Ducas 6:28 - El Nuevo Testamento en matsés

²⁸ Adembidi mibi icsambuen chuishunquid bëdambuen chuita. Adembidi: Ubi icsambuen chuishunquido bëdambuen ista, papa, quequin Nuquin Papa chianneta.

Ducas 6:28 ပူးပေါင်းရင်းမြစ်များ

Mateo 5:44

Aden chiaid icnubi utsi mibitedi chuinu. Tantia. Mibi chieshënquidobi bëdambuen tantiaquin nashumbanta. Chieshënaqui: Ubi chieshënquid bëdambuen ista, Papa, quequin Nuquin Papa chianneta.

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Ducas 6:27

Aden chiashic Esus: Tantia. Umbi chiaid tantiaquid icsho mibitedi chuinu. Mibi chieshënquidobi tantiaquin bëdambuen nashunta.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Hechos 14:5

Aden chuisho tantiash: Bednabebëta Pabado bedtanquin mëyanshun cuënoten sesequin cuessunnenuna, quec nëidted onquepanëdash. Nëidic Esus tantiesabo isadaidbon chuiquido. Utsibic isadaidbopembo. Nëidic ambocquidon chuiquido. Aidtedi adec onquecuededpanëdash.

Hechos 7:60

dannëshën sebudash cumapenec cuëdec: Ubi sesequin icsambuen naid tantienquio yec bëshunta, Icbo, quepanëdash. Aden chianec Esteban uënëspanëdash.

Doma 12:14

Utsibon chieshënaqui aidobëd chieshënnanenquio icta. Adenquio icquin: Chieshënmënquido bëdambuen isquin tantiameta, papa, quequin Nuquin Papa chuita.

Codinto 1 4:12

Cuna bednuec cun mëdanten nabanec uinmabudec chonoadquido nebi. Chieshëmënquidon: Icsambocquido nec, quequin icsambuen chuishunaqui aido cuidenquio icquin bëdambo icmequin chuibanquido nebi. Utsibon natiamequin mëyanaqui chieshtoenquio icquido nebi.

Santiaco 3:10

Adembidi nuquin ananshun utsi bëdambuen chuishumbic utsi icsambuen chuishunuaic. Cun utsibo, nuquitedi aden chiec onquenquien ictiad.

Petedo 1 3:9

Chieshënac cuidnanec chieshënnanenda. Chieshënquin icsambuen chuishunac cuidnanec icsambuec chuishunnanenda. Adenquio icquin aido bëdambuen ista. Umbi bëdambuen isaidon ma aton matses bëdambuen isnu, queshun Nuquin Papan abi tantiaquido mibi icmiaque. Bëdambuec tabadta.