Ducas 9:18 - El Nuevo Testamento en matsés

¹⁸ Adshumbic matses nibëdacno abëd icquidobëd nidash uanno abentsëqui nidshun Nuquin Papa Esusën chuipanëdash. Aden chuitanec choshon: ¿Matsesën: Tsutsi nec, ubi caosh? quepanëdash Esus abëd icquido chiec.

Ducas 9:18 ပူးပေါင်းရင်းမြစ်များ

Mateo 14:23

Adec matses abitedi nidannebon: Nuquin Papa chuitannu, quianec nidash macuësh tapa dectatoash abentsëqui tsadquin Esusën Nuquin Papa chuinubi inchëshpanëdash.

Mateo 26:36

Adanec abëd icquidobëd nidequi cute dadpen nitsinaid Quetsemani caid yacno nidpondash. Auëshquio Esus nadpondash: Nëmbobi tabadta. Udictsëc nidshun Nuquin Papa chuitannu, quepondash.

Ducas 11:1

Adashic uëshë utsin uanno nidshun Nuquin Papa Esusën chuipanëdash. Aden Nuquin Papa chuiquin nainacsho issun abëd icquido abentsëcshun nadopanëdash: Icbo, Nuquin Papa naden chuita, quequin Uanën abëd icquido chuipanëdash. Adembidi Nuquin Papa chiannete ubitedi chui, capanëdash.

Ducas 3:21

Quënën tsadunabicquin Uanën matses dadpen acten mentobampanëdash. Aden mentobannubien Esus chosho aidtsen mentopanëdash. Aden mentoac Esus Nuquin Papa chiec onquenubien abu shëcuë nibëdbuedi shëcuë yannuc

Ducas 6:12

Adashic uëshë utsin macuësh yacno matses nibëdacno Nuquin Papa chiec nidshun inchëshën ushenquio icquin Esusën Nuquin Papa chuipanëdash.

Ducas 9:19

Adoaquien: Utsin utsinquien: Uan acten mentoandenned nepanui, mibi caosh. Utsimbic: Edias icpampid nepanui, mibi caosh. Utsimbic: Ëndenquimbo Nuquin Papan oncamiampid uincuenaid nepanui, mibi caosh, quepanëdash abëd icquido.

Ducas 9:28

Aden chiashic 7tedec ushash: Nuquin Papa chuitannu, quianec nidquin Petedo yec Uan yec Santiaco yec quenuc buanec macuësh tapa abucquiocquid yacno Esus nidpanëdash.

Ducas 9:29

Adec nidshun Nuquin Papa chiec onquequi aton bëtantete utsiacbimbuec yannuc aton dashcute ushumboshë yanec bëchamauanquiec Esus yampanëdash.