Ducas 6:49 - El Nuevo Testamento en matsés

⁴⁹ Utsibic umbi chiaid tantiashumbi naisa yec nadquidbimbuec iqueque. Tantia. Chuinu. Shubu uanun shëcuë ëquëduc uëdëshcambobi nitsinaid cunquequid tapa choquidën bëcunnequin badedquio chimeshshunendac. Adoacsho acte mauanquidën buanquin icsa uashunendac, quepanëdash Esus.

Ducas 6:49 ပူးပေါင်းရင်းမြစ်များ

Mateo 23:3

Aden Moisesën dada uampid abimbo chuibanac aidën chiacpaden mimbi nac bëdambo ictsiash. Aden naquin Moisesën chiampid tantiamequidobëtan padiseobon nacpadombuen nainda. Aidon Moisesën chiampid chuibanquimbi ambibi aidën chiaid niac niaquec.

Mateo 24:10

Adoac ubi tantiaquido icbuedombi chieshtoshon ubi tantienquio yanendac. Adshun ubi tantiaquid ompodacsho bedmeshun mëyanmendac. Adec dadpen chieshëmëdendac.

Ducas 12:47

Adembidi aton icbon chiaid tantiaquimbi ambi chiacpaden nabanesa icsho issun: Cumapenen cuesta, cac iuen cuesendac.

Ducas 19:14

Adec aid nidambic abi yacnocquidon aid chieshënquin nadoposh: Aidi ubitedishun chuiquid icmenushe, queshun chuiquid tapabo yacno nidshun: Aid ubitedishun chuiquid icmenda, quequin chuitan, queshun abëd icquido nidmeposh.

Ducas 19:27

Adashic: Ubi chieshënec aton chuiquid tapa ubi icmete bunesabo nëmbo bec cho. Bëshun umbi isnubi abitedi cuessunneta, caposh aton chuiquidën, quepanëdash Esus.

Ducas 6:46

Adoshombic: ¿Atotsi queshun: Cun Icbo mibi nec, quequimbi umbi chiacpadombuen nainquio mibitedishun icpe?

Ducas 6:48

Shubu uaquin bëdambuen tantiaquidënquio shëcuë ëquëducquio uëdëshcashun buintad nitsinquid. Adoaid acte mauanec chëuëdquidën chimeshadenquio iquendac.

Ducas 7:1

Aden iccuededquido chuibanquin ënash shubu dadpen icquid Capednaun yacno Esus nidpanëdash.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Hechos 20:29

Ubi nidan bëdi nëish iuaid ueste bunacbimbuen abimbo chiacbimbuen chuibanquin Esus tantiaquido icsambuen tantiamenuec utsibo choendac.

Hechos 26:11

Nuquin Papan Chiaid chuibante shubu utsi utsiec yacno nidshun aido bedmeshun: Esus Nuquin Papan madopenquio nec, aido camenuen mëyanmepondambi. Adembidi nidaid utsi yacnoshontsen adquid istuidshun mëyanmeuapondambi.

Tesadonica 1 3:5

Umbi istanenquio yac utsin chieshënac ¿adecbidida Tesadonica yacnocquido chieshtoenquio icpatsiashba? quequinuidtsëqui tantiec tsadtiapimbo iquebique. Istan, caondambi Timoteo chuiquin. Ubitedi adometsiash, quequin tantienquio icshobi: Icsamequin tannu, quequid Mayan Icsa Satanasën namiac chieshtoshon Esus tantienquio yanacsho isash abembi chonoadquin chuibanondambi, quequin tantiamane, queshun: ¿Ada umbi chuibanac Esus tantiabenondaido bëdambuec tabadeque? Istan, caondambi Timoteo chuiquin.

Petedo 2 2:20

Nuqui cuidmenquio icquid Nuquin Icbo Esuquidistu tantiabenquin abi icsaid ënuidbuedi padpiden Nuquin Papan Chiaid niacniaquec icsambuen nateuidi bunec icsamboshëcquid yanec udictsëcquio icsaquiendac.

Uan 1 2:19

Esuquidistu chieshënquido nuquibëd iccuededbuedi ënden nidanniac. Adquido yec nuquibëd icte bunenquiocquido nec. Esus tantiaquid iquec nuquibëd cuëshëdenquio ictsenosh. Adsho issun: Nuquibëd iccuededquid abitedi Esus tantiaquid nec, catiapimbo nuqui iquec.