Ducas 7:39 - El Nuevo Testamento en matsés

³⁹ Chidon adosho isashien Esus iuedquid ambibi tantiec: Umbi iuedaid Nuquin Papan oncamiaid iquec: Ubi mishquid icsambocquid nec, quequin chido mishmenquio ictiadquidi nec, quepanëdash Simon padiseobo yec.

Ducas 7:39 ပူးပေါင်းရင်းမြစ်များ

Mateo 20:16

Adashic abi onquec: Adombuembidi abi yacnoshon ambi tantiacpadombuen Nuquin Papan naindac. Nidaidënuësh chuiquidpenquio icbuedi Nuquin Papa yacnouësh utsi utsiec chuiquid iquendac. Adecbidi utsi utsiec nidaidënuësh chuiquid icbuedi Nuquin Papa yacnouësh chuiquidpenquio iquendac, quepondash Esus.

Mateo 21:11

Adsho tantiaquidon: Esusquio tantiec nec. Nuquin nidaid cuëshë Cadidea caidën shubu dadpen icquid Nasaded yacnouësh caniondaid Nuquin Papan oncamiaid Esus tantiec nec, capondash.

Madcos 7:21

Aden ëquëducshun tantiec: Naden naimbi, quequin ambi tantiacpadombuen icsambuen naic matses icsatequid nëidted iquec: Nëidic ambi natemaidi naic chudnanquido. Nëidic ampequido. Nëidic cuessunnianquido.

Ducas 12:17

Adec dadpenquio icsho isash tied icbo nadposh: ¿Mitsimbuembi aidtedi sauedshun dayun uapeba? queposh.

Ducas 15:2

Adsho isash padiseobobëd Moisesën chiampid tantiamequido Esus tantiamenquio yec chushquec: Abi datsidadquido icsambocquido icsho cacunmenquio icquin aidobëtambi peshun Esusën aquec, quec cuëdcuededpanëdash.

Ducas 16:3

Aden chiaquien icbon: Cuna ista, caid otacquio onquec: Cun icbon: Nëbi cuna isquid mibi ictiapimbo iquec, caboc. ¿Atotsimbi napeba? Chonoadtiapictsëcquiocquid yec neshcashunquid ictiapimbo iquebi. Adecbidi: Cuna nibëdeque. Bec cho, quetiapimbo iquec dacuëduaibi.

Ducas 18:4

Aden chuidedniaqui abi chieshënquin icsambuen naquid cuidte chienquiocbuedëmbi chido ënëdenquio yec nidted nidtedquin adombuenuidi chuisho tantiashun: Nuquin Papa dacuëdënesa yec matses tantiesa nebi,

Ducas 3:8

Mentomete bunec Nuquin Papan Chiaid niac niacbuedi ënash Nuquin Papa tantiec bëdambuec tabadta. Ubipadquid Abadauanën tsiuecquidouidtsëqui icsho Nuquin Papan bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënote dadpen icquidi matses uashun Nuquin Papan Abadauanën bacuëbopadquid icmetsiashe. Nuquin Papambo tantiata, quepanëdash.

Ducas 7:16

Aden uënësaid uincuenmesho isash dacuëdcuededequi chochoquido: Adopenshenda uincuenmec, queshun: Abi namequid Nuquin Papa bëdambo iquec, quequin chuibampanëdash. Aden chuibanec: Nuquin Papan ambi: Cun matses nec, caido bëdambuen nashunnuen ambi oncamiaid chomiaid nuquibëd iquec, quec isquido onquecuededpanëdash.

Ducas 7:37

Adec tsadnubi utsibon: Icsambuen nabanquid nec, caidquio chido: Padiseon shubun Esus puduedosh, quesho tantiash choquin danoshquete bëdambo noadquid sedunte postichoquidën icquid bëpanëdash.

Ducas 7:38

Aden bëec choash puduedshun Esus istuidash: Nëid bëdambocquid nec, quequin ambibi tantiec shubiec Esusën taëno tsadbudshun aton bëunën tapascaquin tachucu uapanëdash. Aden tachucu uatanquin aton manëdaidën taucshun tachoccatanquin danoshquete bëdambo noadquidën chidon tanoshcapanëdash.

Ducas 7:40

Adsho ambibi tantiaquin Esusën: Tantiata. Mibi tantiamequin chuinu, Simon, capanëdash. Adoaquien: Ai, en chuiban. Tantianu, quepanëdash Simon.

Uanën dada uaid 4:19

Adsho tantiashumbien chidon: Nuquin Papan oncamiaidien nec, quequin mibi tantiembi.

Uanën dada uaid 7:12

Aden cun matses isadaidbon chuiquidon nibënsho isash dacuëdec cun matses shoshoshquetsëcquiec nadec onquecuededpanëdash: Esus bëdamboshëcquid nec, quenubi utsi utsiec: Ma icsambo icquid neyoc. Nuquin Papan Chomiaid nebi, quequin cun matses muaquin chuiquid nec, quecuededpanëdash.

Uanën dada uaid 9:24

Adoac cun matses isadaidbon chuiquidon padpiden bëshuacbued chomeuashun naden chuiuapanëdash: Nuquin Papan isquin tantianubi abimbo chuita. Esusën bëdanmioshi ¿quecta icco? Esus Nuquin Papan Chiaid niacquid yec icsambocquid nec, quequin tantiembi, quepanëdash.