Ebedeo 1:3 - El Nuevo Testamento en matsés

³ Aidi aton Papapadquiobidi bëdamboshëcquidquio yec bëchamauanquiecquid nadatiambocquid neuaic. Aidëmbi nadatiambocquin Nuquin Papabëtan ambi tantiacpadombuen ambi uaid abitedimbo abi icmec nibëdantiapimbocnoc. Aidi matsesën icsambuen naid bedshunquin Nuquin Papa matses bëdambuen ismenuec abided cuidadec uënësashic abuc nidash Nuquin Papan dayun abiucquio tsadtuidpanëdash.

Ebedeo 1:3 ပူးပေါင်းရင်းမြစ်များ

Mateo 22:24

Chuibanquin tantiamequid icquin ¿Mitsi paden mimbi chuipatsia? Chuinu. Tantia. Nuquin tsusedpa Moisesën naden chuiquin dada uapampic: Aton chido bedash bacuë tishmiabi uënësacsho aton utsin aid chidobidi bedshun: Cun buchi padon bacuëbo nibëdeque. Cun buchin madobimbuecnuc tishmenu, quequin tishmequid, quequin chuipampic.

Madcos 16:19

Aden chuibanquin ënshobi abuc indoac Nuquin Papan dayun abiucquio Esus tsadtuidpanëdash.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Uanën dada uaid 1:29

Badiadshun padpiden Uanën matses acten mentobanuapondash. Aden mentobannubien Esus chopondash. Chosho isashien Uan mentoquid nadpondash: Is. Nuquin Papan Chomiaid yec obecabimbuecquid choeque. Aidi matsesën icsambuen naid bedshunec abided cuidadec uënësendac.

Uanën dada uaid 1:4

Aidquio Nuquin Papa yacno tabadmianquid nec. Nuquin Papapadquidquiobidi yec: Nadquio Nuquin Papa iquec, quec tantiamianquidquio Esus nepondash.

Hechos 2:33

Aidi uincuenash nidacsho Nuquin Papan aton dayun abiucquio tsadtomepanëdash. Ambo nidacsho Nuquin Papan Aton Mayan Bëda menepanëdash. Adoac ambi chiannebocpadombuen Esusën aton Mayan Bëda ubitedi menebanac onquete utsin utsinquiec onquesho nëbi mibitedishun tantiec.

Hechos 7:56

Aden isequi: Abu shëcuë uain shëcniaye. Is. Ambo Esus Matsesën Tishaid Nuquin Papabëd tancandaëdquiec abiucquio nidtosho isembi, quepanëdash Esteban.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Codosas 3:1

Esus tantiaquid icquin naden tantiata. Nuquin Papan Esuquidistubëta uincuenmiacbimbuen chuca uaid nebi. Adquid yanshun abuc Esuquidistu Nuquin Papan dayunquio abiuc tsadquin ambi namiacno ubitsen tabadtequid nebi, quequin aidquio tantiec bëdambuec tabadta.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Ebedeo 1:13

Naden Nuquin Papan abëd icquido chiambo iquec: Cun abiuc Abitedishun Icbombo icnuec nëmbo tsadec cho. Mibi chieshënquidobi dëniacmeshun: Cun Icbo mibi camenu, quequin abëd icquido chiambo icpampic.

Ebedeo 10:12

Esuquidistuen Nuquin Papa matses bëdambuen ismenuec abided cuidadec abentsequi uënësash padpidec cuidadec uënëstiapimbo iquec. Adec uënësash uincuenash aton Papa yacnombo nidash aidën dayun abiucquio tsadtuidpanëdash.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ebedeo 4:14

Esus Nuquin Papan Madombo yec nëish iua cuessunneshun pichicaquidon chuiquid tapambobimbuecquin Nuquin Papa matses bëdambuen ismequid nec. Adquid yec abuc nidshun Nuquin Papa chiec: Ubi tantiaquido matses bëdambuen ista, quequin chiannec. Aden chiannequid nec, queshun chieshtoenquio icquin Esus tantiaquionona.

Ebedeo 7:27

Adonën tsiuecquidon Nuquin Papa matses bëdambuen ismenuen nëish iua cuessunneshun pichicaquidon chuiquid tapan nacpadombuen Esusën nainquio icpanëdash. Adonën tsiuecquidombien badiadquidën badiadquidënquien nëish iua cuessunneshun pichicadennepanëdash. Ambi icsambuen naidba Nuquin Papa bëshunmenuen pichicashumbic aton matsesën icsambuen naidtsen bëshunmenuen pichicauapanëdash. Padnuen Esuquidistu matsesën icsambuen naidtedi bedshunash abided cuidadec abentsecquiobi uënëspanëdash padpidec uënësenquio icnuec.

Ebedeo 8:1

Tantia. Mibi naden chiombique. Adec Esuquidistu abi tantiaquido abi bëdambuen ismequid tapa yanash Nuquin Papa aton tsadte dapan tsadacnombo pudueduash abitedishun Icbombo yec Aidën dayun abiucquio tsadec.

Ebedeo 9:16

Tantia. Matsesën abi uënëste tantiaquin utsi chiaid chuinu: Ubi uënësan umbi chiacpadombuen cuna umbi tantiactedi menebanta, quequin dada uapec. Aidën chiacpadombuen bednuen: Icbo uënësac, quequin abimbo chuiquin tantiametequid nendac.

Ebedeo 9:26

Matsesën nacbimbuen naic taecquiobi abitedi uash matsesën icsambuen naid bedshunash abided cuidadec baded badedquiec Esuquidistu uënëstsempanëdash. Adenquio yec matsesën icsambuen naidtedi bedshunash abided cuidadec abentsecquiobi uënëspanëdash, nëid nidaid nibëdanmete anoentsëqui yannubi.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Petedo 1 3:22

Aidi uincuenash abuc nidash Nuquin Papan dayun abiucquio tsadtuidpanëdash. Adash abitedishun Icbombo yampanëdash. Nuquin Papabëd icquidon chuiquid tapabëtan Mayan Icsa Satanasbëtan aton iua podobitsi icsabon chuiquid tapa icquin ambi chiacpadombuen abitedi namendac. Adquido icbuedombi abitedishun Icbombo icsho aidën chiacpadombuen naindac.

Petedo 2 1:16

Nadatiambocquin nabanquid yec Nuquin Icbo Esuquidistu: Padpidec chouaindabi, quiondash, quequin ubitedishun chuibanaid ambembi muaquin chuibanaidpenquio nec. Umbimbo bëchamauanquiecsho isondaidquio mambi mibitedi chiec nec.

Petedo 2 1:17

Nadquio icpondash. Macuësh tapan dectatoash Esus bëchamauanquiec yampondash. Adnubien bëchamauanquiec yacnouësh nadec Nuquin Papa onquesho tantiapondambi: Nëidquio Umbi tantiaidquio yec Umbi namiaidquio Cun Madombo nec. Aid isec bëdambo iquebi, quec auëshquio onquesho ubitedishun tantiapondambi.

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Uan 1 3:5

Adquid icnuc Esuquidistu matsesash nuqui icsambuen nabanaidtedi bedshunec abided cuidadec uënëspanëdash, quequin mibitedishun tantiec. Adembidi icsambuen naisambo Esuquidistu nec, quequin mibitedishun tantiauaic.

Esusën Uan ismiaid 3:21

Mayan Icsa Satanasën: Icsamenu, caqui chieshtoenquio icquin ubi tantiaquid icsho ubëd tabadmequin ubëtambi chuiquid icmequin ubëdi chuiquid tapan tsadte dapan tsadmendambi. Adoacbimbuec chieshtoenquio icquin Cun Pan chiaidtedi naquin nainash aidbëdi tabadquin aidbëtambi abitedishun icbombo nebi.

Esusën Uan ismiaid 4:11

Mibi bëdamboshë iquec, Papa. Adembidi abitedishun mibi: Bëdambo iquec, capashun. Abitedishun Icbombo mibiuidtsëqui nec. Chuiquid tapambo abentsëcquiobi mibi nec. Nadatiambo icquin nabanquidquio icquin mimbi abitedimbo uapampic. Mimbi tantiacpadombuen mimbiuidtsëcquiobi abitedi uapampic. Adoac mimbi tantiacpadequi mimbi uaido nibëdanambo abi iquec, Papa, quec tsësiobo cuëdëncuededposh.