Ducas 3:22 - El Nuevo Testamento en matsés

²² oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.

Ducas 3:22 ပူးပေါင်းရင်းမြစ်များ

Mateo 12:18

Nëid Umbi Chomiaid umbi namiaidquio nec. Umbi tantiaidquio nec. Adquid icsho isash cuishonquebi. Cun Mayan aidbëd icmendambi. Adoac nidaid utsi utsiec yacno tabadquidtedi Nuquin Papan matses bëdambuen iste tantiamequin chuibanendac.

Mateo 17:5

Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Mateo 27:43

Nuquin Papa tantiaquid yec aton Madombo nebi, quequid icsho: Ai, cun madombo nec, quequin Nuquin Papan budmiac uënësenquio icsho isnu, quecuededpanëdash.

Mateo 3:13

Adec acten mentoanquid icquin acte Odan caidën matses mentobampanëdash Uanën. Adnubien Esus: Ma ubitsen Uanën acten mentono, quianec nidaid Cadidea yacnouësh choash: Ubitsen mento, quetuidpanëdash.

Mateo 3:16

Aden mentoboc Esus pudundonobien abu canchedec shëcuë yampanëdash. Adnubien auëshquiobi oshpodcobimbuecquid budec Nuquin Papan Mayan Esusbëd icnuec budsho ispanëdash.

Mateo 3:17

Adnubien abucuëshquio Nuquin Papa onquepanëdash: Nëid umbi tantiaidquio Cun Madombo nec. Umbi chiacpadombuen nasho isash bëdambo iquebi, quepanëdash Esus caic.

Madcos 1:11

Adnubien abucuësh nadec onquepanëdash: Mibiuidtsëqui cun Madombo icsho umbi bëdambuen isquin umbi tantiaidquio mibi nec, quepanëdash.

Madcos 1:9

Adnubien Uanën chuibuedquio Esus nidaid Cadidea caidën icquid shubu daëdpactsëcquid Nasaded yacnouësh chopanëdash. Adec choacshobien Uanën acte Odan caidën Esus mentopanëdash.

Madcos 9:7

Adec tabadshobien abu ushu choquin bëtimpanëdash. Aden bëtinacnouëshquiobi naden chiec onquiampanëdash: Nëid Umbi tantiaidquio yec cun Madombo neque. Aidën chuisho bëdambuen tantiata, quec onquepanëdash Nuquin Papa.

Ducas 2:14

Nuquin Papa abucquio tabadquid yec bëdamboshë iquec. Nuquin Papan bëdambuen isaido matses ma bëdambuec tabadpanuna, quec cuëdëmpanëdash.

Ducas 4:21

Aden isec tabadsho isash: Nuquin Papan chuiquin dada uamiampid umbi chuibansho mibitedishun tantiabuedën nëbimbobi nabanquin bedambued mimbi tantioc, quepanëdash Esus.

Uanën dada uaid 1:32

Adashic abi onquec: Nuquin Papan ismiac aton Mayan Bëdamboshëcquid oshpodcobimbuecquid abucuësh budec Esusbëd icnuec tsadtosho ispombi.

Uanën dada uaid 12:28

Adtanequien aton Papa chiec: Papa, mimbi tantiacpadombuen nëbi nainembi. Umbi aden nainacsho: Nuquin Papa bëdambo iquec, matses cameta, Papa, quenubien abucuësh cumapenec onquec: Nëbi adomeshumbic padpiden: Nuquin Papa bëdamboshëcquid nec, matses cameuaindambi, quepondash.

Uanën dada uaid 5:37

Ubi chiecbidi ubi chomequidtsen Cun Pa abimbo chiec onquepondash. ¿Adembidi Cun Pa onqueshoda tantiadio? ¿Cun Pada istio? Padambo mibitedishun iquec.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Codosas 1:13

Ënden Mayan Icsa Satanasën iuaquin namiaido yec inchëshquio yacno tabadacbimbuec tabadsho Nuquin Papan nuqui mënchicpondash. Aden mënchicshun ambi tantiaidquio aton Mado Esuquidistun namiaido nuqui icmiondash.

Petedo 1 2:4

Shubu uanun buintad istuidash: Nëid bëdambo iqueque. Nëidquio nitsinembi, quiacbimbuen Nuquin Icbo uënëstiapimbocquid icsho tantiata. Adotiadquidi matses dadpenshunquio chieshëmpondash. Aidi Nuquin Papan tantiaidquio yec bëdamboshëcquidquio chopaccondash.