Ebedeo 10:25 - El Nuevo Testamento en matsés

²⁵ Aden nabanec: Nuquin Papa tantiaquid utsibobëd iccuededtiapimbo iquebi, utsi utsiec quenubi adenquio icnuna. Adec iccuededec: Nuquin Papan chiacpadquiec bëdambuec tabadnuna, quec chuinannuna. Cuidnuen matsesën naid chuibante uëshë nëbimbobi yanec, quiash adec baded badedquiec chuinannuna.

Ebedeo 10:25 ပူးပေါင်းရင်းမြစ်များ

Mateo 10:15

Mimbi adosho issun abitedimbo cuidte uëshëmbi Nuquin Papan aido cumapenquien cuidendac. Ëndenquimbo shubu dadpen icquid Sodoma yacnocquidobëta Comoda yacnocquidotedi cuidquin Nuquin Papan uesquin uënës uapampic. Aid daëd yacnocquido bëdiactsëc cuidshun mimbi chuibansho tantienquio icquidoen cumapenquien cuidendac, quepondash Esus abëd icquido chiec.

Mateo 18:20

Ubi tantiec daëd tabadnuc adecbidi 3ted tabadnuc aidon nënantanquio ubibi iquendabi, quepondash Esus.

Uanën dada uaid 12:48

Ubi tantiate bunenquio icquin Umbi Chiaid niac niacsho ambi abitedimbo cuidte uëshëmbi umbi chuibocpadombuen ubi tantiesabo Cun Pan cuidendac.

Hechos 16:16

Adashic padpidec Nuquin Papa chiec onquedenniacno Pabado abëd icquidobëd niduaquimbi chido iuaid bëquedtuidpondash. Aidëmbi podobitsi icsan tantiamiacpaden: Nad iquendac, quequin chuisho matsesën piucquid dadpen meniac ambi bedaidtedi abi iuaquid meniannequid aid chido nepondash.

Hechos 2:1

Adashic isadaidbon aton tiedën caniquid tidico caid bedbante tantiate uëshë chotsëcnubi Esus tantiaquidotedi shubu nuntan iccuededpanëdash.

Hechos 2:42

Aden Esus tantiabenshun Esusën: Ubi chuibenneta, caidon Esus chuibansho tantiec abëd icquido menenanec tabadquimbi Esus uënësaid tantiaquin actequid acshun pan cuëshë pebededtednepanëdash. Adembidi Nuquin Papa chiannepanëdash.

Hechos 20:7

Ambo tabadequi dominco inchëshën Esus tantiaquidobëd iccuededquin abëd icquidobëtan Pabadon Esus uënës uaid tantiaquin pan cuëshcuëshshun pebededpondash. Aden piashic Pabado: Badiadash nidebi, quiash inchësh poctsembo yantsëcquiec iuec onquepondash.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Codinto 1 11:20

Adquid icnuc Esuquidistu abided cuidadec uënësaid tantiec iccuedednuna, queshun abimbo tantienquio icquimbi mimbi peshun acbededpec.

Codinto 1 14:23

Esus tantiaquidtedi iccuededec abitedi abi onquiacmaid onquete utsin onquequin chuibanec onquecuedednubi matses utsi Esus tantiesa puduedshun tantiatanec: Mibitedi tantienquio yec abembi onquequido nec, quetsiash.

Codinto 1 14:3

Padnuen Nuquin Papan iuecshun natequid chiaid tantiaquin chuibanquidëmbien: Ma Esus tantiaquido bëdambuen tantiec chieshtoenquio yec tabadnu, queshun chuibanec. Adembidi utsibobëd tantiananquin nabanec: Ma dayacquio yec bëdambuec tabadnu, queshun chuibanec. Adembidi tantiananquin dayacquio icmiaid icquin natiamiaid utsibo icsho: Ma bëdambo yec cuishonquenu, queshun dayacquio icmequin chuibanec.

Codinto 1 3:13

Adshumbic iuecshun matses cuidte uëshëmbi choshon Ambi Chiaid chuibanquido abitedi chuibanmendac. Aid uëshëmbi: ¿Ada bëdambo iqueque? Isnu, queshun ambi nacnenaid pichicaquin tanacbimbuen ambi bëdambuen naidbëta ambi icsambuen naid chuimendac.

Codinto 1 5:4

Mibitedi Esuquidistu tantiec iccuedednuc mibëd yacbimbuec iquebi. Adembidi Nuquin Icbo Esusën mibëd icquin ambi tantiacpadombuen namendac. Aden Nuquin Icbo Esusën namiaid icquin

Pidipos 4:5

Ma mibitedi isec utsibo: Esus tantiaquido yec tantiananec nashunnanquido nec, ma quenu, quiash bëdambuec tabadta. Nëbi Nuquin Icbo Esus choeque.

Tesadonica 1 4:18

Umbi aden chuibued tantiashun abëtan Esus tantiaquid uënësaid tantiec uënësquio yec shubiquido bëdambo icmenuen umbi chuibambued chuita.

Tesadonica 1 5:11

Umbi aden chuisho tantiashun mimbi nabocpadombuembidi Esus tantiec bëdambo icnuec utsibobëd umbi chuibued chuinanquiota. Adec bëdambuec tabadec: Adequi tabadnuna, cananta.

Ebedeo 10:24

Aden tantiec abi tantiaquid utsibobëd tantiananquiec bëdambuec tabadec nashunnannuna.

Ebedeo 10:37

Nuquin Papan Chiaid chuiquin dada uampid nad iquec: Nëbimbobien mimbi cainaidquio choendac. Ambi tantiacpadënquio choendac. Ambi chiacpadënquio choenquio iquec, quetiapimbo iquec,

Ebedeo 13:22

Cun utsibo, mibitedi bëdambuen tantiamenuen daëdpactsëc umbi chuiquin dada uabued chieshtoenquio icquin tantiadoneta.

Ebedeo 3:13

Nuquin Papan chiacpadec bëdambuec tabadnuna, quec badiadquidën badiadquidënquiec utsibobëd chuinannuna. Nuquin Papan dada uamequin chiacpaden nëbimbobi nanuna: Icsambuen namianquidën muaquin icsambuen namiac Nuquin Papan chiacpadombuen nainquiocquid icmane, queshun.

Santiaco 5:8

Adecbidi mibitedi chieshtoenquio yec tabadquin: Nëbimbobi Nuquin Icbo choec, quec bëdambuec tabadquin caimbudta.

Petedo 1 4:7

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.

Petedo 2 3:11

Nuquin Papan aden nac abitedimbo nibëdanendac, quiash mibitedi Ambi Chiaid niaquenquio yec Esus tantiaquiec bëdambuec tabadta.

Petedo 2 3:14

Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta.

Petedo 2 3:9

Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.

Udas 1:19

Adquido yec chieshëmënec cuësh cuëshëdmianquido nec. Adec abi bunacpadec tabadquid icnuc Nuquin Papan Mayan aidobëd tabadenquio iquendac.