Ducas 3:14 - El Nuevo Testamento en matsés

¹⁴ Adembidi sondado chochoshon: ¿Atotsimbi napatsia? capanëdash Uan chuiquin. Adoaquien: Min piucquid bunquin utsibo bedshunenda. Utsibo chuiquin: Mitsana bec cho. Cueschitomane, cainda. Utsin bedaid tantiashun mua uaquin chienda. Min chuiquidën piucquid meniac: Daëdpactsëc iqueque. Utsibo bedshunnu, quenda, capanëdash Uanën sondado chuiquin.

Ducas 3:14 ပူးပေါင်းရင်းမြစ်များ

Mateo 8:5

Shubu dadpen icquid Capednaun yacno nidash Esus tabadpanëdash. Adnubien Doma yacnoquid sondadon chuiquid tapa capitan caidën naden Esus chuituidpanëdash:

Ducas 19:8

Adnubien aton shubu nuntanuësh nidtoash Saqueo: Tantia. Chuinu, Icbo. Nëbi cuna tedbidi bedquin atona nibëdquido tedbidi menebanembi. Adoshombic cun matses: Cuna mimbi ampioc, quesho tantiashun umbi ampiaidbëta daëd daëdquiecnuc daëd uashun icbo menebanuaimbi, quepanëdash Saqueo Esus chiec.

Ducas 3:10

Adoaquien: Nuquin Papan aden cuidnushe, queshun ¿atotsimbi napatsia? capanëdash iccuededquidon.

Ducas 3:13

Adoaquien: Chuiquid tapan chiactedtsëqui bedshunta. Muaquin cuna daëd uanu quequin bedshunenda, capanëdash Uanën.

Hechos 10:7

Aden chianec Nuquin Papabëd icquid nidambic Codnedion aton iua daëdbëta ambi tantiaidquio Nuquin Papa tantiaquidbidi icsho sondado utsi abentsëc chomeshun

Pidipos 2:15

Esus tantiaquido icsambo iquec, utsibo quenushe. Adenda. Nuquin Papan: Cun mado nec, cun champi nec, caido yec bëdambuec tabadta. Matses dadpenquio abi icsate bunacpadequi icsamboshëcquido icnubi adequi bëdambuec tabadta. Adec tabadquin icsambo icquido mimbi Esus tantiametsiac paposhquiacbimbuecnuc. Aden nabanec mibitedi bëdambuec tabadendac.

Pidipos 4:11

Cuna nibëdeque. Bec cho ¿quectabi icti? Padenquio. Cuna icnuc bëdambo iquebi. Cuna nibëdnubi adecbidi bëdambo iquebi, quequin tantiabenondambi.

Tito 2:3

Adembidi Esuquidistu tantiaquid machobo tantiamequin naden chuibanta. Nuquin Papan bëdambocquid icmiaid nebi, quec bëdambuec tabadta. Adembidi utsin icsambuen naiduidi chiannequid iquenda. Adembidi acte paë uaid tantiadennuen acquid iquenda. Bëdambuen nabanec tabadquin buntacbo ismeta, quequin machobo chuibanta, Tito.

Esusën Uan ismiaid 12:10

Adnubien Nuquin Papa yacnouësh cumapenec onquequin naden chuiposh: Nëbi Nuquin Papan nadatiambocquid icquin abi tantiaquido bëdambuen isquin abi dëniacnuequido mënchicshun abi yacno tabadmendac. Abitedishun Icbombo yanshun nidaidën icquidtedishun chuiquid tapa Mesias caid icquin Esuquidistun matses abitedimbo namendac. Nuquin Papan abi chieshënquidquio icsho cuenmiaid icquin Esus tantiaquido chieshënquin badiadquidën badiadquidënquien Nuquin Papa tantiaquido icsambuen chuishunquid Mayan Icsa Satanas nec. Adembidi inchëshquidën inchëshquidënquien icsambuen chuishundednequid nec.