Ducas 8:48 - El Nuevo Testamento en matsés

⁴⁸ Adoaquien: Mimbi tantiacpadquiequi mibi bëdanaque. Dacuëdenquio yec bëdambuec tabadec nid, champi, capanëdash Esusën.

Ducas 8:48 ပူးပေါင်းရင်းမြစ်များ

Mateo 12:20

Acte pia abentsëc podquëdaid teshunnenquio yacbimbuen matses ambi icsambuen naid tantiec uënësquio icsho shubimenquio iquendac. Tabote uënëstiadtsëcquio icquid dëbedquin uënësmenquio yacbimbuen matsesën ambi icsambuen naid ënte bunsho mëyadmenquio icquin bëdambuen isendac.

Mateo 8:13

Adshumbic sondadon chuiquid tapa chuiquin: Min shubuno nidec nid. Mimbi tantiacpadquiequi min iua bëdanaque, cac nidshun Esusën chuibocpadënquio aton iua bëdanacsho istuidpanëdash.

Mateo 9:2

Adnubien utsibon dada shëquëquenquio icquid Esus ismenuen nënquid nandoten nandoshon bëpanëdash. Bësho issumbien Esusën: Ubi caic: Aidën bëdanmetsiash, queshun aidon bëosh, queshun naden daicsaid shëquëquenquiocquid chuipanëdash: Bëdambo yec cuishonqueta, mado. Mibi cuidtiapimbo yec mimbi icsambuen naid tantienquio yec bëshunobique, capanëdash Esusën.

Mateo 9:22

Adoac bidiadquin chido isquin Esusën naden chuipondash: Dacuëdenda. Mibi: Aidën bëdanmiac bëdanebi, quequin mimbi tantiacpadquiequi mibi bëdanoc, Esus quenubi bëdanquiopanëdash.

Madcos 5:34

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Ducas 17:19

Aden chuishumbic: Mimbi tantiacpadequi mibi bëdanoque. Nidtoanec nidec nid, quequin Esusën chuipanëdash.

Ducas 18:42

Adoaquien Esusën: Aidën ubi bëdanmec, quequin mimbi tantiacpadquiequi mibi bëdanoque. Padpidembuen isbenuata, quenubi

Ducas 7:50

Aden pec tabadquidon tantianubi chido caic: Ubi tantiaquid yec Nuquin Papa yacno puduedtequid mibi neque. Dacuëdenquio yec nidta, quepanëdash Esus.

Ducas 8:47

Adsho tantiashien chido: Nëidën umbi nabued ambibi tantiaquin ubi isec, quec abibi onquequi dacuëdec uëdëquequi Esusën taëno dannëshën tinquebudpanëdash. Adec tinquebudshun datsidadquidon tantianubi: Intac bëdannu, quequin min dashcute bëntsecquid mishequi badedquio bëdanobi, quepanëdash Esus chiec.

Hechos 14:9

Aidi Pabadon Esus chuibansho tantiec: Esusën ubi bëdanmetsiash, quequin otacquio tantiec tsadpanëdash. Aden caputiapimbocquidën tantiacpadombuen Nuquin Papan Pabadotsen tantiamiac

Codinto 2 6:18

Mibitedishun Papa caid nendabi. Adquid icquin: Mibitedi umbi: Cun mado nec. Cun champi nec, caido iquendac, quec Nuquin Papa nadatiambocquid, quequin chuiquin dada uapampic.

Ebedeo 4:2

Aden Equipito yacnoshon buanaido chuiquin: Umbi buanacno mibi tabadte iquendac, quequin ambi nuquin tsusedpabo chiampicpadombuen: Ubi yacno puduedash natienquio yec tabadtequid iquendac, quequin nëbi ambi Chiaid Bëda Esusën naid chuibanuasho nuquitedi tantiauaic. Aden ëndenquimbo chuisho tantiash: Nuquin Papan Chiaid abimbo iquec, quequin tantienquio icquido yec aidën chiampicno tabadtiapimbo icpampic.