Ducas 8:22 - El Nuevo Testamento en matsés

²² Uëshë utsimbi: Chian potec ëquëmatsiuc nidnu nid, quianec abëd icquidobëd cano antabëdtoanec puduanec nidpanëdash.

Ducas 8:22 ပူးပေါင်းရင်းမြစ်များ

Mateo 14:22

Adshumbic Esusën ubitedi chuiquin: Tsiuec nidnu. Mibia nidannequin chian potec nid, quepondash. Adoac cano antabëdtoanec chian potec nidnubi abentsëqui tëshëdshun Esusën abi datsidadquidotsen chuiquin: Nidannec nid, quequin nidannemepanëdash.

Mateo 8:18

Adashic abi isnuec chochoash matses dadpenquio datsidadsho isash abëd icquido chiec: Chian potec nidnunid, quianec chian yacno nidec Esus puduampanëdash.

Madcos 5:21

Adshumbic cano dapan abëd icquidobëtan Esusën padpiden abi chobocmibidi chian poteuapanëdash. Aden potiash Esus mananuc pudundosho isash matses dadpen chian cuëman padpidec chochouash badedquio tsucus tsucustsëcquio yec datsidadpanëdash.

Madcos 6:45

Adshumbic Esusën abëd icquido chuiquin: Mibia nidquin shubu dadpen icquid Betsaida yacno chian potec nidta, capanëdash. Adoac cano antabëdtoanec chian potec nidnubi tëshëdshun Esusën abi datsidadquidotsen: Nidannec nid, quequin nidmepanëdash.

Madcos 8:13

Aden chuitanec aido nianec cano antabëdtoanquin chian ëquëmatsiuc potec nidpanëdash.

Ducas 5:1

Adashic chian Quenesaded cashumbic Cadidea caid cuëman tabadquin Esusën Nuquin Papan Chiaid chuibansho tantianuec chochoash matses tsucus tsucustsëcquio yec tabadpanëdash.

Ducas 8:23

Adec nidnubi cano anuec Esus ushtopanëdash. Adec ushnubien cunquequid tapa cumapenec cunquec acte bocquequidën acte ancushadec cano mentoadtiadtsëcquio yampanëdash.

Ducas 8:33

matsesën dadanouësh dapuduenequi icbo icboec chanchu dapuduedash niquianec abucquio quiusudacnouësh chian nëpaëdbudnec mentoadbudnepanëdash nibëdquio yec.

Uanën dada uaid 6:1

Adashic Esus chian dapa Cadidea caid budash cano antabëdtoshon ëquëmatsiuc potepondash. Aid chiambidi Tibedias cuëmpondash.

Hechos 27:2

Aden buanec nid, cac Pabado chedo buanquin shubu dadpen icquid Adadamitio yacnouësh choquid cano dapa istuidpondash. Aid cano dapa icbo: Nidaid Asia caid acte mad caid cuëman shubu dadpen icquid utsi utsiec yacno nidebi, quequin chuisho tantiash Pabadobëd antabëdtopondabi. Adec antabëdtosho isash puduampondash. Pabadobëd icquid utsi Adistadco icpondash. Aidi nidaid Masedonia caidën shubu dadpen icquid Tesadonica yacnouësh choquid nepondash.