Ducas 6:15 - El Nuevo Testamento en matsés

¹⁵ Nëidic Debi cashumbic Mateo cuënaid. Nëidic Tomas. Nëidic Santiaco Adpeon mado. Nëidic Simon isadaidpembo Doma yacnocquido cuenmete bunquid.

Ducas 6:15 ပူးပေါင်းရင်းမြစ်များ

Mateo 9:9

Adnubini cun matses piucquid bedshumbanec podquied cuëman shubumpi tsadquidën tsadpondac. Cun matses iuaquid nidaid Doma yacnocquidon chuiquid tapanquio: Umbi chiactedi piucquid bedshumbanta, cac niondabi. Ambo tsadshobini Esus choquin istuidquin: Nuquibi icnu. Cho, capondash. Adoac badedi tsibananec

Madcos 2:14

Aden chuibanec nidquimbi Debi caid Adpeon mado piucquid bedshumbante shubumpi yacno tsadsho istuidpanëdash. Cun matses isadaidbo iuaquid nidaid Doma yacnocquidon chuiquid tapan chiacpadombuen piucquid bedshumbanec tsadpanëdash. Ambo tsadsho istuidshumbien: Ubëd iquec cho, Esusën cac: Ai, quianec badedi Esus tsibananec Debi nidpanëdash.

Madcos 3:18

Nëidic Andedes. Nëidic Uedipe. Nëidic Badtodome. Nëidic Debi cashumbic Mateo cuënaid. Nëidic Tomas. Nëidic Adpeon mado Santiaco. Nëidic Tadeo. Nëidic Simon cananebo caid.

Ducas 5:27

Adanec nidquimbi Debi cuëmëdquid Esusën istuidpanëdash. Aidi aton matses iuaquid nidaid Doma yacnocquidon chuiquid tapan chiacpadombuen piucquid bedshumbanec tsadpanëdash. Adec tsadsho istuidshumbien: Ubëd iquec cho, Esusën cac

Ducas 6:14

Aido nëidted icpanëdash. Nëidic Simon cashumbic Petedo cuënaid. Nëidic Petedon utsi Andedes. Nëidic Santiaco. Nëidic Uan. Nëidic Uedipe. Nëidic Badtodome.

Ducas 6:16

Nëidic Udas Santiaco utsin mado. Nëidic Udas Iscadiote iuecshun abi chieshënquido Esus bedmetequid. Aidtedi Esusën: Ubi chuibenneta, caido icpanëdash.

Uanën dada uaid 11:16

caquien: Ai, aidbëdquiobi uënësec nidnunid, quepondash Tomas anin abi uëshëmbi daëdpambo tishaid. Adanec abitedi nidpondash.

Uanën dada uaid 20:24

Adtanec Esus isadenquio yambon Esusbëd icbued utsi Tomas abi uëshëmbi anin daëd tishnëdaid chopondash.

Hechos 1:13

Aido Edusaden yacno choash shubu abuc quënë icquidën abi tabadbocno dectatoash tabaduapanëdash. Aid quënë nuntan Esusën: Ubi chuibenneta, caido nëidtedi icpanëdash. Nëidic Petedo. Utsibic Uan. Utsibic Santiaco. Utsibic Andedes. Utsibic Uedipe. Utsibic Tomas. Utsibic Badtodome. Utsibic Mateo. Utsibic Adpeon mado Santiaco cuëmëdquid. Utsibic aton matses isadaidbo iuaquido chuiquid bunesa Simon cuëmëdquid. Utsibic Santiaco utsin mado Udas cuëmëdquid.

Hechos 15:13

Aid daëdshun chuibanquin nainan Esusën utsi Santiaco Esus tantiaquidon chuiquid tapambo yec nadpanëdash: Umbitsen chuinu. Tantia, cun utsibo.

Cadasia 1:19

Ambobi Nuquin Icbo Esusën utsi Santiacotsen isondambi. Esusbëd icnëdaid utsibo isambo iccondambi. Aid daëdtsëqui isondambi.

Cadasia 2:9

Aid chuiquid tapabo Santiaco yec Petedo yec Uan yec quec icpondash. Aido: Isadaidpembo Esusën naid mimbi chuibennenubi adembidi isadaidbombo chuibennendambi, quepondash. Adshumbic: Ubipadquid yec mibitsen Esus chuibennequid nec, queshun chuiquid tapabon ubëd icquid Bednabebëta mëdimpondashi.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.