Ducas 5:11 - El Nuevo Testamento en matsés

¹¹ Aden chiaquien aton cano acte cuëman nëshquin atonatedi nianec: Esusën chiacpaden nanuna, quianec abëtan nuëcquid bedbuedobëtan Petedon Esus nidsho tsibanampanëdash.

Ducas 5:11 ပူးပေါင်းရင်းမြစ်များ

Mateo 10:37

Padnubic aton papa tantiaquinc aton tita tantiaquinc cain aidën chiacpadombuenuidtsëqui naquidën umbi chiacpadombuen natiapimbo ictsiash. Adembidi aton mado tantiaquinc aton champi tantiaquinc caquin aid bëdambo icmeteuidtsëqui bunquin umbi chiacpadombuen natiapimbo ictsiash. Adquido ubi tantiaquidpenquio nendac.

Mateo 19:27

Adsho tantiashumbien Petedon: Mimbi: Nuquibi icnu. Cho, cac ubitedishumbi cuna abitedi nianec mibëd icnuec chopondabi. ¿Atotsi bëdambocquid ubitedi menepatsiash? capondash.

Mateo 19:29

Utsibontsen ubi tantiaquiendac. Aden tantiaquin aton shubu nianquinc abëta tishaid aton utsibo nianquinc aton tita nianquinc aton papa nianquinc aton bacuëbo nianquinc aton tied nianquinc cain ubi tantiaquin umbi chiacpadombuen naquid iquendac. Adoquid icsho ambi nianaidtedi dëniacquin dadpenquioshë Nuquin Papan icmeshunendac. Adembidi abëdi ënëdenquio yec tabadtequid icmendac.

Mateo 4:20

Adoaquien aton nëshaid nianec nidquin Esus tsibanampanëdash.

Mateo 4:22

aton papabëta cano dapa nianec nidquin Esus tsibanampanëdash.

Madcos 10:21

Aden chuisho tantiashun bëisquin: Aid tantiembi, quequin ambibi tantiec Esus nadpanëdash: Utsi mimbi padabi iqueque. Tantia. Chuinu. Mimbi dayun uaidtedi uesquin menequin piucquid bedta. Aden bedshumbic piucquid nibëdquido mitsana uesquin menebanta. Adosho issun abuc abëd tabadmenun Nuquin Papan mibi bëdamboshëcquid menetsiash. Adota. Adotanec ubëd iquec cho, capanëdash Esusën.

Ducas 5:28

atonatedi nianec badedi Esus tsibananec Debi nidpanëdash.