Ducas 5:17 - El Nuevo Testamento en matsés

¹⁷ Adashic uëshë utsimbi Esusën Nuquin Papan chiaid chuibannuc padiseobobëdi Moisesën chiampid tantiamequid dadpen ambo tabadpanëdash. Aido utsi utsiec nidaid Cadidea yacnouësh chochoquido icnubi utsi utsiec nidaid Udea yacnouësh chochoquid icnubi utsi utsiec shubu dadpen icquid Edusaden yacnouësh chochopanëdash. Adec chochoash tabadnubien Nuquin Papan nadatiambocquin naquid icmiac matses daicsaidobëta nënquido bëdanmequid Esus icpanëdash.

Ducas 5:17 ပူးပေါင်းရင်းမြစ်များ

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Mateo 15:1

Adnubien Moisesën chiampid tantiamequidobëd padiseobo shubu dadpen icquid Edusaden yacnouësh chochoshon naden Esus chuimepondash:

Madcos 1:45

Adsho tantiaboshombi niacbidanquin: Esusën bëdanmioshi, quequin abitedi chuibennepanëdash. Aden chiac Esus yacno matses dadpen chochopanëdash. Adec chochosho isash: Shubu dadpen icquid yacno tabadtiapimbo iquebi, quianec shubu nibëdacno Esus abëd icquidobëd nidpanëdash. Adnubien Esus nibënec nidaid utsi utsiec yacnouësh matses dadpen chochopanëdash.

Madcos 16:18

Adembidi nisin piaqui bidisquenquio iquendac. Adembidi: Uënësmenu, quequin dauë icsa acmiaqui uënësenquio iquendac. Adembidi nënec uënëstiadtsëcquio icquid icsho mishac bëdanendac, quepanëdash Esus.

Madcos 3:22

Adecbidi Moisesën chiampid tantiamequido Edusaden yacnouësh choshon Esusën podobitsi icsa dapuduedaid dapuduenmesho isbuedo nadec onquepanëdash: Podobitsi icsan icbo Bedsebu caidën namiaid icquimbien Esusën podobitsi icsa dapuduenmequin nachitec, quepanëdash.

Madcos 5:30

Adec chido bëdannubien: Umbi nadatiambocquin nac bëdanosh, quequin tantiec amibidi bidiadquin isec Esus: ¿Tsuntsin cun dashcute mishosh? quepanëdash.

Madcos 7:1

Adnubien Edusaden yacnouësh padiseobobëdi Moisesën chiampid tantiamequido Esus yacno chochopanëdash.

Ducas 15:2

Adsho isash padiseobobëd Moisesën chiampid tantiamequido Esus tantiamenquio yec chushquec: Abi datsidadquido icsambocquido icsho cacunmenquio icquin aidobëtambi peshun Esusën aquec, quec cuëdcuededpanëdash.

Ducas 2:46

Adec choshon daëdec ushquin nibënshun Nuquin Papa tabadte shubu dapa daquënë uaidën puduedshun Esus tsadsho istuidpanëdash. Ambo tsadquin Moisesën chiampid tantiamequidon chuisho tantiashun bëdambuen chuimesho Esus istuidpanëdash.

Ducas 5:21

Aden chuisho tantiash padiseobobëd Moisesën chiampid tantiamequido ambibi tantiacpadec onquec: Nuquin Papanuidtsëqui chuitequidquio chuibanquin Nuquin Papa icsambuen chuishunquid yec ¿tsutsi nepec? Nuquin Papa abentsëcquiobien icsambuen naidtedi tantienquio yec bëshunquid nec, quecuededpanëdash.

Ducas 5:30

Aden adquidobëtan Esusën pesho isashien padiseobobëdi Moisesën chiampid tantiamequido: ¿Atotsi queshun piucquid bedshunquidobëtan utsibon: Icsambo icquidombo nec, caidobëtambi min chuiquidbëtan mibitedishun pebededpe? quepanëdash Esusbëd icquido chiec.

Ducas 6:19

Adosho issun: Nadatiambocquid Esus neque. Mishe bëdantsiabi, queshun mishequi abitedi bëdancuededpanëdash.

Ducas 7:30

Aden aidon mentomenubi Nuquin Papan namiaid icte bunenquio icquin padiseobobëtan Moisesën chiampid tantiamequidon Uan acten mentomenquio icpanëdash.

Ducas 8:46

Adoaquien: Matses abentsëcshun ubi mishosh. Umbi nadatiambocquin nabued iquec, quepanëdash Esus.

Uanën dada uaid 3:10

Adoaquien Esusën: Isadaidbo Nuquin Papan Chiaid tantiamequin ¿chuibanquid icquimbida tantienquio ique?

Uanën dada uaid 3:21

Nuquin Papan chiacpadec tabadquidombien ubi chieshënenquio iquendac. Adquidon Nuquin Papan namiacpadec bëdambuec tabadquin ismiac: Ma utsibon umbi bëdambuen naid tantiapanu, quiash ubi tantiate bunendac, quepanëdash Esus.

Hechos 19:11

Nuquin Papan namiac Pabadon nadatiambocquin dadpen nabampanëdash.

Hechos 4:30

Icsaisa icquin Esusën nadatiambocquin nabanquin nënquidotedi bëdanmiondacpaden aid tantiaquid icsho ubitsen nadatiambocquin name Papa, quepanëdash Esus tantiaquido Nuquin Papa chuibededec.

Hechos 5:34

Adnubien isadaidbo utsi padiseobo Nuquin Papan Moises dada uamiampid chuibanquin tantiamequid utsibon bëdambuen isaid icquin Camadied cuëmëdquidën: Chiata. Nuquiuidtsëqui onquenun Esus chuibennequidotedi umanuc buantan, cac