Ebedeo 10:37 - El Nuevo Testamento en matsés

³⁷ Nuquin Papan Chiaid chuiquin dada uampid nad iquec: Nëbimbobien mimbi cainaidquio choendac. Ambi tantiacpadënquio choendac. Ambi chiacpadënquio choenquio iquec, quetiapimbo iquec,

Ebedeo 10:37 ပူးပေါင်းရင်းမြစ်များ

Mateo 11:3

Uanën: Chuitan, cac chobi. ¿Umbi cainaid Nuquin Papan Chomiaidquiobida ne? Mibi: Aidpenquio nebi, quenuc ¿utsidambi caimpe? quiosh Uan, caquien

Ducas 18:8

Ai, aidën chiacpadombuen badedquio cuidendac. Adquid icnuc Matsesën Tishaid yec choshon ¿adambi ubi tantiaquin cainquidombo istuidpendac? quepanëdash Esus.

Pidipos 4:5

Ma mibitedi isec utsibo: Esus tantiaquido yec tantiananec nashunnanquido nec, ma quenu, quiash bëdambuec tabadta. Nëbi Nuquin Icbo Esus choeque.

Ebedeo 10:25

Aden nabanec: Nuquin Papa tantiaquid utsibobëd iccuededtiapimbo iquebi, utsi utsiec quenubi adenquio icnuna. Adec iccuededec: Nuquin Papan chiacpadquiec bëdambuec tabadnuna, quec chuinannuna. Cuidnuen matsesën naid chuibante uëshë nëbimbobi yanec, quiash adec baded badedquiec chuinannuna.

Petedo 2 3:8

Tantia, cun utsibo. Ubi tantiaido icsho chuinu. Naden Nuquin Icbon chiaid bëshunenda: Badiad abentsëc yacbimbuecquid iquequi seta midted icquid nec. Adecbidi seta midted icquid iquequi badiad abentsëc yacbimbuecquid nec.

Petedo 2 3:9

Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.

Esusën Uan ismiaid 22:20

Ma aidtedi tantianu, quequin ubi chuibanquid yec: Ai, nëbimbobini nidaid yacno budendac, queposh. Adsho tantiashun: Amen. Ai, abimbo mimbi caique. Chota, Cun Icbo Esus. Capombi.