Ducas 4:23 - El Nuevo Testamento en matsés

²³ Adoaquien: Bëdanmequid iquec abibi daicsambo yanash bëdanmiadacsho isash: Bëdanmequidquio nec, quequin chiampid mibitedishun tantiapec. Umbi Capednaun yacnoshon nabambued tantiashun: Nëshunquiotsen adombuembidi nabantsiash, ¿quequinda mibitedishun tantie?

Ducas 4:23 ပူးပေါင်းရင်းမြစ်များ

Mateo 13:54

abi caninëdacno shubu dadpen icquid Nasaded yacno Esus nidpondash. Ambo nidshumbic Nuquin Papan Chiaid chuibante shubun puduedshun Esusën chuibampondash. Aden chuibansho tantiashien tantiadempambo yec tabadec: ¿Mitsishunquio adombuen cumapenen tantiabempash nepeba? ¿Mitsipadquiec nadatiambocquin nabanquid yampash?

Mateo 4:13

Nidashic shubu dadpen icquid Nasaded yacno tabadanec nidequi chian dapa cuëman shubu dadpen icquid Capednaun yacno nidash ambotsen tabaduapanëdash. Aid nidaid Netadi capampic. Aid anoentsëqui icquid nidaid utsi Sabudon capampic.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Madcos 6:1

Auëshquio puduanec nidequi abi caninëdacno shubu daëdpactsëcquid Nasaded yacno Esus abëd icquidobëd nidpanëdash.

Ducas 2:39

Adashic Nuquin Papan: Naden nata, quequin Moises chiampicpaden nainash aucbidi nidec Osebëd Madia nidaid cuëshë Cadidea caid yacno niduash shubu dadpen icquid Nasaded yacno abi tabadbocno chopanëdash.

Ducas 2:51

Adshun: Nidnu nid, mado, cac cacuidenquio yec Nasaded yacno chouapanëdash. Ambo icquin aton titabëtan Osen chiacpaden Esusën nadednepanëdash. Aden nasho issun aton titan ambi isbuedbëta ambi tantiabued bëshunenquio icquin tantiadednepanëdash.

Ducas 4:16

Adashic abi caninëdacno shubu daëdpactsëcquid Nasaded yacno Esus niduapanëdash. Ambo nidash chonoadtemaid uëshën Nuquin Papan Chiaid chuibante shubu yacno abi puduedtedniacpadequi puduedash Nuquin Papan Chiaid isec onquenush nidtopanëdash.

Ducas 4:31

Adashic nidaid cuëshë Cadidea yacno nidec shubu dadpen icquid Capednaun yacno Esus chopanëdash. Ambo choshon chonoadtemaid uëshën uëshënquien Nuquin Papan Chiaid chuibante shubun puduedshun chuibampanëdash.

Ducas 4:35

Esusën: Cuëdenquio yec ënëdta. Adash dapuduen, cac abi dapuduedaid podobitsi icsan bëcunniac nidaidën uebudsho isec tabadcuedednubi aid icsa uainquio yec dapuduempanëdash.

Ducas 6:42

Bëctsiadaid bëchish nua bëuequid nebi, quequin tantienquio icquin utsi bëctsiadaid pistsëcquid icshobi ¿Mitsipaden mimbi aid bedshunnuen ispe? Bëdambocquid danmianquido mibi neque. Mibi nua bëuequidba chicshun mimbi min utsi bëctsiadaid pistsëcquid bedshuntsiac.

Uanën dada uaid 4:28

Adnubi aton tëchu nianec chido nidpondash aton matses naden chiec:

Codinto 2 5:16

Aden Esus tantiabenash tantiesabo onquiacpadec onquenquio nuqui iquec. Ënden Esus caic: Matsesi nec, quequin icsambuen chiec onquiondaidi nëbi: Nuquin Papan Madombo nec, quequin nuqui tantiec.