Ducas 7:16 - El Nuevo Testamento en matsés

¹⁶ Aden uënësaid uincuenmesho isash dacuëdcuededequi chochoquido: Adopenshenda uincuenmec, queshun: Abi namequid Nuquin Papa bëdambo iquec, quequin chuibampanëdash. Aden chuibanec: Nuquin Papan ambi: Cun matses nec, caido bëdambuen nashunnuen ambi oncamiaid chomiaid nuquibëd iquec, quec isquido onquecuededpanëdash.

Ducas 7:16 ပူးပေါင်းရင်းမြစ်များ

Mateo 15:31

Bëdanmiac onquenquio icbuedi onquiampondash. Bëshuacbuedëmbi isbempondash. Capuenquio icbuedi capucuempondash. Daicsaidobëd utsibo nënquidotedi adecbidi bëdancuededpondash. Adsho isash tantiadempambo yec tabadec nadpondash: ¿Adquidta ictednec? Nuquin matses isadaidbon tantiaid icquin Nuquin Papan namiac bëdanmequin naic, quiash: Nuquin Papa bëdambo iquec, quecuededpondash Esusën bëdanmesho isquidotedi.

Mateo 21:11

Adsho tantiaquidon: Esusquio tantiec nec. Nuquin nidaid cuëshë Cadidea caidën shubu dadpen icquid Nasaded yacnouësh caniondaid Nuquin Papan oncamiaid Esus tantiec nec, capondash.

Mateo 28:8

chidobo auëshquiobi dacuëdbuedi cuishonquec titinquianec Esusbëd icquido chiec nidannepanëdash.

Mateo 9:8

Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Ducas 1:65

Aden chuibansho tantiash: Dacuëdampamboshë iquec. ¿Atotsi quiash onquenquiocbuedëmbi nëbi onquequin Nuquin Papan naid chuibampec? quecuededpanëdash abëd icquido. Adembidi nidaid cuëshë Udea yacnocquid macuësh yacno tabadquid matsesën Sacadias onquecuenuaid chuibededpanëdash. Aden tantianec aton shubuno nidanneshun ambi isbuedbëtabi ambi tantiabued chuipanëdash.

Ducas 1:68

Cun matses isadaidbon tantiaid Nuquin Papa chuiquin: Mibi bëdamboshë iquec, canuna. Utsin mëyanquin iuaido icsho choshon nuqui mënchiquendac.

Ducas 19:44

Aden icsa uaquin min bacuëbobëtabi naimbudquin mibi cuessun secaindac. Adoshombic cuënote nacnenaidtedi uesquin chic chiquendac. Nuquin Papan Chomiaid chosho tantiesa icsho cuidtequido mibitedi nendac, quepanëdash Esus.

Ducas 2:20

Adquid icnuc Nuquin Papabëd icquidën chuibocpadquiocsho isash aucbidi choash obeca pemequido: Nuquin Papabëd icquidën chuibocpadombuen istuidombi. Aden bacuëbëta abëd icquid ismequid Nuquin Papa bëdamboshë iquec, quequin chiec onquecuededpanëdash.

Ducas 24:19

Adoaquien: ¿Atotsi naid chiec ne? quepanëdash. Adoaquien: Esus Nasaded yacnouësh choquid chiec nebi. Aidi Nuquin Papan oncamiaid icquin nadatiambocquin nabanquin ambi chiaidquio chuibansho Nuquin Papabëtan matses dadpenshun bëdambuen isaid icposh.

Ducas 5:26

Adosho isash tantiadempambo yec dacuëdcuededequi: Adenshenda bëdanmepec, quequin Nuquin Papan naid chiec onquecuededec tabadequi: Aden nadatiambocquin bëdanmesho isenquio icbuedëmbi nëbimbobi ispombi, quecuededpanëdash.

Ducas 5:8

Aden isanec Esus yacno choequi dannëshën sebudec shuebudshun Simon cashumbic Petedo caidën: Icbo, ubëd iquenquio yec nidta. Icsambuen naquid nebique, capanëdash Esus chuiquin.

Ducas 7:15

uëtsëdtoash tsadec uënësacbuedi onquiampanëdash. Adsho isash ani caic: Uënësacbuedi min mado uincuenoshe. Aidbëdi nidec nid, capanëdash Esusën.

Ducas 7:39

Chidon adosho isashien Esus iuedquid ambibi tantiec: Umbi iuedaid Nuquin Papan oncamiaid iquec: Ubi mishquid icsambocquid nec, quequin chido mishmenquio ictiadquidi nec, quepanëdash Simon padiseobo yec.

Ducas 8:37

Aden chiac nidaid cuëshë Quedasa yacnocquido natiambo dacuëdcuededquimbi: Nëmbo iquenquio yec nidec nid, cabededpanëdash chochobuedon Esus chuiquin. Adoac Esus abëd icquidobëd aucbidi budec cano dapa antabëdtoanec nidpanëdash.

Ducas 9:19

Adoaquien: Utsin utsinquien: Uan acten mentoandenned nepanui, mibi caosh. Utsimbic: Edias icpampid nepanui, mibi caosh. Utsimbic: Ëndenquimbo Nuquin Papan oncamiampid uincuenaid nepanui, mibi caosh, quepanëdash abëd icquido.

Uanën dada uaid 1:21

Adshobien: ¿Tsutsimbo ne? ¿Nuquin Papan oncamiampid Ediasta ne? caquien: Padenquio. Aidpenquio nebi, queuapondash. Adshobien padpidembuen: ¿Tsumintsimbo ne? Nuquin Papan oncamiampid utsi choendac ¿campidta ne? caquien: Padenquio. Aidpenquio nebi, queuapondash.

Uanën dada uaid 1:25

Ubi chui, cac: Quidistu caidpenquio nebi. Adecbidi Nuquin Papan oncamiampid Edias caidpenquio nebi. Adecbidi Nuquin Papan oncamiampid choendac, campidpenquio nebi, mibi quioc. ¿Mitsi padquidquio icquin acten mentobanquin nai? capondash.

Uanën dada uaid 4:19

Adsho tantiashumbien chidon: Nuquin Papan oncamiaidien nec, quequin mibi tantiembi.

Uanën dada uaid 6:14

Aden pemiaquien ambi pemiaido: Nadatiambocquin nabanquin Esusën pete dadpenquio icmiosh. Aidi Nuquin Papan ambi oncamiaid bëdamboshëcquid chomendac, campidien nec, quecuededpanëdash Esus tantiamenquio iquec.

Uanën dada uaid 9:17

bëshuacbued chuiuapanëdash. Mibi bëdanmequid icsho: ¿Mitsi paden aid mimbi tantie? caquien: Nuquin Papan oncamiaid nec, quequin tantiembi, capanëdash bëshuacbuedën.

Hechos 5:5

Adsho tantiatanequi Ananias uënësec uebudpanëdash. Adsho isash Esus tantiaquidtedi dacuëdcuededpanëdash.

Hechos 7:37

Aidëmbi naden isadaidbo chuipampic: Iuecquio icshun ubipadquid min madon baban tsiuecquido caidaido abentsëc Nuquin Papan oncamiaidquio iquendac, quequin Moisesën chuipampic.

Cadasia 1:24

Adec ubi icaid tantiash: Nuquin Papa bëdamboshë iquec, quepanëdash Udea yacnocquido.