Ducas 3:16 - El Nuevo Testamento en matsés

¹⁶ Adsho tantiashun Uanën naden chuipanëdash: Mibi acten mentoquiduidtsëqui nebi. Ubi adquid icnubi cun tsiuec ubi udictsëcqiocquid utsi choshon nadatiambocquin nabanquin chuibanendac. Adquid icsho ubi icsaquid icquin aidën tapucudte chicnuec dacuëdquin chictiapimbo iquebi. Aidëmbi cute nëdënquequidbimbuecquid ismequin aton Mayan Bëda abi tantiaquido menendac.

Ducas 3:16 ပူးပေါင်းရင်းမြစ်များ

Mateo 3:11

Adshumbic padpiden chuiquin: Umbi icsambuen naid ënash Nuquin Papa tantiaquid nebi, quequid mibi utsi utsiec icsho acten mentobanquin chuibanquid nebi. Umbi chuibannubi cun tsiuec utsi choshon aidëntsen chuibanendac. Aidi ubi udictsëcquidquio yec nadatiambocquin nabanquid icsho ubi icsaquid icquin abi tapucudaid chicnuec dacuëdtsiabi. Aidi choshon: Ubi tantiaquid nec, queshun cute nëdënquequidbimbuecnuc ismequin aton Mayan Bëda menendac.

Mateo 3:12

Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo icsho ënëdenquio yec chian annëdënquequid Nuquin Papan nësecaindac. Adoshombic abi tantiaquidotedi abi yacno puduedmendac, quepanëdash Uan acten mentoanquid.

Uanën dada uaid 1:26

Adoaquien Uanën: Nuquin Papa tantiabenquido icsho acten mentoquiduidtsëqui nebi. Adobannubi nëmbobi utsi mimbi isacmaid

Uanën dada uaid 1:27

cun tsiuec choquid ubi udictsëcquid iquec. Aidëmbi umbia chuibambon nadatiambocquin nabanquin chuibanendac. Adquid icsho isash icsaquid yec dacuëdquin abi tapucudaid chictiapimbo iquebi, quepondash Uan acten mentoanquid.

Uanën dada uaid 1:33

Adsho isash tantienquio yec: ¿Tsutsi nepec? queshobi Nuquin Papan: Acten mentoanquid icta, ubi cabuedën: Cun Mayan oshpodcobimbuec budec tsadtobuedën abi tantiaquidobëd cun Mayan tabadmendac, Nuquin Papan cabuedshenda nepec, quiobi Esus caic.

Uanën dada uaid 7:38

Adsho Nuquin Papan chuiquin dada uamiampicpadombuen naindambi. Ubi tantiaquido icsho acte acmiac cuishonquiacbimbuecnuc bëdambo icmendambi, quepondash Esus.

Hechos 1:5

Nuquin Papa tantiaquid nec, quequin acten mentopadennec Uan acten mentoanquidën. Padnuen iuecpactsëcshun umbi chiannebuedquio: Ubi tantiaquid nec, quequin Nuquin Papan aton Mayan Bëda mibitedi menendac, quepanëdash Esus.

Hechos 10:44

Aden Petedon chuibansho tantiaquidotedi icsho issun Nuquin Papan: Ma aidobëd tabadnu, queshun aton Mayan Bëda menepanëdash.

Hechos 2:33

Aidi uincuenash nidacsho Nuquin Papan aton dayun abiucquio tsadtomepanëdash. Ambo nidacsho Nuquin Papan Aton Mayan Bëda menepanëdash. Adoac ambi chiannebocpadombuen Esusën aton Mayan Bëda ubitedi menebanac onquete utsin utsinquiec onquesho nëbi mibitedishun tantiec.

Codinto 1 12:13

Adecbidi isadaidbo yec matses utsibo yec utsin iuaido yec matsesën iuacmaido yec quec Esus tantiaquido iquec. Adquido icsho acten mentoaido yec abentsëc yacbimbuec nuquitedi tabadnubi Nuquin Papan Aton Mayan abentsëcquiobi nuqui meniaid nuquibëd tabadec.