada uaten dada uambo icquido nidaidën tabadquido tantiadempambo yec tabadendac aid bëdi dapabimbuecquid isash, queposh Nuquin Papabëd icquid.