Ducas 7:8 - El Nuevo Testamento en matsés

⁸ Ubibic chuiquid tapan namiac sondado utsibo namequid nebi. Umbi: Nid, cac badedi nidec. Umbi: Baded cho, cac badedquio choec. Cun iuan umbi: Nata, cac umbi chiacpadombuen naic. Mibi adquidquiobidi neque. Cun iua bëdanmeta, quiosh, quepanëdash sondadon chuiquid capitanën: Chuitan, caido Esus chiec.

Ducas 7:8 ပူးပေါင်းရင်းမြစ်များ

Ducas 7:7

Icsambocquid nebi. Adquid yec mibi bëquedec nidenquio iccobi. Bëdanmianquid iquec cun shubun puduedenquio icquin mibi yacnoshombi: Bëdanta, mimbi cac cun iua bëdantsiash.

Ducas 7:9

Adsho tantiash tantiadempambo icquin Esusën abi tsibambëquido naden chuipanëdash: Bëdambuen nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec, quepanëdash Esus.

Hechos 23:17

Adoaquien Pabadon sondadon chuiquid capitan caid naden chuipanëdash: Cun piac comandantebëd onquete buneque. Aid yacno buantan, capanëdash.

Hechos 23:23

Aden Pabadon piac nidmeshun sondadon chuiquid capitan daëd chomiash comandante nadpanëdash: Inchëshën 9 yannuc shubu dadpen icquid Sesadea yacno ma mibëdi mimbi namiaid sondado 200ted nidnu. Mitsana buannuen nacnenta, cata. Adombuembidi cabachu catsadquid 60ted icquido chuiquin: Nidnun nacnenta, quequin chuiuata. Adombuembidi shocosh sianten senu, quequin sananquid 200ted icquido chuiquin: Nidnun nacnenta, quequin chuiuata.

Hechos 23:26

Cadaudio Disias nebi. Chuiquid tapa cobednadod caid Uedis bëdambocquid mibi icsho chuinu. Nëid dada Pabado umbi bedmebued mibi yacno buanmembi, quequin chuiquin dada uaimbique. Isec onqueta.

Hechos 23:31

Aden comandanten dada uashun meniac aidën chiacpaden Pabado buanec sondado aid inchëshëmbi shubu dadpen icquid Antipatidis yacno nidpanëdash.

Hechos 24:23

Aden chuishumbic naden Uedisën sondadon chuiquid capitan chuipanëdash: Shubuno Pabado buanuashun quënën tsadunshun. Puduennushe Ista. Aid: Umanuc capuec nidnu, quesho tantiash aidbëd nidta. Adembidi abi nashunquin isquido chosho issun iuedta, quequin chuita, quepanëdash Uedis capitan chiec.

Hechos 25:26

Aden buanmenuen ¿atotsimbi dada uaquin chuiquid tapambo empedadod chuipatsia? quequin tantienquio icquin Pabado ambi naid chuimeuaimbi: Ma aden chiac mibitedishun tantiapanu, quequin. Aden tantiashun: Naden chuiquin dada uata, mimbi cac dada uatsiambi.

Codosas 3:22

Iuabon, nidaidënshun mibi iuaquidën chiacpaden nabanta. Aidën: Naden na, quequin chuishun isnuc nabanta. Mibi iuaquidën isenquiocnobi adombuembidi nabanuata. Aden nabansho mibi bëdambuen isendac. Cun Icbo Esuquidistun ubi isec, queshun aden nabanta.