Ducas 6:13 - El Nuevo Testamento en matsés

¹³ Badiadshun abi tsibanquidotedi chomeshun: Nëido ubëd icquidombo nec, quequin 12tedtsëqui chuipanëdash. Adoshon: Ubi chuibenneta, caido nec, quequin cuëmpanëdash.

Ducas 6:13 ပူးပေါင်းရင်းမြစ်များ

Mateo 10:2

Nëidtedi ambi: Ubi chuibenneta, caido icpondash. Nëidic Simon cashumbic Petedo cuënaid. Nëidic aton utsi Andedes. Nëidic Sebedeon mado Santiacobëd Uan.

Mateo 19:28

Adoaquien Esusën: Tantia. Mibi abimbo chuinu. Nuquin Papan ambi uaid abitedi chuca uacnouëshquio Matsesën Tishaid yequi chuiquid tapan tsadte dapa bëdamboshëcquidën tsadquin umbi abitedi namiacnouëshquio ubëd icquido icsho issun Nuquin Papan mibitedi matses namequid icmendac. Abuc tsadte dapa 12ted icquidën tsadquin mibitedishun namendac. Nuquin tsusedpa Acobon mado 12tedi icpampic. Aidtedshun tsiuecquidon tsiuecquidonquien isadaidbo chuiquid tapabo 12tedquiobidi mibitedi iquendac.

Mateo 9:36

Abi tantiesabo dadpen chochosho isash uënësquio icnuc shubiantiadtsëcquio icpondash Esus. Abi dayun uaquid nibëdnuc nëish iua obeca icsambuec tabadacbimbuec icsambuec tabadec. Nuquin Papa bëdambuen ismete chiabi icac tantienquio yec bëdambuec tabadtiapimbo iquec, quiash shubiantiadtsëcquio icpondash Esus.

Madcos 6:30

Adoambic Esusën: Ubi chuibenneta, caido ambi nidmebuedo padpidec Esus yacno chochouashun ambi nabanaidbëtabi ambi chuibanaid chuituidpanëdash.

Madcos 6:7

Aden chuibenneshumbi abëd icquido 12ted: Cho, catanquin Esusën chuipanëdash: Nëbi mibitedi nidmembique. Daëd daëdquiec nidanneshun chuibennequimbi umbi nabocpadombuembidi podobitsi icsa dapuduedaid icsho umbi namiac mimbi dapuduenmendac.

Ducas 11:49

Adquid icnuc ëndenquimbo abitedimbo tantiaquidquio icquin Nuquin Papan naden chuipampic: Umbi oncamiaidobëta umbi: Chuibennetan, quequin nidmiaido icsho utsi utsien mëyanquimbi utsi utsien cuessunnendac, quequin chuipampic.

Ducas 22:30

Aden isadaidbo chuiquido icmiac ubëd icquin ubëtambi peshun aquec mibitedi tabadendac. Chuiquid icquin abuc tsadte icquidën tsadquin Acobon mado 12 ted icpampidën tsiuecquidon tsiuecquidonquien mibitedi namequid iquendac, quepanëdash Esus abëd icquido chiec.

Ducas 6:14

Aido nëidted icpanëdash. Nëidic Simon cashumbic Petedo cuënaid. Nëidic Petedon utsi Andedes. Nëidic Santiaco. Nëidic Uan. Nëidic Uedipe. Nëidic Badtodome.

Uanën dada uaid 4:33

Adsho tantiashini ubitedi petembo danec: ¿Utsibon pete meneuanacta nepec? quecuededpondabi.

Hechos 1:13

Aido Edusaden yacno choash shubu abuc quënë icquidën abi tabadbocno dectatoash tabaduapanëdash. Aid quënë nuntan Esusën: Ubi chuibenneta, caido nëidtedi icpanëdash. Nëidic Petedo. Utsibic Uan. Utsibic Santiaco. Utsibic Andedes. Utsibic Uedipe. Utsibic Tomas. Utsibic Badtodome. Utsibic Mateo. Utsibic Adpeon mado Santiaco cuëmëdquid. Utsibic aton matses isadaidbo iuaquido chuiquid bunesa Simon cuëmëdquid. Utsibic Santiaco utsin mado Udas cuëmëdquid.

Epeso 2:20

Mibitedi Esus tantiaquido yec shububimbuecquido nec. Adquido icsho Esuquidistun: Ubi chuibenneta, caidobëtan Nuquin Papan oncamiampidon chuiquin dada uaid shubu uanun nacnenquin nitsinacbimbuen chuibansho tantiaquido nec. Aid shubun buintad bëdambocquid nitsinaid nidquidbimbuecquid Esuquidistu nec.

Epeso 4:11

Adoac aidënquiobi abi tantiaquido utsi utsien nadquidtedi icmebanec. Nëidic Esuquidistu chuibennequido. Utsibic: Nuquin Papan oncamiaido. Utsibic Chiaid Bëda Esusën naid chuibennequido. Utsibic Esus tantiec iccuededquido chuibanta, caido. Utsibic abëd iccuededquido tantiamequin chuibanquido.

Ebedeo 3:1

Cun utsibo, Nuquin Papan: Cun matses nec, queshun ambi tantiacpadombuen Esus tantiamiaido mibitedi nec. Adoaido icquin Esuquidistu tantiaquionona. Nuquin Papan: Ubi chuibenneta, caid Esus nec. Adecbidi matses Nuquin Papa bëdambuen ismenuen nëish iua cuessunneshun pichicaquidon chuiquid tapabimbuecquid Esus nec, queshun aidquio tantiaquionona.

Petedo 2 3:2

Ëndenquimbo Esus chote chuiquin Nuquin Papan oncamiaidon dada uampid ¿Ada tantie? Adombuembidi nuqui cuidmenquio icquidën Nuquin Icbo Esusën chuibampondash. Aidën chiondaid abëd iccondaidëntsen mibitedi chuinëdash. Aidën chuibanondaidquio tantiata.

Esusën Uan ismiaid 12:1

Adoshombic abuc ismiantequid utsitsen dacuëdampambocquid ismeuaposhi. Adoac chido uëshë dasiuidacbimbuec bëchamauanquiecsho ispombi. Inchëshën uëshë tincash tsadposh. Uispa 12ted tabëcquin nacnenaid mauete maueposh.

Esusën Uan ismiaid 18:20

Mibi abuc tabadquidotedi: Shubu dadpen icquid cuidquin nëdëncaquin nibëdanmequiosh, quec cuishonqueta. Adecbidi Nuquin Papa tantiaquido yec cuishonqueta. Adecbidi Esusën: Ubi chuibenneta, caido yec cuishonqueta. Adecbidi Nuquin Papan oncamiaido yec cuishonqueta. Mibi chieshënquin natiamiacpadombuen mibi chieshënquido Nuquin Papan ambi chiacpadombuen naquin uesquin cuidquioshe, queposh abucuësh onquec.

Esusën Uan ismiaid 21:14

Aid shubu daquënë uadonon sandoaid nidaid cuënote nuamboshëcquid 12ted icnuc sandobanaidën Obecabimbuecquidën: Ubi chuibenneta, caido 12ted icquidon cuëmëdquid cuëmëdquidquien aid cuënoten dada uabampaccosh.