Ebedeo 1:14 - El Nuevo Testamento en matsés

¹⁴ Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Ebedeo 1:14 ပူးပေါင်းရင်းမြစ်များ

Mateo 1:20

Aden Osen tantiasho Nuquin Papan abëd icquid budmiaidën naden chuiquin Ose ushquin ismepanëdash: Dabid yampidën tsiuecquid icsho mibi chuinu. Tantia, Ose. Chudenquio icquin Nuquin Papan Mayan Bëdan Madia bacuë usundomiaque. Dacuëdenda. Dacuëdenquio icquin Madia min chido icmequin min shubuno buanta.

Mateo 13:41

Matsesën Tishaid icquin Cun Pabëd icquido chomendambi. Icsamianquidobëta icsambuen naquidotedi bedshun chian annëdënquiacno nëseca, quequin umbi chiac

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Mateo 2:13

Adec Esus isuambuedo uispa isquido nidambien Nuquin Papabëd icquidën Ose ushquin ismequin naden chuipanëdash: Isucunanec cuenta. Bacuëmpi aton titabëta buanec nidaid utsi Equipito yacno cuenta. Nuquin Papan: Cho, cabi choenda. Ambobi tabadta. Edodesën: Bacuëmpibo cuessun secatan, cac chochoeque. Cuenta, quequin Ose ushquin ismepanëdash Nuquin Papabëd icquidën.

Mateo 24:31

Adnuc nua shoncanubimbi Nuquin Papabëd icquidombo naden chuiquin: Ubi tantiaquido bedtan, caindac. Adoac nidaid utsi utsiec yacno nidanneshun ubi tantiaquido abitedimbo bedtanendac.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Mateo 4:11

Adoaquien Mayan Icsa Satanas cuempanëdash. Adnubien Nuquin Papabëd icquido chochoshon Esus nashumbededpanëdash.

Madcos 10:17

Aden chianec auëshquio puduanec podquiedën nidnubien dada abentsëc titinquianec choquin bëquedtanec dannëshën sebudash tsadquin: Chuibanquid yec bëdambocquidquio mibi neque. En ubi chui. Nuquin Papa yacno ënëdenquio yec tabadnuen ¿atotsimbi nape? capanëdash chobuedën Esus chuiquin.

Ducas 1:19

Adoaquien: Cabadied nebi. Abëd tabadquin Nuquin Papa nashunquidquio nebi. Aidëmbi ambi tantiacpadombuen mibi Chiaid Bëda tantiamenuen chomebued nebique.

Ducas 1:23

Adashic Nuquin Papa tabadte shubu dapa nuntanshun ambi nabantetedi nainash aton shubuno Sacadias niduapanëdash.

Ducas 16:22

Uëshë utsimbi atona nibëdquid Dasado uënësso issun Nuquin Papabëd icquidon abuc buanshun aton tsusedpa Abadauanën dayunquio tsadumposh. Adoambic atona dadpen icquidtsen uënësacsho chococaposh.

Ducas 2:13

Aden chiec Nuquin Papabëd icquid onquenubien abipadquid utsibo dadpen isadcuenec chochoash Nuquin Papan naid chiec nadec cuëdëncuededpanëdash:

Ducas 2:9

Adec tabadnubien Nuquin Papan budmiac abëd icquid abucuësh budec isadcuennubi Nuquin Papan icmiac abu bëchamauanquiec choquidën abitedi dachëncapanëdash. Adoac obeca pemequido dacuëdcuededquiopanëdash.

Hechos 11:22

Adec isadaidpembo Esus tantiaquid dadpen yanosh, quesho tantiashun Esus tantiaquid Edusaden yacnocquidon Antioquia yacno Bednabe nidmepanëdash.

Hechos 12:23

Aden chuisho tantiash: Mimbi Nuquin Papa caidpenquio nebique. Aid abia yampid abentsëcquiobi neque. Aidquio tantiata, quequin chuitiadquidëmbi chienquio icsho tantiashun Nuquin Papan abëd icquid budmiaidën badedquio chichan dadpen dapuduedmiaidën piac Edodes badedi uënëspanëdash.

Hechos 12:7

Adnubien Nuquin Papabëd icquid isadcuenec Petedon dayun chonoc quënë nuntan cumapenec chënquepanëdash. Adec choshon Petedo cuës cuëscaquin: Baded nidto, cac nidtonobi shocosh bucun mëtaniaid badedquio seccuduquec mëchiquidpanëdash.

Hechos 13:2

Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Hechos 16:26

cumapenec nidaid ishcudnubi quënën tsadunacnotsen ishcudnuc shëcuë bëtashaidtedi shëcniadpanëdash. Adecbidi quënën tsadunquin shocosh bucun mëtaniaidtedi mënchiquidnubi adecbidi tataniaid tachiquidpanëdash.

Hechos 27:23

Nuquin Papan iuambo yec aid nashunquidquio nebi. Adquid icsho inchëshën abëd icquid ambi budmiaid isadcuenshun naden chuiposhi:

Hechos 5:19

Adnubien aid inchëshëmbi Nuquin Papan abëd icquid budmiaidquio choshon shëcuë bëtashaid bëcadoquin abitedi puduenmec:

Doma 11:14

Umbi mibitedi chuibanaid tantiash cun matses utsi utsiec: Esus tantiate bunebi, ma quenu, queshun mibitedi chiec nebi. Adshun Esus tantiabensho aidotsen Nuquin Papan cuidenquio icquin bëdambuen isquin abëd tabadmendac.

Doma 13:6

Bëdambuen tabadmenuen Nuquin Papan chuiquid tapa icmiaidon chiacpadombuen naquin: Nëidtedi piucquid meneta, caid icnuc menequid.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Doma 15:27

Aden ambi tantiacpaden naid bëdambo iquec, caombi. Edusaden yacnoshon isadaidbomba Esus tantiapanëdash. Adshumbic aidon chuibenniac matses utsibontsen tantiabempanëdash. Aden abi nashunquin chuibanquido caic: Piucquid nibëdec, quiac caoshe. Aido ma menenu. Nashunnuna, quesho tantiashun: Bëdambo iquec, caombi.

Doma 8:17

Cun mado nec. Cun champi nec, queshun nëbi Nuquin Papan ambi chiampicpadombuen bëdambuen isquin uënësacsho abëdi tabadmequin nuqui bëdamboshë icmendac. Adoaid yec Esuquidistubëd nuqui tabadendac. Esuquidistu mëyanquin natiamequin mëyadmequiopanëdash. Adembidi chieshënquin natiamequin nuqui mëyadmendac. Adoaid yec iuecpactsëc yash Esuquidistubëd bëdamboshë yacno tabadsho: Mibi bëdambo iquec, quequin Nuquin Papan chiendac.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 2 9:12

Atona nibëdquid Esuquidistu tantiaquido nashunquin ma menenu, quequin meniaid buanshun menebanquin mimbi bëdambo icmiaido dadpen iquendac. Aden mimbi meniaidon: Nuquin Papa bëdamboshë iquec, quequin chiendac.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Cadasia 3:7

Adquid icnuc Nuquin Papa tantiaquidotedi Abadauanën tsiuecquido nec, quequin mibitedishun tantiata.

Cadasia 3:9

Abi tantiaquidquio icsho ambi Abadauan bëdambuen isampicpadombuembidi nëbi ambi Chomiaid tantiaquido icsho Nuquin Papan bëdambuen isquin bëdambo icmendac.

Epeso 3:6

Ambi matses tantiamenquio icpampid nad iquec: Esusën naid ambi Chiaid Bëda chuibansho Nuquin Papan matses utsi utsien Esus tantiaquido icmec. Adoac aidobëd isadaidbo dada abentsëc yacbimbuec tabadsho issun ambi chiampicpadombuen bëdambuen isquin uënësacsho abëdi tabadmendac.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Pidipos 2:25

Epapadodito cun utsibimbuecquid mimbi: Nashuntan, quequin mibitedishun chomenëdaid nëmbo iquec. Utsibon chieshënnubi dacuëdenquio icquin ubëtan Esusën naid chuibanondash. Adondaidi nëbi: Mibi icnëdacno tabadec nid, cun utsi, caombi.

Tesadonica 2 1:7

Aden nuqui natiamequin chieshënquido Nuquin Papan cuidendac. Adoac nuqui natiametiapimbo iquendac. Abëd icquido ambi nadatiambocquin namiaidobëd cute nëdënquequidbimbuec isadec abucuësh choshon Nuquin Icbo Esusën adoendac.

Tito 3:7

Adec aton Mayan Bëda nuquibëd icsho issun: Cuidenquio icquin bëdambuen isquin bëdambocquid icmeshun aidtedi ubëdi tabadmendambi, quequin Nuquin Papan tantiec, quequin ënëdenquio yec abëd tabadte nuqui cainec.

Ebedeo 10:11

Adnuc nuquin matses isadaidbon nëish iua cuessunneshun pichicaquidon badiadquidën badiadquidënquien abi nëish iua cuessunneshun pichicadednepec. Aden naidën matsesën icsambuen naid bedshuntiapimbo iquec.

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Ebedeo 6:12

Aden umbi chiacpaden nabanquido yec chieshuidequi tabadenda. Adec tabadenquio icquin Nuquin Papan Chiaid tantiata. Nuquin Papan: Ubëd mibi tabadendac, quequin chiampid tantiash utsibo: Abimbo caic, queshun abi tantiasho Nuquin Papan ambi chiampicpadombuen abëdi tabadmendac. Aidon nabanquin tantiacpadombuen chieshtoenquio icquin Nuquin Papa tantiata.

Ebedeo 6:17

Adembidi Nuquin Papa ambi chiacpadombuen naquidquio nec, quequin ma tantianu, queshun Nuquin Papan: Muatiapimbocquid icquin utsi uainquio icquin nashunendambi, quequin Abadauambëta aton tsiuecquido chuipampic.

Ebedeo 8:6

Padnuen nuqui Nuquin Papa bëdambuen ismequid tapa icquin Esuquidistun bëdambuenshë naic. Utsibic Nuquin Papa matses bëdambuen ismenuen nëish iua cuessunneshun pichicaquidon chuiquid tapa yec matses icquin bëdiactsëc bëdambuen naic. Nuquin Papan: Aden matsesën tantiasho bëdambuen isendambi, quequin chiaid chuca bëdamboshë icsho aid tantiamequid Esus nec.

Ebedeo 9:28

Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Petedo 1 1:12

Naden Nuquin Papan tantiamepampic: Mibitedi nibëdanan umbi chuibued umbi cun matses caid icsho utsibon isendac, quequin Esus chote chuipampic. Aden chiampicpadec choshon Esusën chuibampondash. Adembidi nëbi Nuquin Papan abucshun chomiac aton Mayan Bëdan nadatiambocquin tantiamiacpadombuen Esus chuibennequidon aidën naid mibitedi chuibampanëdash. Aden chuibanaid icnuc Nuquin Papabëd icquidotsen Esusën naid tantiate buncuededec.

Petedo 1 1:4

Ambi chiampicpadombuen bëdamboshë yacno Esusbëdquio ubi tabadmendac. Uënëstequid nibëdec icsabudtequid nibëdec, chodquetequid nibëdec quiacnombo Esusbëdquio abuc ubi tabadmendac, quequin nuqui tantiec.

Petedo 1 3:7

Tantia. Bënëtsen chuinu. Abia uinmabudquid icsho min chido bëdambuen ista. Mibëtan Esus tantiaquid yec Nuquin Papa bëdamboshëcquid yacno mibëdi tabadtequid neque. Min chido bëdambuen ista. Ubi bëdambuen ista, Papa, quequin mimbi chianniaid Nuquin Papan tantienquio icnushe. Min chidobëd bëdambuec tabadta.

Udas 1:14

Adquido icsho cun tsusedpa Enoc caidën chuipampic. Aidi abia matses uaid Adanën madon baban tishmiaidën baba Enoc nepampic. Aidëmbi naden chuipampic: Nuquin Papabëd icquido dadpenquioshë tamëdtiapimbo icquido Nuquin Icbobëd chosho issun

Esusën Uan ismiaid 5:6

Adoac Nuquin Papa yacnombo Obecabimbuecquid ispombi. Aid nënantanquio icnuc abi dacuenadec dadanobi ëshëcquid 4ted tabadposh. Adecbidi aid cachoctsëc dacuenadec tsësiobo tabaduaposh. Obecabimbuec isadec tsadbuedi nidtoposh. Adsho isaquien Nuquin Papa matses cuidmenquio icnuec abided cuidadec uënësash uincuenaccondaidquio abi tsadnëdacnombo Nuquin Papabëd icpec. Aidi aton pais 7ted icnubi aton ëshë aidtedquiobidi icposh. Abitedishun Icbombo yec utsin dëniacadtiapimbo icquid nec, camenuen aden 7ted aton pais ismeposhi. Adecbidi Nuquin Papan Mayan 7ted icquid nidaid abichobi yacno nidmiaid iquec, camenuen aton ëshë 7ted ismeposhi.