Ducas 6:45 - El Nuevo Testamento en matsés

⁴⁵ Adembidi aton tantiaten bëdambuen tantiaquidën ambi tantiacpadombuen utsi bëdambuen tantiaquin nashumbanendac. Adecbidi ambi tantiacpadec bëdambuec onquec. Adembidi aton tantiaten icsambuen tantiaquidën ambi tantiacpadombuen utsi icsambuen tantiaquin nabanec. Adecbidi ambi icsambuen tantiacpadequi icsambuec onquec, quepanëdash Esus.

Ducas 6:45 ပူးပေါင်းရင်းမြစ်များ

Uanën dada uaid 7:38

Adsho Nuquin Papan chuiquin dada uamiampicpadombuen naindambi. Ubi tantiaquido icsho acte acmiac cuishonquiacbimbuecnuc bëdambo icmendambi, quepondash Esus.

Hechos 5:3

Adnubien Petedon Nuquin Papan Mayan Bëdan tantiamiac naden Ananias chuipanëdash: Mayan Icsa Satanasën tantiamiaid icquin ¿Mitsipaden tantiaquin Nuquin Papan Mayan Bëdan isnubi muaquin abitedi meniacbimbuen ubi musuc menequin nai?

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Epeso 4:29

Esus tantiaquido yec icsambuen chiec onquenda. Utsibo bëdambo icmenu, quequin tantiec bëdambuen chiec onqueta: Ma Nuquin Papan aidtsen bëdambo icmepanu, quiash.

Epeso 5:19

Adec icsambuen nate bunenquio icquin Esuquidistu tantiaquid utsibobëtan Nuquin Papan Chiaid chuiquinc, chuiquid tapa Dabidën dada uampid cuëdënte utsi utsien chuiquinc, cuëdënte utsi chuiquinc cain chiec cuëdëndenneta. Adec cuëdënquin cuishonquequin Nuquin Icbon naid chuidenneta.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Codosas 4:6

Aden chuibanec mibi bëdambuec onquesho tantiash: ¿Mitsicquid mimbi tantiaid icpec? quetsiash tantiesa. Adsho tantiashun Esuquidistu mimbi tantiaid bëdambuen chuiquin tantiameta, ma aidon bëdambuen tantiapanu, queshun.

Ebedeo 8:10

Nadembidi Nuquin Papan chuipampic: Aden umbi isadaidbo nianondaid tantiaquin naden chiaid chuca aido chiendambi. Umbi: Naden nata, quequin chiaid chuca isadaidbo bëshunenquiocnoc tantiamendambi. Adoac umbi chiacpadombuen nate bunquiendac. Aden tantiamiash aidon: Cun Icbo, quequin cuënaid iquendabi. Adecbidi aido cun matsesquio iquendac.

Udas 1:15

matses abitedi icsambocquido icquin icsambuenuidi naic tabadsho cuidnuec Nuquin Icbo choendac. Abi oncaquin icsambuen chuishunquidobëta Ambi Chiaid niac niacquido cuidnuec choendac, quequin Enoquën chuipampic.