Ebedeo 10:34 - El Nuevo Testamento en matsés

³⁴ Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.

Ebedeo 10:34 ပူးပေါင်းရင်းမြစ်များ

Mateo 19:21

Adsho tantiashumbien Esusën: Nuquin Papan Chiaid nabanquidquio yec bëdamboshë icquid icte bunquin mimbi dayun uaidtedi uesquin menequin piucquid bedta. Aden bedshumbic piucquid nibëdquido mitsana uesquin menebanta. Adosho issun abëd tabadmenuen Nuquin Papan mibi bëdambuen istsiashe. Adota. Adotanec ubëd iquec cho, capondash.

Ducas 10:42

Adquid icnuc abentsëc nac bëdambo ictsiash. Adombuen min chibi Madian naquin bëdambocquidquio tantiasho utsibon: Padi, cac icsambo ictsiash, quepanëdash Esus.

Ducas 12:33

Ambo nidabi icquin mitsana menebanquin min piucquid bedshun atona nibëdquido menebanta. Aden utsi tantiaquin mimbi nabannuc Nuquin Papan abi yacnoshon menetequid mitsana chodquetiapimbocquid yec ampen bedshuntiapimbocquid yec macumpin udquin icsa uatiapimbocquid yec quec iquendac.

Ducas 9:25

Utsibic abi bunaid dadpenquio bedbanec abibi cuessunniadacbimbuecquin ubi tantiesa yec uënësash Nuquin Papa yacno puduedtiapimbo iquendac.

Hechos 21:33

Adec choshon sondadon chuiquid comandante caidën: Bed, cac Pabado bedtanquin shocosh bucu daëdshun mëtanemepanëdash. Adotanquin ambo tabadquido chuiquin: ¿Tsutsi nëid nec? ¿Atotsi icsambuen naosh? capanëdash sondadon chuiquidën.

Hechos 28:20

Aden naoshi, quequin mibi chuinuen mibitedi chochomiombi. Uënësash uincuente iquec, quequin tantiaquin nuquin matses isadaidbon cainacpaden cainquid icsho bedshun mëtaniaid nebi, quepondash Pabado isadaidbon chuiquido chiec.

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Codinto 2 5:1

Nuquitedi shububimbuecquido nec. Adquid yec nuquin dada shënibudash uënësash nuquin dada nibëdnuc abi yacno Nuquin Papabëd tabadec dada chuca uaid nuqui iquendac. Dada chuca uaid matsesën nacnenacmaid nec, quequin nuquitedi tantiec.

Epeso 3:1

Pabado nebi. Isadaidpembo icsho mibitedi nashunquin Esuquidistun naid chuibennesho bedshun quënën tsadunac tsadebi.

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Epeso 6:20

Esuquidistun: Ubi chuibenneta, caid icquin aid chuibennesho mëtaneshun quënën tsadunaid nebi. Adoaid ubi icsho: Mimbi tantiacpaden dacuëdenquio icquin Esusën naid Chiaid Bëda chuibanquid Pabado icme, quequin Nuquin Papa chianneta.

Pidipos 1:7

Adquid yanshun ubi chieshënenquio icquin mimbi ubi tantiaquiec. Adsho mibitsen tantiaquiembi. Nëbi quënën tsadunondac abi tsadebi. Aden quënën tsadunaqui Nuquin Papan Chiaid Bëda chuibanquin tantiamiac: Abimbo caic, queshun ma tantiabennu, quequin chuibanembi. Adembidi chuiquid tapabo tantiamequin chuidenniondambi. Adquid icsho mibitedishun ubi tantiaquin mimbi ubi nashunoc.

Codosas 1:5

Esuquidistu Nuquin Papa yacno iuedanquid nec, quequin Nuquin Papan Chiaid Bëda chuibanac aid tantiaquido mibitedi yanac. Adquid yanshun: Abi yacno abuc Nuquin Papabëd tabadtequid nebi, quequin chieshtoenquio icquin cainquidombo mibitedi nec.

Timoteo 1 6:19

Aden naic tabadsho: Mimbi bëdambuen naoque. Ubëdi tabadmequin mibi bëdambo icmendambi, Nuquin Papa camenuen adota. Adash uënësacsho Nuquin Papan abëdi mibi tabadmendac padpidec uënëstiapimbo icnuc, quequin atona dadpen dayun uaquid chuita.

Timoteo 2 1:16

Onesipodo caidëmbien ubi bëdambuen ispondash. Abëd icquidobëtan ubi quënën tsadunacsho issumbi dacuëdenquio icquin isuan isuanquin bëdambo icmioshi. Adsho issun: Aton shubun icquidobëta aid bëdambuen ista, Papa, quequin Nuquin Papa chiannembi.

Timoteo 2 2:9

Aden Chiaid Bëda Esusën naid chuibennequidquio icsho chieshënquin bedshun cuessunnianquid uidën uacbimbuen shocosh bucu nacnenaidën mëtaniac mëyadebi. ¿Ubi aden uidënuaquin mëtaniacpadenda Nuquin Papan Chiaid uidën uapadic? Padenquio.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Ebedeo 11:16

Adenquio yec: Nuquin Papa yacno bëdamboshë yacno tabadte bunquiebi, quesho tantiashun: Cun matses nec. Aidon Papa nebi, quequin chuishun abi yacno abëd tabadte Nuquin Papan icmiaid shubu dadpen icquid abi iquec.

Ebedeo 13:14

Adquid icnuc nëid nidaidën ënëdenquio yec nuqui tabadte nibëdec. Adquid nibëdnuc nibënacbimbuen Nuquin Papabëd tabadtequid cainquido nuqui nendac.

Ebedeo 13:3

Adembidi mibi quënën tsadunacbimbuecnuc quënën tsadunaid tantiaquin istan istanta. Adembidi chieshënquin mëyanaid ictsiabi, quequin tantiaquin utsibon chieshënquin mëyanaido tantiec tabadta.

Ebedeo 9:15

Adquid yec Nuquin Papan Chiaid chuca chuiquin tantiamequidquio Esuquidistu nec. Ënden Nuquin Papan: Naden nata, quequin chiaid niacquin matsesën icsambuen nampidbëtabi nëbi matsesën icsambuen naidtedi bedshunash abided cuidadec uënëspanëdash: Ma ubi tantiaquido Cun Pa uënëstiapimbocquid nashunec tabadnu, quiash.

Santiaco 1:2

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta.

Petedo 1 1:4

Ambi chiampicpadombuen bëdamboshë yacno Esusbëdquio ubi tabadmendac. Uënëstequid nibëdec icsabudtequid nibëdec, chodquetequid nibëdec quiacnombo Esusbëdquio abuc ubi tabadmendac, quequin nuqui tantiec.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.