Ducas 6:35 - El Nuevo Testamento en matsés

³⁵ Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Ducas 6:35 ပူးပေါင်းရင်းမြစ်များ

Mateo 5:9

Aton matses chieshënnansho isash: Padi. Bëdambuequien tabadtiad, quequid Nuquin Papan bëdambo icmequin dada cun mado caquimbi chido cun champi caindac.

Madcos 5:7

Adsho issun aid dapuduedaid chuiquin Esusën: Dapuduen, caqui podobitsi icsa cumapenec cuëdec: ¿Atotsi ubi canuec ne? Mimbi namiaidpenquio nebi. Esus, nadatiambocquid Nuquin Papan Madombo icquin ubi cumapenquien mëyanenda, quepanëdash podobitsi icsa dapuduedaid Esus chiec.

Ducas 1:32

Mimbi tishaid chuiquid tapa iquendac. Aden mimbi tishaid issun: Nuquin Papa Nadatiambocquidën Madombo nec, cabededendac. Tsusedpa Dabid chuiquid tapa Nuquin Papan icmiampicpadombuembidi chuiquid tapa aid icmeuaindac.

Ducas 6:36

Nuquin Papan matses abitedi tantiaquin uënësquiocquin nashundedniacpadombuembidi matses abitedi tantiaquin uënësquiocquin nashundedneta, quepanëdash Esus.

Uanën dada uaid 13:35

Ubi tantiaquido yec mibitedi tantianansho issun: Adec tantiananquidombo Esusbëd icquido nec, quequin utsibon tantiatsiash, quepondash Esus.

Uanën dada uaid 15:8

Adoac: Nuquin Papa bëdamboshë iquec, mimbi caindac. Adembidi ubi tantiaquid utsibo dadpen yanmesho: Ai, ubi tantiaquidquio nec, mibitedi caindambi.

Hechos 14:17

Aden nainda, cainquio icquimbi: Abitedishun Icbo icquin bëdambocquid nebi, quequin ismequin ue secamedednequinc, cute bacuëmequinc, nuqui penun tiedën nitsindenniaid canimequinc cain Nuquin Papan bëdambuen naid nuquitedi pebededec. Aden nabanquin Nuquin Papan bëdambo icmiaido nuquitedi nec, quepanëdash Pabadobëd Bednabe.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Timoteo 2 3:2

Nadquido iquendac. Nëidic utsi tantiatiapimbo yec abiuidtsëqui datantiadquido. Nëidic piucquid bedte cumapenec bunquidombo. Nëidic: Is. Umbimbo naiduidi bëdambo iqueque, quequido. Nëidic: Bëdambuec isadquid nebique. Is, quequido. Nëidic Nuquin Papa chieshënec icsambuen chuishunquido. Nëidic amëbëtan anin chiaid niac niacquido. Nëidic utsibon nashunaqui: Mimbi bëdambuen naoc, quenquiocquido. Nëidic Nuquin Papa tantiesa yec: Nuquin Papa bëdambo iquec, quesabo.