Ducas 8:29 - El Nuevo Testamento en matsés

²⁹ Adec onqueshobi podobitsi icsa chuiquin Esusën: Dapuduen, capanëdash. Aid dada podobitsi icsa dapuduedshun namiac nad icpanëdash. Shocosh bucun abi mëtaniaidbëtabi abi tataniaid tëstenniacsho podobitsi icsan shubu nibëdacno buanaid aid dada nepanëdash.

Ducas 8:29 ပူးပေါင်းရင်းမြစ်များ

Ducas 8:28

Aidi Esus bëquedec choec Esusën taëno dannëshën tinquebudash cumapenec cuëdec: ¿Atotsi ubi canuec ne? Esus. Nadatiambocquid Nuquin Papan Madombo mibi neque. Ubi mëyanenda, quequin aid dadan chuipanëdash podobitsi icsan oncamiac.

Ducas 8:30

Adquid nec, quequin tantiaquin Esusën: ¿Tsutsi cuëmëdquid ne? capanëdash. Adoaquien: Dadpenquioshë dapuduedaid yec Dequion nebi, quepanëdash podobitsi icsa dapuduedaido onquec.

Ducas 9:39

Podobitsi icsan cun mado bedquin nua cuëdmequin mëyadmequin padishmededniosh. Adembidi ëcbacushmedennequin mëyadmequin nianenquio iquec.

Ducas 9:42

Aden bëec anoentsëqui chosho podobitsi icsan bëcunniac madompi uëdëquianec uebudpanëdash. Adosho issun Esusën: Aidën dadan iquenquio yec dapuduenec cuenta, capanëdash podobitsi icsa chuiquin. Aden chiac dapuduennuc madompi bëdanacsho aton papa Esusën menepanëdash.