Ducas 9:41 - El Nuevo Testamento en matsés

⁴¹ Adoaquien ambi nianaidobëta abëd icquido caic Esus nadpanëdash: Nadatiambocquid Nuquin Papa nec, quequin tantiesa mibitedi nec. ¿Tedectsicshun umbi chiacpaden mimbi tantiabempe? Mibitedishun tantienquiocsho isash ¿tedectsiashini chieshtope? quetanquin: Min mado bec cho, capanëdash Esusën.

Ducas 9:41 ပူးပေါင်းရင်းမြစ်များ

Mateo 11:28

Adshumbic: Ubi tantiata. Dayacquiocquid yacbimbuecnuc mibi bëdambo icmembique. ¿Mitsipadequibi Nuquin Papa yacno puduedpatsia? quiash uinmambo icbuedëmbi ubi tantiasho Nuquin Papa yacno puduedtequid mibitedi icmembique. Ubi tantiata.

Mateo 12:39

Adoaquien Esusën: Nuquin Papan Chiaid niac niacquido yec mibitedi icsamboshë icquido nec. Adquido yec ubi tantiate bunenquio icquimbi: Nadatiambocquin nabanquin ubi isme, mimbi ubi capec. Adsho nëbi mibitedi ismenquio iquembi. Iuecshumbimbi ismendac. ¿Ada ambi oncamiaid Onas Nuquin Papan namiampid tantie? Aid nanëdacbimbuen naquin ismendambi.

Mateo 12:45

Aden istuiduashic: Dapuduedtequidquio nëid nec, quianec abipadquid utsi bedec niduaposh. Nidshumbic 7ted icsamboshë icquido istuidshun bëash aidobëdi dapuduedposh. Adnuc podobitsi icsa abentsëc dapuduedaid yec ënden icsambo iquequi bëdapabi icbuedi aido dadpen dapuduedash buëdanquiec aid dada icsamboshë yanuaposh. Aidbimbuecquido yec nëbi matses icquid icsamboshëcquido nendac, quequin Esusën chuipondash.

Mateo 16:4

Nuquin Papan Chiaid niac niacquido yec mibitedi icsamboshë icquido nec. Adquido iquequi ubi tantiate bunenquio icquimbi: Nadatiambo icquin nabanquin ubi isme, mimbi ubi capec. Adsho nëbi mibitedi ismenquio iquembi. Iuecshumbimbi mibi ismendac. Nuquin Papan ambi oncamiaid Onas nampicpadombuen naquin ismendambi, quianec aido nianec Esus nidpondash.

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Mateo 23:36

Aden aid cuessunnequido cuidacbimbuen nëbimbobi mibitedi cumapenquien cuidendac, capondash Esusën abi chieshënquido chuiquin.

Mateo 3:7

Adnubien padiseobobëd saduseobo Uanën acten mentosho isec chochopanëdash. Aido chochosho issun Uanën: Nisibimbuecquido yec mibitedi icsambocquido nec. Adquid icsho ¿tsuntsin: Nuquin Papan natiamequin cuidte anuenaneque. Tantiatan, quequin chiac chocho?

Madcos 10:14

Aden chuisho tantiash nëishtanquin Esusën: Padi. Ma bacuëbo ubi yacno bënu. Cuenmenda. Nëid bacuëbo amën chuisho tantiash badedi: Abimbo caic, quiacbimbuen ubi tantiaquid Nuquin Papan namiacno puduedtequido nendac. Bacuëbo bëdambo iqueque. Bec cho, cac bëbëpanëdash.

Madcos 10:49

Aden abi cuënsho tantiash nidtuidshun Esusën: Ubi cuënquid nëmbo bec cho, capanëdash. Adoaquien: Nëmbo bec cho, queque. Nidtoash nid, capanëdash utsibon.

Madcos 9:19

Aden chuisho tantiash abëd icquidobëta ambo icquido caic: Esus nadatiambocquid nec, quequin ubi tantiesa mibitedi nec. ¿Tedectsicshun umbi chiacpaden mibitedishun tantiabempe? ¿Mibitedishun tantienquiocsho isash tedectsiashini chieshtope? quetanquin: Min madompi bec cho, capanëdash Esusën.

Ducas 8:25

Aden ënëdmetanec: ¿Atotsi quiash ubi tantienquio yec dacuëdcuededo? Esusën caquien abëd icquido tantiadempambo yec dacuëdcuededquiequi: ¿Mitsipadquidquio nëid nepec? Cunquequidbëta acte bocquequid: Ënëd, cacpadequi ma ënëdpaboc, quec abëd icquido onquecuededpanëdash.

Ducas 9:40

Adsho isash choshon mibëd icquido chuiquin: Dapuduenmeta, cauidombi. Adoaqui podobitsi icsa dapuduenmenquio iccosh, quepanëdash madompin papa Esus chiec.

Ducas 9:42

Aden bëec anoentsëqui chosho podobitsi icsan bëcunniac madompi uëdëquianec uebudpanëdash. Adosho issun Esusën: Aidën dadan iquenquio yec dapuduenec cuenta, capanëdash podobitsi icsa chuiquin. Aden chiac dapuduennuc madompi bëdanacsho aton papa Esusën menepanëdash.

Uanën dada uaid 14:9

Adoaquien Esusën: ¿Tantienquioda ique, Uedipe? Iuec mibëd tabadobi. ¿Mimbi isacmaidtabi nedi? Nuquin Papapadquidquiobidi nebi, quesho ubi isquin: Adquiobidien Aton Papa iquec, quequin Cun Patsen mimbi tantiendac, quequin mibi chiombi. ¿Atotsi queshumbini: Nuquin Papa ubitedi isme, cai?

Uanën dada uaid 20:27

Adtanequien: Is cun mëdante, Tomas. Shëcuë bëmishec cho. Në podo ansiaid iqueque. Aidtsen bëmishec cho. Adshun: Uincuenabien icchitash, quequin tantienquio icbuedëmbi: Uincuenac, quequin tantiata, caquien

Hechos 13:18

Adoaqui nuquin tsusedpabon Nuquin Papan Chiaid niac niacsho issun Nuquin Papan nac shubu nibëdec masiuidpambo yacno seta dadpen 40ted matanmec capucuennesho Nuquin Papan abi chieshënquido icshobi uesquin cuidenquio icquin buanmepampic.

Hechos 2:40

Aden iuen bëdambuen chuibanequi: Nuquin matses isadaidbo Esus tantiesabo icnubi mimbi icsambuen naid ënash Esus tantiaquidquio icta, quequin chuibudquin Petedon ëmpanëdash.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Ebedeo 3:19

Aden tantiesabo icquin ambi chiacpadombuen nainquiocsho issun ambi chiacno Nuquin Papan tabadmenquio icpampic.

Ebedeo 4:11

Nuquin Papabëd tabadtequid nebi, quequin tantiaquin Esuquidistu tantiaquionona. Nuquin Papan Chiaid tantiesa yanash tsusedpabo Nuquin Papan chiacno tabadambo yampicpadecbidi tabadtiapimbo icmane, queshun aid tantiaquionona.

Ebedeo 4:2

Aden Equipito yacnoshon buanaido chuiquin: Umbi buanacno mibi tabadte iquendac, quequin ambi nuquin tsusedpabo chiampicpadombuen: Ubi yacno puduedash natienquio yec tabadtequid iquendac, quequin nëbi ambi Chiaid Bëda Esusën naid chuibanuasho nuquitedi tantiauaic. Aden ëndenquimbo chuisho tantiash: Nuquin Papan Chiaid abimbo iquec, quequin tantienquio icquido yec aidën chiampicno tabadtiapimbo icpampic.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.