Ebedeo 10:27 - El Nuevo Testamento en matsés

²⁷ Aden Ambi Chiaid niactednequid icsho abitedi cuidte uëshë chonoc nëishshun dacuëdampambocquid icquin cumapenen chushcashun Nuquin Papan abi chieshënquido nibëdanmequin chian annëdënquiacno nësecaindac.

Ebedeo 10:27 ပူးပေါင်းရင်းမြစ်များ

Mateo 13:42

bedshun chian annëdënquiacno nësecaindac. Adoac: Ubi, quec natiec mëyadbudec shëta shëchëdëshquequiec sidquebudnendac.

Mateo 13:50

icsambo icquido chian annëdënquiacno nësecaindac. Adoac: Ubi cuidec, quiash shëta chëquëdëshquec natiaquiec shubiquiendac, quequin Esusën Nuquin Papan cuidte chuipondash.

Mateo 25:41

Adoshombic Abitedishun Icbombo icquin ubi tantiesabo yec cun copioc tabadquidotsen naden chiendambi: Nuquin Papan cuidtequido icquin mibi icsaid ënte bunenquio icbuedo mibitedi neque. Nuquin Papan Mayan Icsa Satanasbëta podobitsi icsabo cuidacno ënëdenquio yec chian annëdënquiacno nid, caindambi.

Mateo 3:10

Aden chiashic: Cute bacuëesa icsho dëdshun cuidi mëteshun tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan padiseobobëta saduseobo chiec.

Mateo 3:12

Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo icsho ënëdenquio yec chian annëdënquequid Nuquin Papan nësecaindac. Adoshombic abi tantiaquidotedi abi yacno puduedmendac, quepanëdash Uan acten mentoanquid.

Mateo 8:29

Aidon podobitsi icsabon oncamiacpadombuen cumapenec cuëdquin Esus naden chuipanëdash: ¿Atotsi ubitedi canuec ne? ¿Nuquin Papan Madombo icquin ubi natiamequin cuidnuecta cho? ¿Nuquin Papan abitedi cuidte uëshë choabi icnubida ubitedi cuide? capanëdash podobitsi icsabon oncamiac.

Ducas 16:24

Adec aid daëdi tsadsho issun atona dadpen icbuedën chuiquin: Papa Abadauan Ubi ampichiquequieque. Ma Dasadon aton mëdante dëshbi acte puntanquin cun ana dauebudmequin ubi anchucu uanu. Chome, papa, caposh.

Ducas 19:27

Adashic: Ubi chieshënec aton chuiquid tapa ubi icmete bunesabo nëmbo bec cho. Bëshun umbi isnubi abitedi cuessunneta, caposh aton chuiquidën, quepanëdash Esus.

Ducas 21:26

Adecbidi abuc icquidtedi shëquëquecuededsho isash matses abitedi nidaid nibëdante tantiec dacuëdec padishec uebudcuededendac.

Ducas 23:30

Mëyadtequid uëshë icnuc natiamequin mëyanaqui matsesën naden chiendac: Natiamianquieque. Macuësh tapa paëdmequin ubitedi catashmequin ompota, mibi quendac. Adecbidi acte quiusudquid abucquiocquid ubi ompoquin masecameta, utsi queuaindac.

Uanën dada uaid 5:29

Adec uincuenacsho ubi tantiaquido ubëdi tabadmequimbi ubi tantiesabo icsho icsambuen naquido cuidacno nidmendambi.

Ebedeo 12:25

Aden umbi chuisho tantiashun naden tantiata. Nuquin Papan chiacpadombuen nainquio icmane, queshun aidën chuisho tantiata. Ënden Nuquin Papan: Umbi chuisho tantiata, cac matsesën abi chieshënquin ambi chiacpadombuen nainquiocsho cuentiapimbocnoc Nuquin Papan cuidpampic. Adembidi nëbi abi yacno abucshun chuimesho tantiashumbi ambi chiacpadombuen nainquiocsho Nuquin Papan cumapenen cuiduaindac.

Ebedeo 12:29

Nadatiambocquid yec cute nëdënquequin abitedi nibëdquiecnuc pichicaquidbimbuecquid Nuquin Papa neque. Aidquio tantianuna.

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.

Ebedeo 9:27

Adecbidi nidaidën tabadquidtedi uënëste uëshë abentsëc iquendac. Uënësacsho uincuemiac matsesën ambi naidtedi chuisho Nuquin Papan tantiendac. Adshumbic Esus tantiaquido cuidenquiocquimbi abi tantiesabo cuidendac.

Santiaco 5:3

Mimbi bedaid min piucquid tsasicquid icsaic chunidtequid nendac. Aid chunidaid tantiaquin abitedi cuidte uëshën aid dayun uaquid chiendac. Utsibo menenquio icquin min piucquid dadpenquio mimbi dayun uaoc. Aden mimbi icsambuen naoc, quequin mibitedi chuishun cuidendac. Cute nëdënquequidën nibëdanmiacbimbuen mibitedi nibëdanmendac

Esusën Uan ismiaid 20:15

Ambobi abi tantiesabo yec aton cuëmëdquid abëd tabadmetequid dadauate dapan dada uabicquid icsho Nuquin Papan cuidquin nësecaposh.