Ducas 7:37 - El Nuevo Testamento en matsés

³⁷ Adec tsadnubi utsibon: Icsambuen nabanquid nec, caidquio chido: Padiseon shubun Esus puduedosh, quesho tantiash choquin danoshquete bëdambo noadquid sedunte postichoquidën icquid bëpanëdash.

Ducas 7:37 ပူးပေါင်းရင်းမြစ်များ

Mateo 21:31

¿Mitsicquidën aton papan chiacpadombuen naoshe? En chui. Tantianu, caquien Esus chieshënquido: Abia chiac chieshuidbuedën, quesho tantiashumbien Esusën: Adquidpenquien mibitedi nec. Mibitedi tantiatiapimbo yec tabadnubi mimbi: Icsambo iquec, caido Nuquin Papa yacno puduedendac. Chieshuidacbimbuecquid aido nec. Aton matses piucquid bedshundednedo yec piucquid bedec chudadquid chidobo yec quec icbuedi Nuquin Papa tantiabenash aidbëd tabadtequido yanendac. Mibitedien padenquio iquendac.

Ducas 18:13

Aden padiseobon chuibombien aton matses piucquid bedshumënquid puduedash uanno nidtuidshun Nuquin Papa chiec: Icsambocquid nebi, Papa. Adquid nebi, quequin ismec shuebudacchobi abuc isenquio yec shubiec onquec: Icsambuen nabanquid nebique. Umbi icsambuen naid tantienquio yec bëshunta, Papa, queposh, quepanëdash Esus.

Ducas 19:7

Adec puduedsho isash Esus icsambuen chuishunec tsibanquidotedi: Icsambo icquidën shubun Esus puduedosh, quecuededpanëdash.

Ducas 5:30

Aden adquidobëtan Esusën pesho isashien padiseobobëdi Moisesën chiampid tantiamequido: ¿Atotsi queshun piucquid bedshunquidobëtan utsibon: Icsambo icquidombo nec, caidobëtambi min chuiquidbëtan mibitedishun pebededpe? quepanëdash Esusbëd icquido chiec.

Ducas 5:32

Adecbidi: Nuquin Papan bëdambuen isaid nebi, quesho: Mimbi icsambuen naid ënta, quequin chuinuecpenquio chondabi. Padnuembi icsambuen naquido icsho: Mimbi icsambuen naid ënshun Nuquin Papa tantiabenta, quequin chuinuec chondabi, quepanëdash Esus padiseobo chiec.

Ducas 7:34

Adnubini Matsesën Tishaid yec choshon peshun acsho isash: Nua peshun tantiadennuen acte paë uaid acquid nec. Adecbidi icsambuen naquidobëd icquid yec Doma yacnocquidon chuiquidën: Piucquid aidted bedta, quequin chiacpadec bedshumënquidbëd icquid nec, mibitedishun ubi capec.

Ducas 7:36

Adnubien padiseobo abentsëcshun: Ubi yacno pec cho, cac aidbëd nidash shubun puduedash pec tabadte yacno Esus tsadpanëdash.

Uanën dada uaid 11:2

Madia danoshquete bëdambo nuadquidën Esus tachiuinshun aton manëdaidën tauccondaid nepondash.

Uanën dada uaid 9:24

Adoac cun matses isadaidbon chuiquidon padpiden bëshuacbued chomeuashun naden chuiuapanëdash: Nuquin Papan isquin tantianubi abimbo chuita. Esusën bëdanmioshi ¿quecta icco? Esus Nuquin Papan Chiaid niacquid yec icsambocquid nec, quequin tantiembi, quepanëdash.

Uanën dada uaid 9:31

Ambi icsambuen naid ënabi icquidën Abi chiannesho Nuquin Papan tantiashunenquio ictsiash. Abi tantiaquioquin Ambi chiacpadombuen naquidën Abi chiannesho Nuquin Papan nashuntsiash, quequin nuqui tantiec.

Doma 5:8

Padnuen matses abitedimbo icsambuenuidi naic tabadnuc nuquitedi cuidmenquio icnuec Esuquidistu abided cuidadec uënëspanëdash. Nuquin Papan nuquitedi tantiaquiec, matses camenuen aden Esus namepanëdash.

Timoteo 1 1:15

Tantia, mado. Naden chiaid abimbo iquec. Icsambuen nabuedombi abi tantiasho matses cuidmenquio icnuec Esuquidistu chopanëdash, quequin abitedishumbi tantiac bëdambo ictsiash. Utsibon Nuquin Papan Chiaid bëdiactsëc niac niacnubi umbimbo icsambuenshë naquin cumapenen niac niaccondambi.

Timoteo 1 1:9

¿Bëdambuen naquidouidtsëqui chuiquinda Nuquin Papan Moises dada uamepampic? Padenquio. Naden icsambuen naquido chuiquimbien adopampic. Nëidic aton chuiquidën chiaid niac niacquido. Nëidic Nuquin Papan Chiaid niac niacquido. Nëidic Nuquin Papa tantiesabo. Nëidic Nuquin Papabëta abi tantiaquido mamënshunquido. Nëidic amëbi cuessunnequido. Nëidic anibi cuessunnequido. Nëidic utsibo cuessunnequido.

Petedo 1 4:18

Natiamiantequid icnubi chieshtoenquio icquin ambi chiacpadec bëdambuec tabadquido icsho Nuquin Papan abëd tabadmetequid icnuc ¿Ambi Chiaid niacniacquec icsambuec tabadquido bëdiactsëcta natiamepec?