Ducas 8:41 - El Nuevo Testamento en matsés

^41-42 Adnubien Nuquin Papan Chiaid chuibante shubun tabadquido isquin namequid Aido cuëmëdquid choash Esusën taëno dannëshën tinquebudec nidaidën bëccuësquebudash: Cun champi abentsëc icquidi uënëstiadtsëcquo iccosh. Aidi aton seta 12ted icquid niosh. ¿Ada aid isnuec cun shubuno nidtsia? quepanëdash Aido cuëmëdquid. Aden chiac: Ai, quianec aidbëd Esus nidnubien chochoquido dadpen tsucus tsucustsëcquio yec Esusbëd nidpanëdash.

Ducas 8:41 ပူးပေါင်းရင်းမြစ်များ

Ducas 13:14

Aden chonoadtemaid uëshëmbi Esusën chido bëdanmesho istanec nëishshun Nuquin Papan Chiaid chuibante shubun icquidon chuiquidën: Nëid uëshë chonoadtemaid uëshë neque. Mabi bëdanmenu, quequin tantiec nëid uëshënquio choenda. Chonoadtequid uëshënquio: Bëdanmenu, quec chota, quequin iccuededquido chuipanëdash.

Ducas 17:16

Esusën tayun dannëshën sebudash nidaidën bëccuësquebudash: Mimbi bëdanmeboc bëdambo iquebi, quepanëdash Esus caic. Aidi Samadia yacnocquid isadaidpembo nepanëdash.

Ducas 5:8

Aden isanec Esus yacno choequi dannëshën sebudec shuebudshun Simon cashumbic Petedo caidën: Icbo, ubëd iquenquio yec nidta. Icsambuen naquid nebique, capanëdash Esus chuiquin.

Ducas 8:49

Aden chiec abi Esus onquenubien Nuquin Papan Chiaid chuibante shubun icquidon chuiquid tapa Aido cuëmëdquidën shubun icquid choshon: Min champi uënësoshe. Chuibanquidi ancabudenda, quequin chuituidpanëdash.

Uanën dada uaid 11:21

Choquimbi Esus bëquedash Madta: Icbo, mibi nëmbo icnuc cun utsi uënësenquio ictsenosh.

Hechos 13:15

Ambo tabadnubien Nuquin Papan Moises dada uamiampidbëta Nuquin Papan oncamiampidën dada uamiampidtsen isec onquequin chuitanquin chuiquidon: Isedquido iqueque. Aid daëdi tabadacno nidshun: Ubitedi bëdambo icmenuen ¿ada chuibante bune? En chuiban. Tantianu, quequin Bednabebëta Pabado chuipanëdash.

Hechos 18:17

Adoac puduenshun Nuquin Papan Chiaid chuibante shubun iccuededquidon chuiquid Sostenes cuëmëdquid bedshun isadaidbon cumapenen cuesbededpanëdash. Adosho isec mimbi: Icsambuen naic, quenquio yec Cadion otacquio tsadpanëdash.

Hechos 18:8

Adnubien Quidispo cuëmëdquid Nuquin Papan Chiaid chuibante shubun iccuededquidon chuiquid tapa nepanëdash. Aidëmbi Pabadon chuibanac aton shubun icquidobëd Esus tantiaquido yampanëdash. Adecbidi Codinto yacnocquid utsi dadpen Esus tantiaquid yampanëdash. Adsho aidotedi acten mentobampanëdash.

Hechos 9:38

Aden nanshun: Ope anoentsëc icquid Dida caid yacno Petedo tabadec, quesho tantiashun Esus tantiaquidon: Aid chomenu, quequin dada daëd nidmiac nidshun Dodcas uënësbued Petedo chuituidquin: Ma badedquio chono, quiosh, cac

Esusën Uan ismiaid 5:8

Aden bedshunsho istanequien dadanobi ëshëcquidobëd tsësiobo 24ted icquido Obecabimbuecquid ismec dannëshën tinquebudcuededposh. Aidon icbo icbuen tintincate sananquimbi utsiucshun maspanëmpin sandoaid bëdambo nuadnuc tauite sanamposh. Umbi tintincamequin Nuquin Papa cuishoncamiacbimbuec Nuquin Papa tantiaquido cuëdënaid iquec, quequin aden tintincate sananquin ismeposhi. Adembidi nëshunquio pichicac nëid pushudquid Nuquin Papa yacno nidacbimbuec: Abi tantiaquidon chianniaid iquec, quequin bëdambo nuadnuc pichicate sananquin ismeposhi.