Ducas 5:10 - El Nuevo Testamento en matsés

¹⁰ Adecbidi Santiacobëd Uan tantiadempambo yec tabaduapanëdash. Aid daëdi Sebedeon mado yec Simombëd icquid nepanëdash. Adec Simon shuebudash onquesho tantiatanec Esus nadpanëdash: Dacuëdenda. Mimbi nuëcquid bedbocpadombuembidi nëbi bedanquin ubi tantiaquid icmenuen nidaid utsi utsiec yacno capuquin mimbi matses chuiben chuibenendac, quepanëdash Esus Simon Petedo caic.

Ducas 5:10 ပူးပေါင်းရင်းမြစ်များ

Mateo 13:47

Adshumbic Esusën Nuquin Papan namete padpiden chuiuaquin utsi chiacbimbuen chuiuapondash. Tantia. Mibi chuinu. Nuëcquid bedshun nibedacbimbuen naindambi. Matsesën nuëcquid bednuen aton nëshaid tapa acte dapa mad caid nëneshun nuëcquid utsi utsien bedquid.

Mateo 14:27

Adnubien Esus: Ubi neque. Dacuëdenda, quepondash.

Mateo 20:20

Adnubien Sebedeon chido Uanën titan Esus chuituidpondash. Aton mado Uambëta Santiaco bëshun ismequin dannëshën sebudtanquin naden chuipondash: ¿Ada umbi chiacpaden ubi nashuntsia? Icbo, caquien:

Mateo 4:19

Adshumbien Esusën: Nuquibi icnu. Cho. Penuen nuëcquid bedquid icbuedi nëbi matses ubi tantiaquid icmenuen ubi chuibanquid mibi icmenu, capanëdash.

Mateo 4:21

Udictsëc nidquin isaquien dada daëd cano antabëdpec. Aidi Santiacobëd aton utsi Uan nepanëdash. Aton papa Sebedeo caidbëdi cano antabëdquin nuëcquid bednun aton nëshaid tapa nacnempanëdash. Adosho istuidshumbien Esusën: Nuquibi icnu. Cho, caquien

Madcos 1:17

Aden istuidshumbien: Nuquibi icnu. Cho. Nuëcquid bedquid icbuedi nuëcquid mimbi bedbocpadombuembidi nëbi umbi namiaid icquin matses chuibanquid mibi icmenu, capanëdash Esusën.

Ducas 5:7

Adsho issun abëtan nuëcquid bedquid cano utsin uanno nuadsho cuënquin: Cadoec cho, cac aido choshon cano cubu cubuctsëcquiocnoc nuëcquid sandoac aid cano daëdi mentoadtiadtsëcquio icpanëdash.

Ducas 5:9

Abëd icquidobëtan nuëcquid dadpen ambi bedbued isash tantiadempambo icquin: Esus nadatiambocquid nec, quequin tantienquio yec adpanëdash Simon.

Ducas 6:14

Aido nëidted icpanëdash. Nëidic Simon cashumbic Petedo cuënaid. Nëidic Petedon utsi Andedes. Nëidic Santiaco. Nëidic Uan. Nëidic Uedipe. Nëidic Badtodome.

Uanën dada uaid 21:2

Esus uincuenash isadbon cun nidaid Cadidea caid yacno nidannepondabi. Nidanniash nëidtedi tabadpondabi. Nëidic Simon Petedo. Nëidic Tomas anin abi uëshëmbi daëd tishaid. Nëidic shubu dadpen icquid Cana yacnocquid Natanaed. Nëidic Sebedeon mado ubëta tishaid cun utsi Santiaco. Nëidic ubi. Nëidic Esusbëd icbued utsi daëd. Aidted icpondabi.

Hechos 2:4

Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.

Codinto 2 8:23

Mibi nashunquin ubëtambi Esuquidistu chuibanquid Tito nec. Aidbëdi Esuquidistu tantiaquid utsi daëd nidec. Aidi nëshunquio Esuquidistu tantiaquidon: Nidta, cabuedo Titobëd nidec.

Timoteo 2 2:26

Aden Nuquin Papan Ambi Chiaidquio tantiamiac Esus tantienquio icbuedëmbi Esus tantiabenshun abi iuaquid Mayan Icsa Satanasën icsambuen namiacpadombuen nabuedëmbi ënendac.