Ducas 9:44 - El Nuevo Testamento en matsés

⁴⁴ Tantia. Chuinu. Bëshunenquio icquin bëdambuen tantiaquiota. Matsesën Tishaid icsho ubi chieshënquido ubi bedmendac, quepanëdash Esus.

Ducas 9:44 ပူးပေါင်းရင်းမြစ်များ

Mateo 16:21

Adshumbic Esusën tauaquin abi uënës uamete abëd icquido naden chuipondash: Shubu dadpen icquid Edusaden yacno nidendabi. Amboshon nuquin matsesën ubi chieshënquiendac nëidtedshun. Nëidic nuquin matses tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedishun mëyanquioquin ubi uënës uamendac. Adoacsho chococac daëdec ushash uincuenendabi, quequin chuipondash.

Mateo 26:2

Daëdec ushshun nuquin tsusedpabon: Ma cun mado uënësmenquio icnu, queshun obeca caniactsëc cuessunniampid tantiaquin penun obeca caniactsëc cuessunnec, quequin mibitedishun tantiec. Aid uëshëmbi Matsesën Tishaid icshobi cueste napotiaidën dectanmenun ubi bedendac, quepondash Esus.

Madcos 8:31

Aden chuishumbic abi uënës uate tantiamequin abëd icquido Esusën tauaquin chuipanëdash. Matsesën Tishaid icshobi natiamequin nëidtedishun ubi mëyanmendac. Nëidic isadaidbon chuiquido tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedshun mëyanmequin uënës uamiaqui daëdec ushash uincuenendabi, quequin Esusën chuipanëdash.

Madcos 9:31

Adec nidquin chuibanequi: Matsesën Tishaid icshobi ubi chieshënquidon ubi bedmendac. Aden bedshun meniac mëyanquin uënësuac daëdec ushash uincuenendabi, quepanëdash Esus.

Ducas 1:66

Adoac: ¿Mitsipadquidquio ictequid aid bacuë nepash? Nuquin Papan tantiaidquien nechitash, quecuededpanëdash.

Ducas 18:31

Adashic abëd icquido 12tedtsëqui uanno buanash: Edusaden yacno nëbi nuquitedi nidnu nid. Ambo nidacsho Nuquin Papan oncamiaidon dada uaquin chiampicpadombuen Matsesën Tishaid icsho bedshun mëyanmendac.

Ducas 2:19

Aden obeca pemequidon chuibued tantiashun Madian: ¿Mitsipadquid cun bacuë nepeba? quequin bëshunenquio icquin tantiadednepanëdash.

Ducas 2:51

Adshun: Nidnu nid, mado, cac cacuidenquio yec Nasaded yacno chouapanëdash. Ambo icquin aton titabëtan Osen chiacpaden Esusën nadednepanëdash. Aden nasho issun aton titan ambi isbuedbëta ambi tantiabued bëshunenquio icquin tantiadednepanëdash.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Ducas 9:22

Aden chiashic: Matsesën Tishaid icshobi natiamequin nëidtedishun ubi mëyanmendac. Nëidic isadaidbo tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedshun mëyanmequin uënës uamiaqui daëdec ushash uincuenendabi, quepanëdash Esus.

Uanën dada uaid 16:31

Adsho tantiashun Esusën: ¿Nëbida mimbi ubi tantiaquie?

Uanën dada uaid 16:4

Aden chieshënte uëshë yannuc: Ai, aden chieshënteshenda Esusën chuipondash, quequin tantiata. Adashic Esus: Bedanec ubëd mibitedi yansho aden chienquio iccondambi.

Uanën dada uaid 19:11

Adoaquien Esusën: ¿Mibenquiobida chuiquid yandio? Nuquin Papambien chuiquid mibi icmiac. Nuquin Papan chuiquid icmiabi adquid mibi ictiapimbo ictsiac. Ubi cueste napotiaidën dectanquin uënës uamenu, quec mibi icsambo icnubi ubi bëbuedotsen chuiquido icsamboshë icquido neuaindac, quepanëdash.

Hechos 2:23

Aidi Nuquin Papan ëndenquimboshë tantiampicpaden bedmeshun mëyanmequin: Uënës uata, cac Nuquin Papa tantiesabo matses icsambocquidën cueste napotiaidën dectanquin uënës uapondash.

Ebedeo 2:1

Adec abitedishun Icbombo Nuquin Papan Mado Esus icnuc: Ambi Chiaid niaquec cuëshëdchitomane, queshun aid tantiaquin aidën chiacpadombuen nabanec bëdambuec tabadnuna.