Ducas 7:9 - El Nuevo Testamento en matsés

⁹ Adsho tantiash tantiadempambo icquin Esusën abi tsibambëquido naden chuipanëdash: Bëdambuen nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec, quepanëdash Esus.

Ducas 7:9 ပူးပေါင်းရင်းမြစ်များ

Mateo 15:28

caquien Esusën: Ai. Ubi tantiaquidquio mibi nec. Mimbi chiacpadec min champi bëdanendac, quesho tantianec aton shubuno nidshun isaquien aton champi bëdanac Esusën chuibocpadënquiobi.

Mateo 8:10

Adsho tantiashun Esusën abi tsibambëquido naden chuipanëdash: Bëdambuen tantiaquin nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec.

Mateo 9:33

Bësho issun Esusën podobitsi icsa dapuduedaid cuenmeshunquin bëdanmiac onquiampondash. Aden bëdanmesho isash tantiadempambo yec tabadec: Nuquin nidaid Isadaidënshun adoenquio ictennec, quecuededpondash.

Ducas 7:10

Aden chuisho tantiashien sondadon chuiquid capitanën: Chuitan, caido aucbidi niduash shubun puduedshun sondadon chuiquidën iua bëdanacsho istuidpanëdash.

Ducas 7:50

Aden pec tabadquidon tantianubi chido caic: Ubi tantiaquid yec Nuquin Papa yacno puduedtequid mibi neque. Dacuëdenquio yec nidta, quepanëdash Esus.

Ducas 7:8

Ubibic chuiquid tapan namiac sondado utsibo namequid nebi. Umbi: Nid, cac badedi nidec. Umbi: Baded cho, cac badedquio choec. Cun iuan umbi: Nata, cac umbi chiacpadombuen naic. Mibi adquidquiobidi neque. Cun iua bëdanmeta, quiosh, quepanëdash sondadon chuiquid capitanën: Chuitan, caido Esus chiec.