Ducas 3:8 - El Nuevo Testamento en matsés

⁸ Mentomete bunec Nuquin Papan Chiaid niac niacbuedi ënash Nuquin Papa tantiec bëdambuec tabadta. Ubipadquid Abadauanën tsiuecquidouidtsëqui icsho Nuquin Papan bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënote dadpen icquidi matses uashun Nuquin Papan Abadauanën bacuëbopadquid icmetsiashe. Nuquin Papambo tantiata, quepanëdash.

Ducas 3:8 ပူးပေါင်းရင်းမြစ်များ

Mateo 21:43

Aden ambi Chomiaid chieshënsho isash mibitedi caic Nuquin Papa nadpec: Umbi cun matses caid isadaidbo ubi bëdambuen tantiametiadquidi chuiquid tapabon namenquio icsho issun matses utsibo: Ubi chuibanquid icta, caindambi, quendac Nuquin Papa. Aden ambi tantiamiaidën bëdambuen chuibanac abi tantiaquido dadpen yanendac.

Mateo 3:8

Mentomete bunec Nuquin Papan Chiaid niac niacbuedi ënash Aid tantiec bëdambuec tabadta.

Mateo 3:9

Ubipadquid Abadauanën tsiuecquidouidtsëqui icsho Nuquin Papan ubi bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënotebi matses uashun Nuquin Papan Abadauampadquid icmetsiashe. Nuquin Papambo tantiata, quepanëdash Uan.

Ducas 13:25

Adquid icnuc shubu Icbon shëcuë bëtashan umanuc tabadquin shubu icbo chuiquin: Ubi puduedme, quequin cumapenen cuëmbededendac. Adoaquien: Umbi isacmaido mibitedi nec, caindac.

Ducas 13:26

Adoac: Mibëtambi peshun acbededombi. Ubi yacnoshon tantiamequin mimbi chuibansho tantiombi, quequin mibitedishun chiendac.

Ducas 19:40

Adoaquien: Umbi naid chiec aidtedi cuëdcuededenquio yec ënëdnuc cuënotebi umbi naid chiec cuëdcuededantsiandac, quepanëdash Esus padiseobo chiec.

Ducas 19:9

Adoaquien Esusën: Chian annëdënquequid yacno nësecatsembuedi aton tsusedpa Abadauanën tantiampicpaden tantiaquid yanacsho Saqueobëta aton shubun icquido mënchicaid nëbi iquec.

Ducas 5:21

Aden chuisho tantiash padiseobobëd Moisesën chiampid tantiamequido ambibi tantiacpadec onquec: Nuquin Papanuidtsëqui chuitequidquio chuibanquin Nuquin Papa icsambuen chuishunquid yec ¿tsutsi nepec? Nuquin Papa abentsëcquiobien icsambuen naidtedi tantienquio yec bëshunquid nec, quecuededpanëdash.

Uanën dada uaid 8:33

Adsho tantiashumbien: Ubitedi Abadauanën tsiuecquido yec utsin iuacmaido nebi. Tantiadenquiocnoc mimbi chiec. ¿Atotsi quequin: Iuapenquio mibi icmendambi, quequin mimbi ubi chuipe? capondash abi tantiabentsëcquidon.

Uanën dada uaid 8:39

Adsho tantiash: Abadauan cun pabimbuecquid nec, quepondash. Adshobien Esusën: Aidën madobimbuecquido icquin Abadauanën nanëdacpadombuen naquin mimbi bëdambuen natsiac.

Hechos 26:20

Shubu dadpen icquid Damasco yacnoshon bedanquin Esusën naid Chiaid Bëda chuibanondambi. Adshumbic Edusaden yacnoshontsen chuibanuaondambi. Adshumbic aid nidaid cuëshë Udea caid shubu utsi utsiec yacnoshontsen chuibenniondambi. Isadaidboba chuibanshumbic Isadaidpembotsen naden chuibanombi: Mimbi icsambuen naid ënshun Nuquin Papambo tantiaquin Aidën chiacpaden nabanta, quequin chuibampondambi.

Doma 4:16

Nuquin Papan naden Abadauan chuipampic: Abadauan, umbi chuisho tantiash: Abimbo mimbi caic, quesho mibi bëdambuen isquin: Min tsiuecquido: Ubi piucquid mene, cainquiocquin aid nidaid abitedi menendambi, quequin chuipampic. Aden chuiquin ambi cuidenquio icquin bëdambuen iste Abadauanën tsiuecquidotedi tantiametiadquio icpampic. Nuquin Papan: Naden nata, quequin chuiquin Moises meniaid bedshun isadaidbouidtsëqui chienquio icquin adopampic. Abadauambimbuen abi tantiaquido icsho bëdambuen isendac. Aden ambia Nuquin Papa tantiaquid yec Abadauan nuquitedishun papabimbuecquid nec.

Doma 9:7

Ëndenquimboshë Abadauanën tsiuecquido abitedi Nuquin Papan: Cun matses nec, caidopenquio icnuc Nuquin Papan: Min mado Isaquën tsiuecquido cun matses caindambi, quequin chuipampic.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.